JENESIS 15
15
Ka jutang hapdeng U Blei bad u Abram
1Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”
2Hynrei u Abram u ong, “Ko Trai Nongsynshar, kan myntoi aïu ka bainong jong me ïa nga haba ngam don khun? U nongïoh pateng jong nga u dei tang u Eliesar uba na Damaskos. 3Mem shym la ai khun ïa nga, bad uwei na ki mraw jong nga un ïohpateng ïa ka spah ka phew jong nga.”
4Nangta u ïohsngew ïa U Trai ba u kren biang ha u, “Une u Eliesar uba long u mraw un ym ïohpateng ïa ka spah ka phew jong me; u khun jong me hi un long u nongïoh pateng jong me.” 5#Rom. 4:18; Heb. 11:12U Trai u ïalam ïa u shabar bad u ong, “Khmih ïa ka sahit bneng, bad pyrshang ñiew ïa ki khlur; men ïoh bun ki khun ki ksiew kat kita.”
6 #
Rom. 4:3; Gal. 3:6; Jak. 2:23 U Abram u la shaniah ha U Trai; bad namar kane, U Trai u la sngewbha ïa u bad u la pdiang ïa u.
7Te U Trai u ong ha u, “Nga long U Trai, uba la wan ïalam ïa me na ka shnong Ur kaba ha ka ri Babilonia, ban ai ha me ïa kane ka ri kum ka jong me hi.”
8Hynrei U Abram u ong, “Ko Trai Nongsynshar, kumno keiñ nga lah ban tip ba kan long ka jong nga?”
9U te u ong ha u, “Wanrah kawei ka masi, kawei ka blang, uwei u langbrot, kawei pa kawei na ki ka dei ban long kaba lai snem ka rta, bad kawei ka paro, bad kawei ka lyngdkhur.” 10U Abram u la wallam ïa kine ki mrad sha U Blei, u ot ïa ki ar lyngkhot, bad u buh ïa ki lyngkhot doh marpyrshah kawei ïa kawei pat ha ki ar laiñ; hynrei ïa ki sim um shym la ot lyngkhot. 11Ki pukni ki wan hiar ha kita ki metïap, hynrei u Abram u beh noh ïa ki.
12 #
Job. 4:13,14 Haba ka sngi ka la jan sep, u Abram u shoh samthiah eh, bad ka jingsheptieng bad ka jingsngew shyrkhei ka la wan ha u. 13#Eks. 1:1-14; Ki Kam. 7:6U Trai u ong ha u, “Ki khun ki ksiew jong me kin long ki nongwei ha ka ri nongwei; kin long ki mraw hangta, bad kin shah pynshitom beiñ haduh sawspah snem. 14#Eks. 12:40,41; Ki Kam. 7:7Hynrei ngan pynshitom ïa ka jaitbynriew kaba teh mraw ïa ki, bad haba kin ïamihnoh na kata ka ri nongwei, kin da kit ruh shibun ka spah. 15Me pat, men im tymmen, men ïap ha kaba suk, bad yn sa tep ïa me. 16Kan shim por saw pateng bynriew shuwa ba ki khun ki ksiew jong me kin wan phai pat shane; namar ngan ym pat beh noh ïa ki Amor tad ynda ki la long bymman haduh katta katta kat haduh ba ki dei ban shah pynshitom.”
17Haba ka sngi ka la sep, bad ba ka la dum, u khiew uba mih tdem bad ka dongmusa kaba mehding ki paw kynsan bad ïaid napdeng kita ki lyngkhot doh. 18#Ki Kam. 7:5Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis, 19kaba kynthup ïa ka ri ki Ken, ki Kenis, ki Gadmon, 20ki Hit, ki Peris, ki Rephaim, 21ki Amor, ki Kanaan, ki Girgash, bad ki Jebus.”
Pilihan Saat Ini:
JENESIS 15: KHACLBSI
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Khasi CL Bible
Copyright © Bible Society of India, 2016.
Used by permission. All rights reserved worldwide.