Lu̱u̱ka Kwanjuura
Kwanjuura
Kitabbu kya Makuru Garungi Gakukwatagana na Yesu̱ Ku̱ri̱si̱to nka Ku̱gaahandi̱i̱ki̱i̱rwe Lu̱u̱ka kili ki̱mwei̱ ha bitabbu binei bya Kiragaanu Kihyaka, bi̱byo bibaza ha Makuru Garungi gakukwatagana na b̯womi b̯wa Yesu̱ Ku̱ri̱si̱to. Bitabbu bindi byobyo: Matayo, Mari̱ko na Yohaana.
Kitabbu kiki kyaLu̱u̱ka kyahandi̱i̱ki̱i̱rwe Lu̱u̱ka munyakuhandiika na kitabbu kindi kyetwa Bikorwa bya Bakwenda ki̱kyo kyolokya bintu bya beegeseb̯wa ba Yesu̱ bi̱baakoori̱ Yesu̱ amaari̱ ku̱kwa na kuhimbooka. Tihaloho muntu yeegi̱ri̱ kasu̱mi̱ koonyi̱ni̱ na kiikaru kyonyi̱ni̱ cali kitabbu kiki baaki̱handi̱i̱ki̱i̱ri̱. Bei̱tu̱ kandi bantu banene bateekereza nti Lu̱u̱ka yaaki̱handi̱i̱ki̱ri̱ mu mwaka nka gwa 70 Yesu̱ amaari̱ kubyalwa. Lu̱u̱ka yaalingi dakitaali kandi Munyamahanga (Bakolosaayi 4:10-14).
Lu̱u̱ka nab̯uyaabba yaaki̱handi̱i̱ki̱i̱ri̱ Teofi̱i̱ro (1:1-4), yaahandi̱i̱ki̱ri̱ na kigyendererwa kya ku̱soboresya bantu bensei̱, namaani maani Banyamahanga, kwega mananu ga bintu bya Yesu̱ bi̱yeegeseerye na bi̱byo bi̱yaakoori̱.
Kitabbu kiki kisoboora bintu binene bikukwatagana na kubyalwa kwa Yohaana Mu̱bati̱zi̱ kukiraho kitabbu kya Matayo na kya Mari̱ko kandi kibaza hoi̱ ha kuganyira, (3:3, 11:4, 17:3-4; 23:34; 24:47), na ha kusaba, (3:21; 5:16; 6:12; 11:1-12, 22:32).
Bicweka Bi̱handu̱ bya mu kiki Kitabbu nka Ku̱bi̱honderegeeni̱
(i) Ntandiko gya Makuru Garungi nka ku̱gaahandi̱i̱ki̱i̱rwe Lu̱u̱ka 1:1-4
(ii) Kubyalwa kwa Yesu̱ na mu̱li̱ngo gu̱yeeteekani̱ri̱i̱ze b̯uheereza 1:5—4:13
(iii) Milimo mya Yesu̱, namaani maani byamahanu bi̱yaakoori̱ na bintu bi̱yeegeseerye 4:14—21:38
(iv) Mu̱li̱ngo gwa Yesu̱ yaakwereeri̱mwo, yaaziikwa, kandi yaahimbooka 22—24
Pilihan Saat Ini:
Lu̱u̱ka Kwanjuura: rub
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© (Active),Wycliffe Bible Translators, Inc. All rights reserved.