PINGANDAI 1
1
1 #
Luk 1.1-4
Tabi Theophilus:
Darŭm surat ku adi sibungas-i, aku agi nuris pasar sopŭrŭg kayuh adi Jesus ko ndai ka ngajar so andu-I piguru ndai kraja-I 2ndŭg andu adi ngga-I dog paad ka shorga. Diŭ so-I dog paad Ayŭh agi, ngga kuasa Roh Kudus, pitayan ngara adi-I ko mien da jadi bara pinyuruh-I. 3Sitadŭn pat puru andu, ripas pinyikabŭs-I, Ayŭh agi pinandŭng adŭp-I di ngara darŭm bagŭ masam gaya adi kiren Ayŭh sawŭ udip. Ngara kiris Ayŭh, ka Ayŭh minyu ngga ngara pasar Pinyipritah Tapa.#1.3 Pinyipritah Tapa; so tigŭrŭ bang piminyu: Pritah Tapa. 4#Luk 24.49 Ka kan ngara tikuruk,#1.4 Kan ngara tikuruk; puan kah: sitadŭn Ayŭh rŭŭ ngga ngara; puan kah: darŭm Ayŭh man ngga ngara. Ayŭh nggen di ngara pinganang sakati: “Dŭhnyah bu so Jerusalem, pak kajŭn pinganggen anŭ adi Aku ko kidaan di angān, pinganggen adi Sama Ku ko bijanji an nggen. 5#Mat 3.11; Mrk 1.8; Luk 3.16; Jhn 1.33 John baptisa ngga piin, pak dŭh tui te angān re dog baptisa ngga Roh Kudus.”
Jesus Dog Paad ka Shorga
6Kan bara pinyuruh mbŭh tikuruk ngga Jesus, ngara siken Ayŭh, “Tuhan, madin kah Kaam re pari Pinyipritah bangsa Israel?”
7Jesus nam ngara, “Andu ngga tipuh-i, anŭ mbŭh kuasa adŭp Sama Ku ngatur, ka dŭh-i yŭn ngan re puan sinde. 8#Mat 28.19; Mrk 16.15; Luk 24.47-48 Pak angān re kambat kuasa kan Roh Kudus mandŭg ka angān; ka angān re jadi saksi Ku di Jerusalem, di ndi tarun tana Judea ngga Samaria, ndŭg bŭngŭn ong.” 9#Mrk 16.19; Luk 24.50-51 Ripas-I ko nang sakanŭ, Ayŭh dog paad ka shorga darŭm ngara tingga Ayŭh; ka abun sukan Ayŭh so piningga ngara.
10Ngara babŭ nyigura ka rangit tingga Jesus bu, kan duwŭh naan daya nēn piraka buda gŭgŭh agi mijog sindŭk ngara 11ka nang, “Daya Galilee, mani angān mijog digiti nyigura rangit? Jesus, adi dog paad ka shorga, re pari mun anŭ gŭh nimun adi angān kiris Ayŭh maad ka shorga.”
Daya adi dog Tijuan da Gati Judas
12Komŭnŭ bara pinyuruh pari ka Jerusalem so Sandah Kanā, adi kurang rabis ndi kilomita jo so kupo. 13#Mat 10.2-4; Mrk 3.16-19; Luk 6.14-16 Ngara mŭrŭt kupo ka maad ka birit adi yŭn ngara nyandong: Peter, John, James, Andrew, Philip, Thomas, Bartholomew, Matthew, James anak Alphaeus, Simon adi Patriotik, ka Judas anak James. 14Ngara awet tikuruk simayang, samŭn bara dayung ka Mary adi sindŭ Jesus ngga bara jurud dari-I.
15Agi kudu kudu andu ripas anŭ, bara adi sabah di Jesus ngudung. Sopŭrŭg ngara agi siratus duwŭh puru naan; ka Peter makat minyu. 16“Bara dingan ku,” ayŭh nang, “pinganang Surat-kudus dŭh siŭn dŭh an jadi bitŭtŭk. Dawŭ-i Roh Kudus minyu so baba David ninjau pasar Judas, adi jadi aran yŭn ngara adi nakap Jesus. 17Judas mbŭh ndi naan so ata, amai ayŭh mbŭh dog mien da biyŭn utung darŭm kraja ati.”
( 18#Mat 27.3-8 Ngga duit adi-i dapŭd so kraja arap-i Judas miris ndi engan tana, di yŭn-i kabŭs rabu; tain-i bubus ka kuboi-i ruah. 19Sopŭrŭg daya adi rŭŭ di Jerusalem agi dingah pasar kayuh anŭ, ngapŭi darŭm piminyu adŭp ngara tana anŭ mbŭh dog kadŭn Akeldama, rati-i “Tana Deya.”)
20 #
Maz 69.25, 109.8 “Amai agi dog nuris di surat Mazmur,
‘Isa-i ramin-i jadi engan;
isa-i daya dŭh rŭŭ dieh.’
Mbŭh agi gŭh dog nuris,
‘Isa-i daya bŭkŭn gati ayŭh di kraja-i.’
21-22 #
Mat 3.16; Mrk 1.9, 16.19; Luk 3.21, 24.51 “Ngapŭi an agi daya dŭh siŭn dŭh sua jadi saksi ngga ata pasar pinyimakat Tuhan Jesus so kabŭs. Daya anŭ dŭh siŭn dŭh an ndi naan so ngara adi agi ngga ata sitadŭn Tuhan Jesus bijaruh ndai kraja-I ayō ata, piguru so tipuh John nyuse ajar-i pasar baptisa daya#1.21 piguru so tipuh John nyuse ajar-i pasar baptisa daya; puan kah: John baptisa Ayŭh. ndŭg ka andu Jesus dog paad ka shorga.”
23Jadi ngara satu duwŭh naan daya: Joseph, adi dog kadŭn Barsabbas (dog kadŭn gŭh Justus), ka Matthias. 24-25Jadi ngara bidua, nang, “Tuhan, Kaam puan pikir-kira sopŭrŭg daya, kidaan di kieh aki so ngara duwŭh ati adi Kaam mien bada jadi pinyuruh gati Judas, adi mbŭh bu ka tarun yŭn adŭp-i.” 26Komŭnŭ ngara pakai taran dadu ngga mien aki ndi so ngara duwŭh. Ka adi dog mien inŭh Matthias, ngga nambah bara pinyuruh adi simŭng-ndi naan.
Pilihan Saat Ini:
PINGANDAI 1: TBVONT
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Hakcipta - Today's Biatah Version New Testament © The Bible Society of Malaysia, 2003.
