Màtéwò 9

Yèésù bɔ arɔ-kã̀

(Mákò 2:1-12; Lúkà 5:17-26)

1Tsí Yèésù sɛ̃̀ wɔ̀ lɔ nɔ́kɔ̃̀-odzómi#ɛ́, tsí sɛ̃̀ kadzá oɖò#ɛ́, tsí bɔ̀ wáa lɔ ńǹlú‐ɛ̀. 2Kíbí ó káà tó#ɛ́, à kɛ́ àkɔ̃̀rɔ̃̀-kã̀ si ńbànkàrá wá fúu. Arɔ ní ó dzɛ́#ɛ́, ɛsɛ̀‐ɛ̀ ŋa kú kpó. Tsí kíbí Yèésù rí mà ní à nɛ́ àkaralé si ńǹtá-òŋu#ɛ́, ó fɔ̀ fú arɔ#ɛ́ ní: Ídzà-mi kɔ́ɔkpɔ dza! Ǹ mú àbi‐ɛ̀ɛ ŋa, tsí ń tɔrɛ fɛ́ɛ.

3Ńǹwèrè nyɛ̀ŋɛ̀#ɛ́, akɔ́nɛ nɛ́kpa-Ɔ̀ɖáyé† kã̀ŋa wà bɛ̀ si, tsí wà fɔ̀ ńnɔ́-ara-ŋa ní: È rí kíbí idza yèé òŋu wà gbɛ̃ɛ̃́rĩ́ ɛ́kɔ-Ɔ̀ɖáyé gé!

4Ó ɖi, Yèésù ma iŋɛ́ yèé wà ńǹsérè fú ŋa#á, tsí ó fɔ̀ fú ŋa ní: Kí tse tsí ìsérè-íbàɖí nyɛ̀ŋɛ̀ wà néwo fú ŋa ná? 5Fee, òŋu kó fɔ̀ fú ɔ̀nyà-kã̀ ní à mú àbi‐ɛ̀ ŋa tɔrɛ fúu òŋu kó ǹɖe, tsí kó rɛ̃̀ fe, náàŋírĩ-oŋù-afɔ̀ méèdzì ŋa#á, yèésí le lárè ná? 6Ó ɖi, òŋu wà wò ní ká mà ní òŋu, Ɛnɛ yèé ɔ̀nyà bí#ɛ́†, òŋu nɛ́kpá ńǹtalɛ̀ bí, tsí òŋu kó mú àbi-nɛ tɔrɛ fúnɛ.

Tsí ó nyí, tsí fɔ̀ fú arɔ#ɛ́ ní:

Kó ǹɖe! Tsí kó kɛ́ bànkàrá‐ɛ̀, tsí kó lɔ ńlé.

7Tsí arɔ#ɛ́ si ǹɖe kpáà! Tsí dzì nɔ́ɔ̀nà-ilé.

8Ɔ̀nyà ŋa kpɔ̀ si bɛ̀ tó bɛ́ɛ̀, tsí kíbí à rí bɛ́ɛ̀#ɛ́, ó kpa ŋá nótútù, tsí à wà nyɛ Ɔ̀ɖáyé yèé mú ikpá-ìrɔ́ yèé bɔwɔ́-ɔ̀nyà ŋa#á.

Yèésù kpe Màtéwò ní kó tɛ̀ náànyì-òŋu

(Mákò 2:13-17; Lúkà 5:27-32)

9Tsí Yèésù ǹɖe bɛ̀, tsí kíbí ó làkóò#ɛ́, ó rí ɔnɔkɛ̃̀ɛ̃-kã̀, tsí à náa kpèé ní Màtéwò, tsí ó dzokó si ńǹɖì-itsɛ́-agbalómbà ŋa. Tsí Yèésù fɔ̀ fúu ní: Kó ǹɖe, tsí kó tɛ̀ náànyì-òŋu.

Tsí ó ǹɖe, tsí tɛ̀ náànyì‐ɛ̀.

10Náànyì-bɛ́ɛ̀#ɛ́, Yèésù káà dzɛŋɛ́ ńlé-Màtéwò. Ńbɛ̀ɛ́, agbalómbà ŋa òŋu olòmírɛ̃̀ yèé ŋa kà nyɛ̀wɔ̀-Ɔ̀ɖáyé#ɛ́ gbo kpérí wá, tsí wà dzɛŋɛ́ bá Yèésù òŋu ɔmatsɛ́‐ɛ̀ ŋa.

11Ɔma-ɛgbɛ́-Fàrísì† kã̀ŋa gbo wà bɛ̀, tsí kíbí à rí bɛ́ɛ̀#ɛ́, à wà bere ɔmatsɛ́‐ɛ̀ ŋa ní: Kí tse tsí ɔ̀gá-ŋa wà dzɛŋɛ́ bá agbalómbà òŋu olòmírɛ̃̀ yèé ŋa kà nyɛ̀wɔ̀-Ɔ̀ɖáyé#ɛ́ ná?

12Tsí afɔ̀#ɛ́ dzì nétí-Yèésù, tsí ó fɔ̀ ní: Abarakpá kò bere abɔnɛ, àkɔ̃̀rɔ̃̀ ni. 13Ó ɖi, ká lɔ, tsí ká káà bere òkpì-afɔ̀ yèé Ɔ̀ɖáyé fɔ̀ si#ɛ́. Ó fɔ̀ si ní: “Òŋu wà wo ká rí ànyínɔ́ fúnɛ ni. Kò tsi ká mú ɛrã tsɛbɔ fú òŋu ní òŋu wà wò#ɛ́.”#9:13 Ìwé-Hòséyà 6:6 (Osée 6:6) Ó ɖi, òŋu kò tse àtsùgbé-atsòtítɔ́ ŋa, tsí wá ńǹtalɛ̀ bí. Àtsùgbé-adzàbi ŋa ní òŋu wá#á.

À bere Yèésù náfɔ̀-kã̀ ti nára-arũ ɖíɖì

(Mákò 2:18-22; Lúkà 5:33-39)

14Náànyì-bɛ́ɛ̀#ɛ́, ɔmatsɛ́-Yòhánà† ŋa wá ńɖi-Yèésù, tsí wà bèrèé ní: Kí tse tsí àŋa òŋu ɔma-ɛgbɛ́-Fàrísì† ŋa, àŋa náa wà ɖi arũ, tsí ɔmatsɛ́ tɛ̀ɛ̀ ŋa òŋu kà ɖì ná?

15Tsí Yèésù wà dzɔ́ŋù fú ŋa ní: Ká fɔ̀ ní ɔ̀nyà-kã̀ náya wá, tsí ídza‐ɛ̀ ŋa waà dzɛ ɔɖɔ̃́ báa. Bí ó dzɛ́ ní ɔkɔláya#á wà bá ŋa si, tsí à wà dzɛ ɔɖɔ̃́#ɛ́ fe, ara nákó kú ŋa yáà? Láyé! Ó ɖi, ìwèrè-kã̀ nákó wáa wá, tsí ɔkɔláya#á kàkó wà náàŋírĩ-ŋa ró. À nákó wáa múu lɔ. Ńǹwèrè nyɛ̀ŋɛ̀ ní à nákó ɖi arũ ńǹkɛ̀ɛ́#ɛ́. 16Fee, ɔ̀nyà-kã̀ kpókpó kà bu atsɔ titɔ̃, tsí ń tá ìwɔ̀ra gbígbó. Bí ò fɔ̃̀ɔ̃́ àrìkã̀ gé, atsɔ#ɛ́ nákó sá, tsí nákó fa agbaɖa-kã̀-àwù#ɛ́, tsí ìwɔ̀ra#á nákó tɔ́ ya máa ró. 17Tsí bɛ́ɛ̀ ké ní à kà mú ɔtí-òròrò, tsí ń ɖà náàkpò-awɔ hóhó#ɛ́ ńnɛ̀ɛ́. Bí kò tsi bɛ́ɛ̀, àkpò#ɛ́ nákó ɖá, tsí ɔtí#ɛ́ nákó ɖànu, tsí àkpò#ɛ́ gbo nákó rá. Ó ɖi fee, à náa kɛ́ ɔtí-òròrò, tsí ń ɖà náàkpò-awɔ titɔ̃ ni. Tsí ɔtí#ɛ́ gbo, àkpò#ɛ́ gbo, à kà rá ró.

Yèésù bɔ ɔnɔbɛ̃̀ɛ̃-kã̀, tsí dzí ɔma-onùgbó-ɔma-Ìyúɖà ŋa-kã̀ gbo ti náàŋírĩ-òkú ŋa wá náyé

(Mákò 5:21-43; Lúkà 8:40-56)

18Ńǹwèrè yèé Yèésù wà wíìnyɛ̀ fú ŋa#á, onùgbó-ɔma-Ìyúɖà† ŋa-kã̀ sɔ́ tìmá‐ɛ̀, tsí kálɛ̀ nábɛ́‐ɛ̀, tsí mú erí kãlɛ̀ fúu, tsí wà fɔ̀ fúu ní: Ɔma-òŋu ɔnɔbɛ̃̀ɛ̃ kú ńǹsɛ̃̀ɛ̃́. Ó ɖi, kó wá, tsí kó wáa mɔ́wɔ́ lé ńǹtá‐ɛ̀, nákó dzí wá náyé.

19Tsí Yèésù òŋu ɔmatsɛ́‐ɛ̀ ŋa ǹɖe, tsí tɛ̀ náànyì‐ɛ̀.

20-21Ńǹwèrè nyɛ̀ŋɛ̀#ɛ́, ɔnɔbɛ̃̀ɛ̃-kã̀ wà náànyì-Yèésù si. Ɔnɔbɛ̃̀ɛ̃#ɛ́, àmbara wà ɖà nára‐ɛ̀ ɔɖɔ̃́ máàméèdzì‐ɛ̀ ńnɛ̀ɛ́, tsí kò wà ɖáàtí fúu láyé. Ńbɛ̀ɛ́, ó wà fɔ̀ ńnɔ́-ara‐ɛ̀ ní: Bí òŋu nyáa mɔ́wɔ́ kã ìwɔ̀ra-Yèésù gé ná, àrɔ̃̀#ɛ́ nákó tu òŋu. Tsí ó tìmá‐ɛ̀ ńǹkpàɖànyì‐ɛ̀, tsí mɔ́wɔ́ kã etí-àwù‐ɛ̀.

22Tsí Yèésù nyí wò, tsí ríi, tsí wà fɔ̀ ní: Ɔma, kɔkpɔ! Fee, àtsùgbée kíbí ó nɛ́ àkaralé si ńǹtá-òŋu#ɛ́ ní Ɔ̀ɖáyé bɔɔ́#ɛ́. Ńǹɖì-bɛ̀ gbòkã́#á, àrɔ̃̀#ɛ́ tu ɔnɔbɛ̃̀ɛ̃#ɛ́.

23Tsí à sɛ̃̀ dzì nɔ́ɔ̀nà. Tsí kíbí à lɔ káà tó ńlé-onùgbó-ɔma-Ìyúɖà ŋa#á, Yèésù rí afɔ̃fèrè kã̀ŋa bɛ̀, tsí à tɔ́tse si kpó, tsí ká káà ri òkú#ɛ́, tsí ɔ̀nyà ŋa gbo kpɔ̀ si bɛ̀ kpìtìì, tsí wà nya ara-ŋa tsã́, tsí wà nɔ́kṹ si. 24Tsí ó fɔ̀ fú ŋa ní: Ká fùɖá! Maɖé#ɛ́ kò kú, ó wà sɔ̃rũ ni. Kíbí ó wí bɛ́ɛ̀#ɛ́, à dzì náàrĩ́ fúu. 25À lé ɔ̀nyà kpó fùɖá, tsí Yèésù wɔ̀ lɔ ńnɔ́-ilé#ɛ́, tsí ó dzi ɔwɔ́-maɖé#ɛ́ banɛ́, tsí ó ǹɖe. 26Tsí à wà kpɛ̀rɔ́-iŋɛ́ yèé tse nyɛ̀ŋɛ̀#ɛ́ nérè-bɛ̀ kòdzá kpó.

Yèésù tsí odzú fú afɔ́dzú méèdzì

27Náànyì-bɛ́ɛ̀ ró#ɛ́, Yèésù ǹɖe bɛ̀, tsí dzì nɔ́ɔ̀nà. Tsí kíbí ó làkóò#ɛ́, afɔ́dzú méèdzì kã̀ŋa wà ɖúgbe tɛ̀ náànyì‐ɛ̀ ní: Ɔmalɔ́ma-Ɖàfíɖì†! Kó rí ànyínɔ́ fú àŋa ɖé ooò.

28Kíbí Yèésù káà tó ńlé#ɛ́, afɔ́dzú ŋa#á tìmá‐ɛ̀, tsí ó wà bèrè ŋá ní: À nɛ́ àkaralé ní òŋu nákó nyáa tsí odzú fú ŋaà?

Tsí à dzɔ́ŋù fúu ní: Ɛ̃ɛ̃ ɔ̀gá!

29Tsí Yèésù mɔ́wɔ́ kã odzú-ŋa, tsí wà fɔ̀ ní: Ńǹmarũ-kíbí à nɛ́ àkaralé si ńǹtá-Ɔ̀ɖáyé#ɛ́, nákó bɔ ŋá.

30Gbòkã́ gé#ɛ́, odzú-ŋa tsí ŋàà, tsí Yèésù fɔ̀ fú ŋa nóŋù líle ní: Ká rɛ̃tígbè rere, tsí ká gbɔ́. Kò wà ní ɔ̀nyà-kã̀ kpókpó kó gbɔ́.

31Ó ɖi, kíbí à sì fùɖá lɔ#ɛ́, à lɔ káà fɔ iŋɛ́ yèé ó tse fú ŋa#á nérè-bɛ̀ kpó.

Ɔ̀nyà-kã̀ dzɛ́ mùnù, tsí Yèésù bɔɔ́

(Màtéwò 9:32-34; Lúkà 11:14-15)

32Ńǹwèrè yèé afɔ́dzú ŋa#á sɛ̃̀ làkóò#ɛ́, à gbɛ̃́ ɔ̀nyà-kã̀ wá fú Yèésù. Ɛnɛ nyɛ̀ŋɛ̀ dzɛ́ mùnù ni, iŋɛ́ yèé tse#ɛ́, edzò†-kã̀ wà ɖɔ́kpɔ fúu.

33Tsí Yèésù lé edzò#ɛ́ sɛ̃̀ náànyì‐ɛ̀. Tsí kíbí ó sá fùɖá#á, mùnù#ɛ́ kpé ìnyɛ̀ wíwí gbòkã́, tsí ó mu ɔ̀nyà kpó, tsí à wà fɔ̀ ní: Kpɔ̀ɔ́! Àŋa kò rí ìrɔ́ yèé wòrí ńǹlú-Ìsàràyɛ́lì†.

34Ó ɖi, ɔma-ɛgbɛ́-Fàrísì† ŋa òŋu wà fɔ̀ ní: Ètsù†, òŋu yèé dzɛ́ ɔ̀gã́-edzò ŋa#á ní fúu ńkpá ní kó wà ń lé edzò ŋa sɛ̃̀ náànyì-ɔ̀nyà ŋa#á.

Yèésù rí ànyínɔ́ fú èrò yèé wà tɛ̀ náànyì‐ɛ̀#ɛ́

35Nára-ɔdzɔ́ nyɛ̀ŋɛ̀ ŋa#á, Yèésù náa wà gbà ńǹlú lákṹ òŋu ńǹtá-oko ɔ̀kã̀lɔ́ɔ̀kã̀ kpó nérè-Gàlìlé. Tsí náa wà lɔ ńlé-ìkpàɖé-ɔma-Ìyúɖà ŋa† yèé wà bɛ̀ ŋa#á, tsí wà tsɛ̀kɔ́ fú ɔ̀nyà ŋa, tsí náa wà dzíkɔ̀ ɖíɖɔ̃̀ fú ŋa ti nára-kíbí Ɔ̀ɖáyé nákó wáa dzoyè gbo gbà#á. Náa wà bɔ àkɔ̃̀rɔ̃̀ ɔ̀kã̀lɔ́ɔ̀kã̀ gbo kpó. 36Ńǹwèrè yèé ó wà tse iŋɛ́ nyɛ̀ŋɛ̀ ŋa#á, ɔ̀nyà ŋa tsɛ́ kì, tsí wà tɛ̀ náànyì‐ɛ̀. Tsí kíbí ó rí ŋa#á, inɔ́-ŋa nyɔ́ɔ kpíkpɔ̀, iŋɛ́ yèé tse#ɛ́, à kí dzódzódzó si, tsí ara gbo kú ŋa si kíbí àgùɖã̀ yèé ŋa kò nɛ́ ɛnɛ yèé kó ró ŋa#á bɛ́. 37Tsí ó wà fɔ̀ fú ɔmatsɛ́‐ɛ̀ ŋa ní: Ɔ̀nyà ŋa wà si kíbí dzídzɛ náa ɖí nóko, tsí kpã́ si#ɛ́ ni. Ó ɖi, akpaɖí‐ɛ̀ ŋa kò kpɔ̀. 38Ńbɛ̀ɛ́, ká tsìkálɛ̀ fú Ɔ̀ɖáyé, olóko#ɛ́ òŋu ká‐ɛ̀, tsí kó bɛ akpaɖí dzídzɛ ŋa wá nóko#ɛ́, tsí ká wáa kpaɖí-ɛ̀.

Pilihan Saat Ini:

Màtéwò 9: ngl

Sorotan

Berbagi

Salin