KANTHOUNA 5
5
Adamyei Yu-charap
1 #
Kan 1.27. Awari Adam'yei yu-cha rapbei shullam wari lailik: Dunpune tlaipang thimi sheemthutkur tlainirou, Ane thimi heiya Aiyei shakrung'nakrim sheempikur. 2Heitoubi yaya napawa heirou napuiya khoini sheempikur, heitoubi Ane yaya sheemthutkur tlaini'rouwei phor piwurbi, heirou yaya Adam touri Tlaipang thimi toubine min thulpikur. 3Heirou Adam'ne kum machale somthum ka'tlungeinung aiyei shakrungya klou chanapawa khat hungpukkur; heirou aiyei shakrungya lounei ngamrou aya Seth toubi min thulkur. 4Heitoubi Adam'ne Sethya pukkur hilloukhi kum machachot phani ringkhou; heirou ani chanapawa deikhi heirou chanapuiya rapkhi pukkhou. 5Heitoubi Adam'ne kum macha takole somthum paalkhoubi hikur.
6Heirou Seth'ne kum machale phanga ka'tlungeinung Enosh'ya pukkhou. 7Heitoubi Seth'ne Enosh'ya pukkur hilloukhi kum macha-chotle eni paalkhou, heirou ani chanapawa deikhi heirou chanapuiya rapkhi pukkhou. 8Heisi toubine Seth'yei kum namma macha-takole chiple'khni ringkhoubi hikur. 9Heirou Enosh'ne kum somko paalkhou, heitoubi ani Kenanya hungpukkur. 10Heirou Enosh'ne Kenanya pukkur hilloukhi kum macha-chotle chiple phanga ringkhou, heitoubi aiyei chanapawa deikhi heirou chanapuiya rapkhi pukkhou. 11Heitoubi Enosh'ne pulni kum macha-takole phanga paalkhoubi hikur.
12Heirou Kenan'yei kum macha'eni leibi, heirou ani Mahalalel hungpukkur. 13Heirou Kenan'ne Mahalalelya puk'hilloukhi kum macha-chotle somli ringbi paalkhou; heirou ani chanapawa deikhi, heirou chanapuiya rapkhi pukkhou. 14Heisitoubi Kenanyei kum pulni macha-takole chip paalkhoubi hikur. 15Heitoubi Mahalalel'ne kum somrukle phanga ka'tlungnang Jaredya pukkur. 16Heitoubi Mahalalel'ne Jaredya puk'hilloukhi kum macha-chotle somthum paalkhouthu, heitoubi chanapawa deikhi heirou chanapuiya rapkhi pukkhouthu. 17Heisitoubi Mahalalel'yei kum macha-chotle somkole phanga paalkhoubi hikur.
18Heirou Jaredne kum machale somrukle khni paalbi leiyei kaallou, ani Enochyei pa hunghoikur. 19Heirou Jaredne Enochya puk'hilloukhi kum machachot paalkhouthu; heitoubi ani chanapawa deikhi heirou chanapuiya rapkhi pukkhou. 20Heisitoubi Jaredne pulni kum macha-takole somrukle khni paalkhoubi hikur.
21Heirou Enoch'ne kum somrukle phanga ka'tlungeinung Methusela pukkur. 22Heirou Enoch'ne Methuselaya puk hilloukhi Dunpule kalhonni kum macha-khyum paalkhoubi, heirou ani chanapawa deikhi heirou chanapuiya rapkhi pukkhou. 23Heisitoubi Enoch'ne pulni kum macha-khyumle somrukle phanga paalkhou. 24#Heb 11.5. Heirou Enochni Dunpul'e kalhonni chakhou, heirouri a makkura, ngamri Dunpune aya sharung khoini loubaangurla.
25Heitoubi Methusela'ne kum machale somshrile'eni ka'tlungeinung Lamech pukkur. 26Heirou Methusela'ne Lamech'ya puk'hilloukhi kum macha'enile somshrile khni paalkhoubi, heirou ani chanapawa deikhi heirou chanapuiya rapkhi pukkhouthu. 27Heisitoubi Methuselane pulni kum macha-takole somrukle tako paalkhoubi hikur. 28Heirou Lamech'ne kum machale somshrile'khni ka'tlungeinung ani chanapawa khat hungpukkur; 29heirou ani aiyei min Noah toubi thulkur; heirou ani kyun, “Umpune manchowurkhou thleiya chorbini chur-paangnei klah'knang bom'rouwei nao ani kaya klah mathrilyerrouwa.” 30Heirou Lamechni Noahya puk'hillou kum macha-phangale somkole phanga paalkhoubi, heirou ani chanapawa deikhi heirou chanapuiya rapkhi pukkhou. 31Heisitoubi Lamechne pulni kum macha'enile somretle'eni paalkhoubi hikur.
32Heirou Noahne kum macha-phanga ka'tlungeinung, aiyei chanapawarap Shem, Ham heirou Japheth hungpukkur.
Pilihan Saat Ini:
KANTHOUNA 5: MARIBSI
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.