Matiyu 1

Tsukaya ci Yesu

(Luk. 3:23-38)

1Yesu Kirisiti† Kishi wu uta̱ ta̱ a kpaꞋa ki Ibrahim† m kpaꞋa ku Mogono Dawuda. Na va ɗaɗa ula a tsukaya† ci ni:

2Ibrahim ɗa esheku a Ishaku.†

Ishaku ɗa esheku a Yakubu.†

Yakubu ɗa esheku a Yahuza† n olobo o yoku.

3Yahuza a̱yi ɗa esheku e mpeshe Farisa n Zara (a̱na̱ku e le a ɗa Tamaru.)

Farisa ɗa esheku a Hasuruna.

Hasuruna ɗa esheku a Aram.

4Aram ɗa esheku a Aminadaba.

Aminadaba ɗa esheku a Nasham.

Nasham ɗa esheku a Salumuna.

5Salumuna ɗa esheku a Buwaza.

(A̱na̱ku a Buwaza a̱yi ɗa Rahapu).#1:5 Rahapu Za̱ka̱yimbi ɗa kashakanlai kaꞋa kpamu.†

Buwaza ɗa esheku a Abida. (A̱na̱ku a Abida a̱yi ɗa Ruti).#1:5 Ruti Za̱ka̱yimbi ɗa.

Abida ɗa esheku a Yasa.†

6Yasa ɗa esheku o Mogono Dawuda.†

Dawuda ɗa esheku e Sulemanu.† (A̱na̱ku e Sulemanu a̱yi ɗa Bashaba. A̱yi ɗa vuka vu Uriya vu na Dawuda u ronoi.)#1:6 Dawuda u vaku ta̱ m Bashaba vuka vu Uriya, ɗa u yaꞋin ili i yoku adama a na Uriya u kuwa̱. Arabali a nam pa a a̱ kuciya̱ ta̱ a ɗa a 2 SamaꞋila 11:1-27.

7Sulemanu ɗa esheku e Rehobawa.

Rehobawa ɗa esheku a Abija.

Abija ɗa esheku a Asa.

8Asa ɗa esheku o Johoshafatu.

Johoshafatu ɗa esheku o Joram.

Joram ɗa esheku a Azariya.

9Azariya ɗa esheku o Jotamu.

Jotamu ɗa esheku a Ahazu.

Ahazu ɗa esheku e Hezikaya.

10Hezikaya ɗa esheku a Manasa.

Manasa ɗa esheku a Amon.

Amon ɗa esheku o Josiya.

11Josiya ɗa esheku o Jokoniya n olobo o yoku.

(Ayin a nam pa a ɗaɗa a ɗikai uma a bankai a ugbashi a iɗika i Babila.)†

12Ana a bankai le a iɗika i Babila:

Jokoniya ɗa esheku a Shayatiya.

Shayatiya ɗa esheku e Zerubabe.

13Zerubabe ɗa esheku a Abihudu.

Abihudu ɗa esheku a Iliyakima.

Iliyakima ɗa esheku a Azuro.

14Azuro ɗa esheku a Saduku.

Saduku ɗa esheku a Akimu.

Akimu ɗa esheku a Aliyudu.

15Aliyudu ɗa esheku a Iliyazara.

Iliyazara ɗa esheku a Matan.

Matan ɗa esheku a Yakubu.

16Yakubu ɗa esheku a̱ Isuhu.

Isuhu† ɗa vali vi Meri.

Meri† va kpamu a̱yi ɗa a̱na̱ku e Yesu vuza na e ci ɗeke Kirisiti Kishi.†

17Aza a na e kecei na va ra̱ka̱ vi le, ele ɗa tsukaya kupa n tsu na̱shi a̱ gita̱ ta̱ a ayin a Ibrahim a kubana a ayin o Mogono Dawuda. Tsukaya tsu ɗa kpamu kupa n tsu na̱shi a̱ gita̱ ta̱ a ayin a Dawuda a kubana a ayin a na a ɗikai le a kubana a iɗika i Babila. Tsukaya tsu ɗa kpamu kupa n tsu na̱shi a̱ gita̱ ta̱ a ayin a na a bankai le a iɗika i Babila a kubana a ayin a Kishi.

A matsai Yesu

(Luk. 2:1-7)

18Gogo na uteku u na a matsai Yesu Kishi u ɗa na: A̱na̱ku a̱ ni, Meri, a̱ ka̱na̱ka̱ yi ta̱ kamana ka na u kolo Isuhu, amma a̱yi mekere maꞋa biꞋi, ka̱ta̱ u yeve vali ba. Ɗa u yaꞋin ka̱tsuma̱ n utsura wa Ayinviki a̱ Ka̱shile.† 19Isuhu vuma ɗa vu na ayin tutu u ci yaꞋan ili i na yi derere, amma u ciga kutsunku Meri wono e keteshe ba, ɗa u sheshei ku ka̱sa̱kpa̱ mazama ma n ka̱bini.

20A̱yi biꞋi o kugoɗumo kakuna ka nam pa, ɗa kalingata ka̱ Ka̱shile ka̱ ta̱wa̱i wa̱ ni tsa alatani, ɗa ka danai, “Isuhu, matsukaya ma Dawuda, ka̱ta̱ vu pana wovon u kolo Meri ba, adama a na Ayinviki a̱ Ka̱shile a ɗa a zuwai ni u yaꞋan ka̱tsuma̱ ka. 21Wi ta̱ a kumatsa maku mo kolobo, ka̱ta̱ vi neꞋe yi kula Yesu,#1:21 Kula “Yesu” ɗaɗa “Kishi”. adama a na a̱yi ɗa u kisa uma a̱ ni a̱ ubuta̱ wu unushi u le.”

22A yaꞋin ili i nam pa adama a na uzuwakpani u Ka̱shile u shana, uteku u na keneki† Ishaya u danai mani-mani ɗe:

23“Mekere ma na me yevei vali ba, mi ta̱ a kuyaꞋan ka̱tsuma̱.

Wi ta̱ a kumatsa maku mo kolobo,

ka̱ta̱ e neꞋe yi kula Imanuwelu.”#Ish. 7:14.

Ɗaɗa “Ka̱shile n a̱tsu.”

24Ana Isuhu u jimgbai, ɗa u yaꞋin ili i na kalingata ka ka danai ni. U ɗikai Meri u bankai a kpaꞋa ku ni, ɗa wo okpoi vuka vi ni. 25Amma u yeve maku ma vuka ma ba, sapu u matsai maku ma. Ɗa Isuhu u neꞋi ni kula Yesu.†

Pilihan Saat Ini:

Matiyu 1: asgNT

Sorotan

Berbagi

Salin