Matiu 1
1
Iesu valadae deiada
(Luka 3.23-38)
1Kou Iesu Keliso buluve deiadaike ko. Iesuu Ebalahamuta Deividita valadamo lohonu.
2Subuta mole Ebalahamuu Aisiki mamonu.
Ige Aisikiu Diekobo mamonu.
Ige Diekobou Diuda isi hohuvuiabe houevenu.
3Ige Diudau Tamati Belesita Silata houevelu.
Ige Belesiu Heseloni mamonu.
Ige Heseloniu Alamu mamonu.
4Ige Alamuu Aminadabu mamonu.
Ige Aminadabuu Nasoni mamonu.
Ige Nasoniu Samoni mamonu.
5Ige Samoniu Leiabuti Boasi mavolu.
Ige Boasiu Lutati Obedi mavolu.
Ige Obediu Diesi mamonu.
6Ige Diesiu kosive Deividi mamonu.
Ige Deividiu Ulaia mahina melamei Solomoni mamonu.
7Ige Solomoniu Liabomu mamonu.
Ige Liabomuu Abaisa mamonu.
Ige Abaisau Esa mamonu.
8Ige Esau Diosabati mamonu.
Ige Diosabatiu Diolamu mamonu.
Ige Diolamuu Usaia mamonu.
9Ige Usaiau Diotamu mamonu.
Ige Diotamuu Ahasi mamonu.
Ige Ahasiu Hesekaia mamonu.
10Ige Hesekaiau Manasa mamonu.
Ige Manasau Amoni mamonu.
Ige Amoniu Diosaia mamonu.
11Ige Diosaia keu Diekonaia mamoi hohuvuiabeta houevenu. Vani kela Babulonia ataeau lohoale Iselala ata moaga umudievei malevei abu vatae tilu.
12Kebia malevei tisege iaeabe Diekonaia keu Siatieli mamonu.
Ige Siatieliu Selubabeli mamonu.
13Ige Selubabeliu Abudi mamonu.
Ige Abudiu Eliakimi mamonu.
Ige Eliakimiu Eso mamonu.
14Ige Esou Sadoki mamonu.
Ige Sadokiu Akimi mamonu.
Ige Akimiu Eludi mamonu.
15Ige Eludiu Eliesa mamonu.
Ige Eliesau Matani mamonu.
Ige Mataniu Diekobo mamonu.
16Ige Diekobou Dioseba mamonu.
Ige Diosebau Meli melamenu.
Ige Meliu Iesu mamonu.
Ige Iesu ke abu ivihai avoe, “Keliso.” Ivi ke ihu koseanu. Keu ata tedaevemale kosive.
17Ebalahamu isi Deividi kebia vigomo valada bahata votiniu (14) ua. Ige Deividi vanimo lamisi lohoale Iselala ataeau Babuloniae timale ke vigomo valada votini (14) moleta ua. Ige Iselala ataeau Babuloniae timale isi Kelisou uale ke vigotamo valada mole votini (14) keta ua.
Iesuu uale deiada
(Luka 2.1-7)
18Iesu Kelisou uale keu koseanu. Diosebau Meli kokovaito avuti ladeveholisege Munanae Tumuu Meli vuvunetige au ese manu. 19Ige koliave Dioseba keu inutolotolote ata. Katealemo isiviholinu atae nimo Meli mai matitiliho. Kateaime isiviale tobekai au keate ke halei. 20Isi kateai huhuisege Kosive anelu moleu tababumo avue lohoale namihai avoe, “Dioseba, au Deividi valadamo lohonu. Ainaho Meli melameveve ke vabuhavolive. Keu Munana Tumue vuvunemoike au ese ke manu. Iale momoleai melamenela. 21Ige au mo mamoge ke ivihai kosea, ‘Iesu.’ Ivi ke ihuu koseanu. Auna au ata tedaevei vaveveabe toelamo malevei.”
22Kateai louale keu beloveta hoto mole mai selevetinu. Dilavau subuta beloveta ke namihage keu hoto koseale hisalianu. 23Avoe, “Ma molena au koliati lahaholisito ese mai. Ige ese keu uge abuna ivihai kosea, ‘Imanuelo.’” Ihuve keu koseanu. Dilavau nahehi ua.
24Ige Diosebau hovelahai Dilava aneluu namihale ke nahate vai Meli melamenu. 25Isito avuti lahaholisege eseveu uge au ke ivihai avoe, “Iesu.”
Pilihan Saat Ini:
Matiu 1: kpx
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© 1981, Wycliffe Bible Translators, Inc. All rights reserved.
