Ayat-ayat Alkitab Ternama dari San Juan 15

Bagikan

“Siak ti puon ti ubas, dakayo dagiti sanga. Ti agtaeng kaniak ket agtaengak met kenkuana, adunto ti maibungana. Ta no awanak, awan ti maaramidyo.

Agtalinaedkayo kaniak ket agtalinaedak met kadakayo. No saankayo a maikamang kaniak, dikayo makapagbunga a kas iti sanga a saan a maikamang iti puon.

No agtaengkayo kaniak, ket agtaeng dagiti saok kadakayo, dawatenyo ti aniaman a kayatyo, ket maitedto kadakayo.

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

Ti katan-okan nga ayat nga ipakita ti maysa a tao isut' panangipaayna iti biagna para kadagiti gagayyemna.

Putdenna amin a sanga a di agbunga ken dalusanna dagiti agbungbunga a sanga tapno ad-adu pay ti bungada.

Daytoy ti bilinko: Agiinnayatkayo a kas iti panagayatko kadakayo.

No agbungakayo iti adu, maidaydayaw ni Amak, ket iti kasta, agbalinkayo nga adalak.

Intuloy ni Jesus ti nagsao: “Siak ti pudno a puon ti ubas, ket ni Amak ti agay-aywan.

Ti saan nga agtaeng kaniak, maibelleng a kas iti sanga ket magango. Maurnong dagiti kakasta a sanga ket maipuorda.

“Imbagak daytoy tapno ti ragsakko adda koma kadakayo ket naan-anay koma ti ragsakyo.

Kas iti panangtungpalko kadagiti bilbilin ni Amak ket agtaengak iti ayatna, agtalinaedkayo met iti ayatko no tungpalenyo dagiti bilbilinko.

Daytoy ngarud ti bilinko kadakayo: Agiinnayatkayo.”

No kukuanakayo ti lubong, ayatennakayo koma ti lubong a kas kukuana. Ngem saannakayo a kukua ti lubong. Pinilikayo a panawanyo ti lubong ket daytoy ti gapuna a guraennakayo ti lubong.