Ayat-ayat Alkitab Ternama dari ROMANUN 1

Berbagi

Kah muh nindahgujjetunseen ewh oominwahjemoowin owh Christ: me muh ewh ahyahwunenig oomushkahwezewin owh Kesha‐Muhnedoo cheöonjebemahjeïndwah kuhkenuh egewh duhyabwayandungig; netum owh Jew, menuhwah dush owh Greek.

Me muh emuh wahweenjegahdag ooquuhyuk‐ezhewabezeëwawin owh Kesha‐Muhnedoo emuh dabwayanduhmoowining wanjeemahguk, dabwayanduhmoowining anuhkukkayah, debishkoo azhebeëgahdag, Owh quuhyuk‐wahdezid dabwayanduhmoowining tahoonjebemahdeze.

Puggukkanjegahdanewun suh enewh wuhyahbuhmenahgwussenoonenigin ooduhyeemun akoo‐oozhechegahdag uhkee, enewh wazhechegahdagin wanjekekanjegahdanig ookahgega‐mushkahwezewin kuhya oo‐Kesha‐Muhnedoowandahgoozewin; kah dush gagoo oodahyaunsenahwah kaëkedoowaud

Ahnoo muh kekekanemahwaud enewh Kesha‐Muhnedoon, kahween Kesha Muhnedoong oogeëzhepeshegan-dahgooähsewahwaun, kah kuhya oogemegwachewanemahsewaun; kekuhkebahdezewug dush emuh oodenanduhmoowinewaung, kuhya ookukkebahje‐oodaëwaun kekushketebekuddenewun.

Keëzheäunjetoowaud oodabwawin owh Kesha‐Muhnedoo emuh kuhkenuhwishkewining, ahwahshema keähnuhmeätuhwahwaud dush kuhya kebuhmeetahwahwaud enewh kahoozheëmindjin dush ween enewh kahoozheëwanejin, owh kahyahgega‐shahwandahgoozid. Amen.

Oonishkahdezewin muh owh Kesha‐Muhnedoo wahweenjegahda ewede keche‐kezhegoong oonje azhenishkandung kuhkenuh anegookwahnig oomujje‐ezhewabezewinewah egewh enenewug kabishkungig ewh dabwawin emuh mujjeëzhewabezewining

Mesuh Kesha‐Muhnedoo kahoonjepuggedenuhmoowaud chemujje‐nunduhwanduhmenid: Pooch kuhya oodequamewaun oogekunjetoonahwah oodenahbuttezewinewah, puhkaun cheähbujjeïndwah ewh anandahgwussenook: Kuhya dush egewh enenewug kepoonetoowaud oodenahbuttezewinewah egewh equawug, kemujje‐nundahwanindewug; enenewug kemujjeähnookeetahwahwaud enewh weeje‐enenemewaun, quuhyuk keöodahpenuhmoowaud tebahahmahgoowin, oopukkatahwinewah oonje. Kah dush keminwanduhsewug cheguhnuhwanemahwaud enewh Kesha‐Muhnedoon emuh ookekanjegawinewaung, Kesha‐Muhnedoo oogepuggedenahmoowaun chekuhkebahdanduhmenid, chedooduhmenid enewh uhyeëen wanesheshinsenoogin

Nebwahkahwaninedezoowaud, kekukkebahdezewug, Oogeäunjetoonahwah dush oopeshegandahgoozewin owh wekah kabahnahdezesig Kesha‐Muhnedoo emuh oodezhenahgoozewining owh natuh‐bahnahdezid enene, kuhya penasheyug, kuhya nahwoo‐kahdajig ahwaseyug, kuhya pamoodajig.