Ayat-ayat Alkitab Ternama dari मर्कूस 14

Berbagi

और बा कही, “हे अब्बा, हे दौवा, तुमर ताहीं सब बात सम्भब हए। अगर तुमर इच्छा हए, तओ जा दुखसे मोए बचाएलेओ। तहुँफिर, जैसे मए चाँहत हओं उइसो नाए, पर जो तुम चाँहत हओ बहे होबए।”

जगे रहाओ और परमेश्वरसे प्राथना करतए रहओ, तुम सतावटमे नाए पणनके ताहीं जगे रहाओ और प्राथना करत रहाओ। तुमर ह्रदय सही हए, पर तुमर शरीरमे तागतकी कमी हए।”

नेहात्तओ मए तुमसे कहात हओं, सारा संसारमे जहाँ-जहाँ फिर अच्छो समाचार परचार हुइहए, बिनके जा फिर बताओ जाबैगो, कि बैयर का करीहए, और आदमी बोके याद करंगे।”

बा उनसे कही, “मए इतनो दुखी हुइगओ हओं, कि मोए लागत हए जैसे मए मररहो हओं। तुम हियाँ बैठओ, और जगे रहियओ।”

और जब बे खात रहएं तओ येशू रोटीको खुद्रा लइ, और जाके ताहीं परमेश्वरके धन्यबाद दइके रोटी तोडी, अपने चेलनके दइ तओ बिनसे कही, “लेओ और खाओ, जा मिर शरीर हए।”

तओ फिर बा अंगुरको रसको कटोरा उठाइ, और लैके परमेश्वरके धन्यबाद दइ और अपन चेलनके दइ, और बे सबए बहे मैसे पिइं। और बा बिनसे कही, “जा दाखको रसा मिर बलिदानको खुन हए। मिर खुन बहुत आदमीनके घेनसे बलिदानके रुपमे अख्नाओ जाबैगो। जा, बो नयाँ करारके साबित करैगो, जो परमेश्वर अपन आदमीनके ताहीं बहान डटो हए।

जब बे पहाड घेन जात रहएं, येशू उनसे कही, “तुम सब मोके छोडके भाग जाबैगे। जैसेकी मिर बारेमे पबित्र-शास्त्रमे लिखो हए, ‘जो बकरेहेरा कता मिर आदमीके रेखदेख करत हए, मए बोके मारदेहओं, और भेंणन कता छिदरबिदार हुइजए हएं।’

उठओ, चलएं! देखओ, बो एक मोके पकणबानमे मदत कररहो हए, बो हियाँ आएरहो हए।”

तओ येशू बोसे कही, “नेहात्तओ मए तोसे कहात हओं, आजए रातके मुर्गा दुई चोटी बासनेसे अग्गु तए तीन चोटी कहाबैगो, कि मए तोके नाए जानतहओं।”