Ayat-ayat Alkitab Ternama dari मर्कूस 13

Berbagi

और तुम मिर उपर बिश्वास करे, बहेमारे तुम सबसे घृणित हुइहओ, पर जो मेरे उपर भरोसा करतए रएहए और पृथ्वीमे जीबनको अन्त तक मिर पिच्छु चलतए रएहए कहेसे, बो पापको दण्ड पानसे बचाओ जएहए।”

देखओ, संसार रहियओ और परमेश्वरसे प्राथना करत रहियओ, काहेकी तुम नाए जानत हओ, जे बात कब होमंगे।

जब तुम पकणिगए और तुमके अदालतमे लैचलेगए, तओ का कहमंगे और का बोलंगो करके चिन्ता मत् करीयओ। बो समयमे परमेश्वर जो कुछ फिर तुमसे कहाबैगो, बहे बुलियओ। काहेकी तुम बहे शब्द बोलैगे, जो पबित्र आत्मा तुमके देहए।

बादर और पृथ्वी खतम हुइजए हए, पर मिर कहो भओ बचन सदामानके ताहीं रहाइगो।”

“जे बात कौन दिनमे और कौन समयमे होबैगो जा कोइ नाए जानत हए, नए त स्वर्गमे होन बारे स्वर्गदूत नए त मोए लौंणाके, पर दौवाके इकल्लो पता हए।

जब तुम युद्ध और युद्धको हल्ला सुनैगे, तओ मत् डरैयओ, काहेकी जे घटना होन जरुरी हए। पर दुनियाको अन्त तुरन्त नाए होबैगो।

जहेमारे येशू अपन चेलनसे कही: “तुम नाए जानत हओ, घरको मालिक कब लौटके आबैगो। जहेमारे तुमके फिर जगो रहानके हए, काहेकी घरको मालिक संझाके या आधि रातके या सुबेरे आएसकत हए। अगर बो बिना चेतावनी अचानक आतहए तओ बोके जा पता नाए होन पणो, कि तुम सोए रहेहओ। जो मए तुमसे कहात हओं बो मए सबसे कहात हओं: ‘रोजए तयार रहियओ!’”

काहेकी जाति-जातिके आदमी एकदुस्रेके उपर हमला करंगे और एक देशके आदमी दुस्रे देशके आदमीके बिरुद्धमे लडंगे। ठाउँ-ठाउँमे हालाचाला जाबैगो और अनिकाल होबैगो। जा समय कष्टको सुरुवात इकल्लो हए। जा, बैयरके घरि-घरि व्यथा लागो कता हुइहए।”

जाके अलाबा, दुनियाको अन्तसे पहिले मिर बारेमे अच्छो समाचार जाति-जातिके आदमीके सुनान पणैगो।

बहुतसे आदमी मिर नाउँमे आमंगे और कहामंगे, ‘मए ख्रीष्ट हओं,’ और बे बहुतसे आदमीनके बहकामंगे।

“तुम अपनो बारेमे होसियार रहाबओ। तुमर दुस्मन तुमके कचेहेरीमे और यहूदी सभाघरमे लैजएहएं और बे तुमके पिटंगे, काहेकी तुम मिर चेला हओ। जहेमारे हाकिम और राजाके ठिन, जाँचके ताहीं तुम खडा होबैगे और मिर बारेमे तुम गवाही देहओ।

काहेकी झुठे ख्रीष्ट और झुठे अगमबक्ता अएहएं, चिन्हा और चमत्कारको काम दिखए हएं और हुइ सकत हए, कि जौनके परमेश्वर चुनी हए बेहीं आदमीनके धोखा देनके ताहीं अएहएं।

“बे दिनमे, भयानक दुखको समय खतम हुइजएहए, तओ महासंकटमे दिन और जोनी, दुनौ उजियारो देन बन्द करदेहएं, तारा बादरसे गिरंगे, और बादरमे भओ शक्ति डगमगाबैगो।