Ayat-ayat Alkitab Ternama dari Jone 14

Berbagi

Enenoa ku akwasia isamulua; enenoa nau, kwai falea iamulua: ’uria fale lana fanua nei iano e ai, kwai falea iamulua. I la ruruumulua si tataa, ma ka ai si mamaula.

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

I la ruruumulua si tataa: mulu fitoona tha God, fitooku lau boo.

Ma Nia na kai faainamaruki kamulua, tha Spirit Abu, na ṉa Maka toto kai arasia mai ana thataku, nia kai tooa si do ki sui bana isamulua, ma kai faaroṉo kamulua lau asi do eki sui boo na nau ku soree isamulua, muki onotoona.

Wane ana si ṉata fifi nau ki, ma ka ade sulia, nia na wane na kai liothau iaku: ma wane ne liothau iaku Maka nau kai liothau ani nia, ma nau kwai liothau ani nia, ma kwai fatai nau isana.

Ma nau kwai gania ana ṉa Maka, ma nia kai falea ta Wane lau iamulua na kai faainamaruki kamulua, fasi nia kai to bi kamulua toto si sui; Nia na ṉa Spirit mamana: na fanua nei iano ka dora ana thathagoni lana; uria ne ai si riki nia, ma ka ai si thaitoomana lau boo: ni kamulua mulu thaitoomana; uria nia kai to bana isamulua, ma toto kai ni ani kamulua.

Ma atona bana ta si do na muki gania ana thataku, si do eri kwai ilia, fasi keki faainotoa ṉa Maka ana ṉa Kaluwane. Mada sa muki gani nau uria atona bana ta si do ana thataku, si do eri kwai ilia.

Mada sa mulu liothau iaku, do muki ade sulia si ṉata fifi nau ki.

I la biu Maka nau kadee biu oro ki ni iei; mada se ai, do ku faaroṉo kamulua naa. Nau kwai lae uria beta lana fanua maakwali kamulua.

Ma sui uria na nau kwai lae ma kwai beta fanua maakwali kamulua, nau kwai oli lau mai, kwai thathagoni kamulua mai isaku; fasi si kula na nau kwai to iei, muki to lau boo iei.

Tha Tomasi ka soree isana, Lord, kamilia mili dora asi kula noki lae uria; ma mika thaitoomana ufita tala eri?