Ayat-ayat Alkitab Ternama dari Yoane 13

Berbagi

Tɨtsɔŋnɨ, ma gha ntɨgə zɨ fi a mbó bɨŋ ə: á nɨ kɔŋnɨ awən bən nɨ bɨŋ ə. A nɨ kɔŋnɨ awən bən nɨ bən, tsɛʼ tso mbáʼ ma kɔ́ŋnɨ́ awən lá. Be nɨ kɔŋnɨ awən bən nɨ bən, muŋ ŋwɔn tsum a mɨ tiʼ zhi ngə́ nɨ nɨ bɨyɛʼ ɨbə.”

Me, Maʼmbyí abɔʼnɨ Ndiʼ Aŋwaʼnɨ ɨwən, ma lo a sugɨ mɨku ɨmən tɨtsɔŋnɨ ə. Ma lan, bən, nɨ tsi nɨ sugɨ mɨku ɨmən bən nɨ bɨŋ ə. Ma lo lá a ndiʼ alisɨ a mbó bɨŋ ə, taŋ á nɨ nyámə́ ngɨə tsɛʼ za ma ghɨnɨ a mbó bən lá.

Yeso a chwɨ́gɨ́ ayi ngə́, “Ka o ndzuʼə agho nkə́ njiɛ anu za ma ghɨnə tɨtsɔŋnɨ ə, lá o ghɨ zuʼ ɨ kɨ zhi a nkfu ndzum ə.”

Ma sǒŋ nkənu a mbó bɨŋ ə: ka ɨbuʼ tsa awa a tabuʼ ɨwa, ndontom a keʼ kɨ ntsa a ŋwɔn wa a tyigɨnɨ ayi ɛ.

Tɨtsɔŋnɨ wa mbáʼ nɨ zhinɨ ngə́ anu zen za ma soŋnɨ a nɨ nkənu lá, ɨfɔgə wu wi ghɨ tsí a mbó bən mbáʼ be nɨ kə ngɨə a zɛrə ghe!

Ma lan, wɛrə a ló atɨ́, atú atɛkɨ za ntsɔʼ atsɛʼ azhi zə abyɛn, ntiʼ nkorɨ atsɛʼ a nchiʼ ɨnye a tɨŋnɨ zɨə. Wɛrə a tíʼ nɨ́ŋ nkyi a mu alonga ntiʼ mbiʼnɨ sugɨ mɨku mɨ bɨyɛʼ ɨbyi, ɨ kɨ chiʼ a mɛrə nɨ atsɛʼ a nchiʼ ɨnye za wɛrə a kórɨ́nɨ́ atɨŋnɨ zɨ lá.