Ayat-ayat Alkitab Ternama dari လူႉၵႃႇ 21

Berbagi

ၼင်ႇ​ႁိုဝ်​သူ​တၵ်း​ပႄႉ​ၼႅင်ႇ ႁႂ်ႈ​လႆႈ​မီး​တၢင်း​ဢၼ်​ၵၢင်း​လွတ်ႈ​တင်း​လွင်ႈ​တၢင်း​ဢၼ်​တၵ်း​ပဵၼ်​မႃး​ၸိူဝ်း​ၼၼ်ႉ​လႄႈ ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ​လုၵ်ႈ​ၵူၼ်း​ၸိုင် သူး​တွင်း​တႃႇ​သေႇ​လႄႈ ပႂ်ႉ​ထႃႈ​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။

သူ​ႁဵတ်း​သတီႉ​တီႈ​တူဝ်​သူ​တႃႉ။ ပေႃး​ဢမ်ႇ​ၼၼ် ၼႂ်း​မိူဝ်ႈ​ဢၼ်​ႁူဝ်​ၸႂ်​ယင်း​တိုၵ်ႉ​ယၢပ်ႇ​ၸႂ်​ယုင်ႈ​ၸႂ် ၵွပ်ႈ​ပိူဝ်ႈ​တၢင်း​ဢၼ်​ၵိၼ်​ဢၼ်​ၶူပ်း​ပူၼ်ႉ​လိူဝ်၊ တၢင်း​ဢၼ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​လေႃးၵီႇ​ၸိူဝ်း​ၼၼ်ႉ​ယူႇ​ၼၼ်ႉ​ၸိုင်၊ သူ​ယင်း​ဢမ်ႇ​ႁူႉ​ဢမ်ႇ​ႁၼ်​လႄႈ ဝၼ်း​ၼၼ်ႉ​တၵ်း​ထူပ်း​မႅၼ်ႈ​သူ​ဢေႃႈ။

ၵွပ်ႈ​ပိူဝ်ႈ​တၢင်း​ဢၼ်​သူ​ယိူၼ်ႉ​ၶၢမ်ႇ​မၼ်ႈ​မၼ်ႈ​ၶိူင်ႇ​ၶိူင်ႇ​လႄႈ သူ​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ႁူဝ်​ၸႂ်​သူ​ဢေႃႈ။

လွင်ႈ​မၼ်း​ၸမ်ႉ ၵဝ်​တၵ်း​ပၼ်​သူပ်း​ၵႂၢမ်း​တင်း​ၺၢၼ်ႇ​ပိင်ႇ​ၺႃႇ​ဢၼ်​ရၢၼ်ႇ​သူႇ​သူ​တင်း​သဵင်ႈ​တင်း​လူင် ဢမ်ႇ​လၢတ်ႈ​ဢမ်ႇ​ထဵင်​၊ ဢမ်ႇ​ႁႄႉ​ဢမ်ႇ​ၶႅၼ်​လႆႈ​ၼၼ်ႉ​တီႈ​သူ​ဢေႃႈ။

ပိၵ်ႉ​သမ်ႉ​ၽႃႉ​ၵၢင်​ႁၢဝ်​တင်း​လိၼ်​မိူင်း​ၼႆႉ တၵ်း​ႁၢႆ​လၢႆ​သေ​ၵေႃႈ၊ ၵႂၢမ်း​ၵဝ်​ၼႆႉ​တၵ်း​ဢမ်ႇ​ႁၢႆ​လၢႆ။

မိူဝ်ႈ​ၼၼ်ႉ ပုၵ်ႉ​ပႃႉ​ၼီႉမိၵ်ႈ​လၢၵ်ႈၶၼႃႇ တၵ်း​ပေႃႇ​မႃး​ၼႂ်း​ၵၢင်​ဝၼ်း၊ လိူၼ်၊ လၢဝ်​တင်း​လၢႆ​ဢေႃႈ။ ၵႃႈ​ၼိူဝ်​လိၼ်​မိူင်း​ၼႆႉ​ၵေႃႈ တၵ်း​ပဵၼ်​တၢင်း​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢမ်ႇ​တႄႇ​ဢမ်ႇ​ၼိမ်​လႄႈ မႆႈ​ၸႂ်​ၶီ​ၸႂ်၊ တၢင်း​ဢၼ်​သဵင်​လႅင်း​ၼမ်ႉ​ပိူပ်ႈ​ၼမ်ႉ​သမ်ႇ​မုၵ်ႉ​တြႃႇ​ဢူၼ်​ဢဵၼ်​မေႃး​မႄး​ၼႃႇ​လူင်​လၢင်၊- တၢင်း​ဢၼ်​ၵူၼ်း​တင်း​လၢႆ​ၸႂ်​လူႉ ၵွပ်ႈ​ပိူဝ်ႈ​ဢၼ်​ၵူဝ်​ႁႄ​လႄႈ​မုင်ႈ​တူၺ်း​ၽေး​ဢၼ်​တၵ်း​ပဵၼ်​မႃး​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ တၼ်း​ၶူဝ်း​ၵၢင်​ႁၢဝ်​တင်း​လၢႆ​တၵ်း​သၼ်ႇ​ၶွၼ်း​ဝႆ​ဢေႃႈ။- မိူဝ်ႈ​ၼၼ်ႉ ၵူၼ်း​တင်း​လၢႆ​တၵ်း​လႆႈ​ႁၼ်​လုၵ်ႈ​ၵူၼ်း​ပႃး​တင်း​မုၼ်​တၼ်း​ၶူဝ်း​ဢႃႇၼူႉၽေႃႇ​မၼ်း​ၸဝ်ႈ​ဢၼ်​ယႂ်ႇ​ၼႃႇ​ၼၼ်ႉ​သေ​လႄႈ မႃး​ၵႃႈ​ၼိူဝ်​မွၵ်ႇ​ၵုမ်ႈ​ဢေႃႈ။

ၵူၼ်း​တင်း​သဵင်ႈ​တင်း​လူင်​ၵေႃႈ​တၵ်း​ၸင်း​သူ ၵွပ်ႈ​ပိူဝ်ႈ​ၸိုဝ်ႈ​သဵင်​ၵဝ်​ဢေႃႈ။

တၢင်း​ဢၼ်​ဢိင်ႇ​သၼ်ႇ​လူင်​လႂ်၊ တၢင်း​ဢၼ်​ဢိုပ်း​တၢင်း​ၵိၼ်​လႂ်၊ တၢင်း​ဢၼ်​ပဵၼ်​ၵႃႇလႃႉ​ႁႃႈ​လႅင်​မိူင်း​လႂ်၊ တၵ်း​ပဵၼ်​ၵူႈ​တီႈ​ၵူႈ​လႅၼ်​ဢေႃႈ။ ၵႃႈ​ၼိူဝ်​ၽႃႉ​ၵၢင်​ႁၢဝ်​ၵေႃႈ၊ လွင်ႈ​တၢင်း​ဢၼ်​လီ​ၵူဝ်​လီ​ႁႄ​လႂ်၊ ၼီႉမိၵ်ႈ​လၢၵ်ႈၶၼႃႇ​ဢၼ်​ယႂ်ႇ​ၼႃႇ​လႂ် တၵ်း​ပေႃႇ​မႃး​ဢေႃႈ။

မိူဝ်ႈ​ဢၼ်​သူ​လႆႈ​ငိၼ်း​လွင်ႈ​ဢၼ်​တိုၵ်း​သိုၵ်း​လႂ်၊ လွင်ႈ​ဢၼ်​ပုင်ႇ​ၵၢၼ်ႇ​လႂ်​ၼၼ်ႉ​ၸိုင်၊ ယႃႇ​ပေ​မီး​ၸႂ်​ဢၼ်​ၶွၼ်း​ၶႅၼ်း။ လွင်ႈ​တၢင်း​ၸိူဝ်း​ၼႆႉ​တၵ်း​ပဵၼ်​မႃး​ဢွၼ်​တၢင်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ဢမ်ႇ​ပႆႇ​ပဵၼ်​တီႈ​သုတ်း​တီႈ​ၵွႆ​ၵမ်း​လဵဝ်။ လိူဝ်​သေ​ၼၼ်ႉ ၵူၼ်း​မဵဝ်း​ၼိုင်ႈ​လႄႈ​မဵဝ်း​ၼိုင်ႈ၊ မိူင်း​ၼိုင်ႈ​လႄႈ​မိူင်း​ၼိုင်ႈ​တၵ်း​ၶတ်း​တႃႉ​ၵၼ်​ဢေႃႈ။

မိူဝ်ႈ​ၼၼ်ႉ ပုၵ်ႉ​ပႃႉ​ၼီႉမိၵ်ႈ​လၢၵ်ႈၶၼႃႇ တၵ်း​ပေႃႇ​မႃး​ၼႂ်း​ၵၢင်​ဝၼ်း၊ လိူၼ်၊ လၢဝ်​တင်း​လၢႆ​ဢေႃႈ။ ၵႃႈ​ၼိူဝ်​လိၼ်​မိူင်း​ၼႆႉ​ၵေႃႈ တၵ်း​ပဵၼ်​တၢင်း​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​ဢမ်ႇ​တႄႇ​ဢမ်ႇ​ၼိမ်​လႄႈ မႆႈ​ၸႂ်​ၶီ​ၸႂ်၊ တၢင်း​ဢၼ်​သဵင်​လႅင်း​ၼမ်ႉ​ပိူပ်ႈ​ၼမ်ႉ​သမ်ႇ​မုၵ်ႉ​တြႃႇ​ဢူၼ်​ဢဵၼ်​မေႃး​မႄး​ၼႃႇ​လူင်​လၢင်၊- တၢင်း​ဢၼ်​ၵူၼ်း​တင်း​လၢႆ​ၸႂ်​လူႉ ၵွပ်ႈ​ပိူဝ်ႈ​ဢၼ်​ၵူဝ်​ႁႄ​လႄႈ​မုင်ႈ​တူၺ်း​ၽေး​ဢၼ်​တၵ်း​ပဵၼ်​မႃး​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ​ၸိူဝ်း​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ တၼ်း​ၶူဝ်း​ၵၢင်​ႁၢဝ်​တင်း​လၢႆ​တၵ်း​သၼ်ႇ​ၶွၼ်း​ဝႆ​ဢေႃႈ။

လိူဝ်​သေ​ၼၼ်ႉ ၵူၼ်း​မဵဝ်း​ၼိုင်ႈ​လႄႈ​မဵဝ်း​ၼိုင်ႈ၊ မိူင်း​ၼိုင်ႈ​လႄႈ​မိူင်း​ၼိုင်ႈ​တၵ်း​ၶတ်း​တႃႉ​ၵၼ်​ဢေႃႈ။

မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၼင်ႇ​ႁိုဝ်​သူ​တၵ်း​ဢမ်ႇ​လႆႈ​ၵႂႃႇ​လႆႈ​ၸွမ်း​တၢင်း​ဢၼ်​ပႅတ်ႉ​ဢၼ်​လႅၼ်​ၸိုင်၊ ႁဵတ်း​သတီႉ​တႃႉ။ ၵူၼ်း​ၼမ်​ၼႃႇ​တၵ်း​ႁိမ်​ဢဝ်​ၸိုဝ်ႈ​သဵင်​ၵဝ်​သေ​လႄႈ ပေႃႇ​မႃး​လႄႈ​လၢတ်ႈ​ဝႃႈ၊ ၵဝ်​ၼႆႉ​ပဵၼ်​ၸဝ်ႈ​ၼၼ်ႉ​ဢေႃႈ။ ၶိင်ႇ​ၵႃႇလႃႉ​ၵေႃႈ​ႁွတ်ႈ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ ယႃႇ​ပေ​ၸွမ်း​ပႃႈ​လင်​ၶဝ်​ၼၼ်ႉ။