Ayat-ayat Alkitab Ternama dari လူႉၵႃႇ 19

Berbagi

လုၵ်ႈ​ၵူၼ်း​မႃး ႁႂ်ႈ​လႆႈ​ႁႃ​လႄႈ​ၵႄႇ​ၶျွတ်ႈ​ဢဝ်​ၶဝ်​ၸိူဝ်း​ဢၼ်​ႁၢႆ​ၵႂႃႇ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ႁႂ်ႈ​ၸဝ်ႈ​ဢၼ်​ပႃး​တင်း​ဢၶႂၢင်ႉ​ၽြႃး​ပဵၼ်​ၸဝ်ႈ​သေ​လႄႈ​မႃး​ၼႆႉ မီး​မင်ႇၵလႃႇ​သေ​ၵမ်း​လူၺ်ႈ။ ႁႂ်ႈ​တၢင်း​ၼိမ် မီး​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​သေ​ၵမ်း​လူၺ်ႈ။ ႁႂ်ႈ​မုၼ်​ၽုင်း​ယႂ်ႇ​ၵႃႈ​ၼိူဝ်​ၸိၵ်း​ၸွမ်​ၵၢင်​ႁၢဝ်​ပုၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ပိူဝ်ႈ​ဢၼ်​ၵေႃႉ​ၼႆႉ​ပဵၼ်​လုၵ်ႈ​ ဢႃႇပြႃႇႁၢမ်ႇ ​လႄႈ၊ ၼႂ်း​ဝၼ်း​မိူဝ်ႈ​ၼႆႉ​ၵျေး​ၸူး​တၢင်း​ဢၼ်​ၵႄႇ​ၶျွတ်ႈ​ဢဝ် ႁွတ်ႈ​ထိုင်​ၵႃႈ​ၼိူဝ်​ႁိူၼ်း​ၼႆႉ​ဢေႃႈ။

မိူဝ်ႈ​ဢၼ်​ ယေႇသူႉ ​ႁွတ်ႈ​ထိုင်​ၵႃႈ​တီႈ​ၼၼ်ႈ​ၸိုင်၊ မၼ်း​ၸဝ်ႈ​ႁႅၼ်​တူၺ်း​လႄႈ​ႁၼ်​မၼ်း​သေ​ယဝ်ႉ၊ လၢတ်ႈ​လႄႈ​ဝႃႈ၊- ၸၢၵ်ႈ​ၶႄး ​ဢိူၺ်း၊ လူင်း​ၶၼ်​ၶၼ်​ၽႂ်း​ၽႂ်း​တႃႉ။ ဝၼ်း​မိူဝ်ႈ​ၼႆႉ ၵဝ်​တၵ်း​ၵိုတ်း​သဝ်း​ယူႇ​ၵႃႈ​တီႈ​ႁိူၼ်း​မႂ်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၼၼ်ႉ​လူင်း​ၶၼ်​ၶၼ်​ၽႂ်း​ၽႂ်း​သေ​လႄႈ မီး​ၸႂ်​ဢၼ်​သိူဝ်း​ပျေႃႇ​ၼႃႇ​ႁပ်ႉ​ၶၢမ်ႇ​ၶႅၵ်ႇ​မၼ်း​ၸဝ်ႈ​ၵႃႈ​ၼႂ်း​ႁိူၼ်း​မၼ်း​ဢေႃႈ။

ၸၢၵ်ႈ​ၶႄး ​ၵေႃႈ​ၸုၵ်း​ယူႇ​သေ​လႄႈ လဝ်ႊ​လၢတ်ႈ​တီႈ​ၸဝ်ႈ​ၽြႃး​လႄႈ​ဝႃႈ၊ ၸဝ်ႈ​ႁဝ်း၊ ၵဝ်​ၶႃႈ​ဢဝ်​ဢုၵ်ႉ​ၸႃႇ​ၶူဝ်း​လဵင်း​ၵဝ်​ၶႃႈ​ၶိုင်ႈ​ၼိုင်ႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​ၶႃႈ​ဢေႃႈ။ ဢုၵ်ႉ​ၸႃႇ​ၶူဝ်း​လဵင်း​ၽူႈ​လႂ်​သေ​ဢမ်ႇ​ဝႃႈ၊ ပေႃး​ၵဝ်​ၶႃႈ​လႆႈ​ဢဝ်​မႅၼ်ႈ​သေ​ဢိတ်း​ၸိုင်၊ ၵဝ်​ၶႃႈ​သမ်ႉ​ၶိုၼ်း​ပၼ်​သီႇ​ပုၼ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၽႃႇရီႉသႄး ဢၼ်​ပႃး​ၼႂ်း​ၵူၼ်း​ဢၼ်​ၸူႉ​ဢၼ်​တုမ်​ၼၼ်ႉ​ၵမ်ႈ​ၽွင်ႈ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ သြႃႇ​ၸဝ်ႈ၊ သင်ႇ​သွၼ်​တပႄး​ၸဝ်ႈ​ႁဝ်း​ၸိူဝ်း​ၼႆႉ​သေ​ၵမ်း​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊- မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​သူ​ၸမ်ႉ၊ ပေႃး​ၶဝ်​ၸိူဝ်း​ၼႆႉ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ယူႇ​ၸိုင်၊ မၢၵ်ႇ​ႁိၼ်​တင်း​လၢႆ​တၵ်း​ႁွင်ႉ​သႅၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။