Ayat-ayat Alkitab Ternama dari MATEO 19

Berbagi

Jesuse' tu pactajo'obe' ca tu ya'alaj ti'ob: Máaco'obe' ma' tu páajtal u beetico'ob lela', ba'ale' Jajal Diose' tuláacal ba'al cu páajtal u beetic.

Beyo' ma' ca'a túulo'obi', ba'ale' jun túulilo'ob. Le o'olale' mix máac unaj u jatzic le ba'ax nupa'an tumen Jajal Diose'.

Leti'e' tu núucaj ti'ob: ¿Ma' wa a xocmaje'ex ti' le Quili'ich Dzíibo', le máax beet wíinico'ob tu yáax chuune' tu beetaj xiib yéetel co'olel? Tu ya'alaj xan: Tu yo'olal lela' jun túul xiibe' yaan u p'atic u taata yéetel maamae' u ti'al u nupicubáa yéetel u yatan, tu ca'a túulilo'ob bíin jun p'éelchajco'ob.

Ba'ale' Jesuse' tu ya'alaj: Cha'ex u taal le mejen paalalo'ob tin wicnalo', ma' a wet'ique'ex ti'ob; tumen u ajawil ca'ane' u ti'al máaxo'ob je'el bix leti'obo'.

Ba'ale' ya'ab ti' le máaxo'ob yano'ob táanil bejela'a' bíin p'áataco'ob paachil; bey xan ya'ab ti' le máaxo'ob yano'ob pachil bejela'a' bíin máanaco'ob táanil.

Tuláacal máax dzo'oc u p'atic najo'ob, wa sucu'uno'ob, wa quiico'ob, wa taata, wa maama, wa atan, wa paalal, wa lu'umo'ob tin wo'olale', bin u kam ciento u téenel u asab ya'abil, yéetel bíin u kam xan le cuxtal mina'an u xuulo'.

A'ala'ab ti' tumen Jesús: Wa a káat utzil chuca'antale', xeen, con ba'ax yaan teche' ca a dzáa ti' le óotzilo'obo'; bey túuno' bíin yanac teech ayikalil te j ca'ano'; cu dzo'ocole' co'oten ca a tzaypachten.

Jesuse' tu ya'alaj ti': ¿Ba'axten ca wa'alic teen utzen? Chéen jun túulili' máax utz yaan, leti'e' Jajal Dios. Ba'ale' wa a káat ocol ti' le cuxtalo', dzo'ocbes le a'almaj t'aano'obo'.

Quin wa'alic te'ex tu ca'a téene', asab séeba'an u máan jun túul camello' tu jool jun p'éel púudze' ma' ca ococ jun túul ayikal tu ajawil Jajal Dios.

Tene' quin wa'alic te'exe' le máax cu p'atic u yatan, wa ma' tu yo'olal nupkebane', yéetel cu dzo'ocol u beel yéetel uláak co'olele' p'ata'an tumen u yíichame', cu nupkebantal xan.

Jesuse' tu ya'alaj túun ti' u aj canbalo'ob: Tu jaajil quin wa'alic ti' te'exe', jach istiquia u yocol jun túul ayikal tu ajawil ca'an.