Ayat-ayat Alkitab Ternama dari MATEO 18

Berbagi

Tumen tu'ux yaan ca'a túul wa óox túul much'ucbal tin kaaba'e', ti' yanen chúumuc ti'obe'.

Bey xan quin wa'alic te'exe' wa ca'a túul ti' te'ex cu múuch' tucultico'ob way yóokolcaab u káatico'ob wa ba'ax ich payalchi'e' yaan u dza'abal ti'ob tumen in Taata yaan te j ca'ano'.

Jesuse' tu t'anaj túun jun túul chaan xi'ipale', tu dzaj chúumuc ti'obe', ca tu ya'alaj: Tu jaajil quin wa'alic ti' te'exe', wa te'ex ma' ta kexic a tuucule'ex ca beychajque'ex je'el bix mejen paalalo'obe', ma' bíin ocoque'ex tu ajawil ca'ani'.

Bey túuno', u asab nojochil tu ajawil ca'ane' leti' le máax cu chichancunticubae' yéetel cu béeytal je'ebix le chan xi'ipala'.

Le máax cu kamic tin kaaba' jun túul chan xi'ipal je'el bix lela', teen cu kamiquen.

Tu jaajil quin wa'alic te'exe' je'el ba'alac ca a kaxe'ex way yóokolcaabe' yaan u ka'axal xan te j ca'ano', je'el ba'alac xan ca a wach'e'ex way yóokolcaabe' yaan u wa'ach'al xan te j ca'ano'.

Jesuse' tu dzo'ocsaj u ca'ansaj táan u ya'alic: Bey xan cun u beet ta wéetele'ex in Taata yaan te j ca'ano' wa ma' ta sa'atsique'ex yéetel tuláacal a pucsi'ikale'ex u si'ipilo'ob a sucu'une'ex.

Je'el máaxac ca u beet u lúubul ti' keban jun túul ti' le mejen paalalo'ob u yoquesmaj u yóolo'ob ti' teno', asab ma'alob ti' ca bu'uluc tu taamil ka'anab yéetel jun p'éel u tuunichil juch' kaxa'an tu caal.

¿Bix a wilique'ex? Wa jun túul máac yaan cien j tamano'ob ti'e' wa ca sa'atac jun túul ti'obe', ¿ma' wa cu p'atic le noventa y nueve te j pu'uco' u ti'al ca xi'ic u caxant le j sa'ato'?