Ayat-ayat Alkitab Ternama dari JON 15

Berbagi

Gamba n shɛ ukparɛ ata ufwafwa, ahiɛba tuba hiɛ shɛ a'wa'walụ. Bụtụ na cimbeni ne mi, Ngee cimbeni du kaa na amɛ ubwa, ubwa zhɛ ba 'wala tụ'walụ duwa, iwɛnɛ te ehi eri shi hia nda iyi elele uzawa mu.

Nama ma na amɛ mi, gana na tu Ngaa namɛ du na shɛmɛ shi hiŋ. Gana na ta a'walụ ufwafwa eri shi a 'wala tụ'walụ ni ikɛnyi aba uzawa ticimbono nu ukparɛ ufwafwa, gobwonu du ehi eri shi hia 'wala nu uzawa ticimbono ne mi.

Yaa shɛ ehi cimbeni ne mi, n-ndumwa mi mi du kaa mu namɛ na shɛmɛ shi hiŋ, asha lụpa ma iyi elele nɛ ahia jala, ɛ zhɛ ma hi ndana iŋ.

Shɛ ahiɛba hi n teri o, ama Gamba n hi teri, Ngee hi shileni maa hi zhe maa hi 'weri tụ'walụ, maa tụ'walụ ta ata ti hiŋ tu nama, iwɛ maa Bishi ihi peni iyi elele nɛ ahia lụpa ni izeci mi.

I zasa bụtụ na ta 'yajɛ tulubo tu na tu hwuri ma tu ga o, ibɛ shɛ maa bụtụ keri uhiuhiu ubwa iwɛ eyejilo ubwa.

A'walụ elele na 'weri shi na amɛ mi, bi zhɛ ba vwala aŋ, ama a na elele na a 'wala tụ'walụ, bi zhɛ ba nangangana aŋ tebiye maa e keeni tụ'walụ tu'wala.

Unu ata mu tụpana ụ shɛ iwɛ maa hi no momo lubonu gana na ti Ngee hi lubi.

Yaa shɛ ahia 'wala tụ'walụ duwa, nazhɛ Bishi mi zhɛ ba 'yaga ụjɛrụma, iwɛ maa tuba hiɛ shɛ eseshi-iyi mi.

Ge Jisus hiɛŋ, Gamba n shɛ ukparɛ ufwafwa u tugom, Bishi mi tuba ubwa shɛ bufwashɛ.

Yaa shɛ bụtụ cimbeni shi ne mi, ɛ zhɛ a kala bu gana a'wa'walụ ụ'wụ'wụ, aka na te e hweteni nazhɛ ɛɛ zhɛ o hwugo aŋ maa e zweni nu ulwa maa e hwoŋzhinji aŋ.

N hi mbishi iwɛ gɛ iwɛ maa ga unyasa mu nama na shɛmɛ shi hiŋ, iwɛ maa ga unyasa ata hiŋ ulwa.

Yaa shɛ ahia hwuga-unu imbisegeni mi, nazhɛ ɛhi zhɛ hia nama no tulubo ti mi, gana na Ngaa untanganɛ onu-tupana Bishi mi, Ngaa namɛ du no tulubo tu bwa.

Unu na Ngee hi peni ta, maa no momo lubonu ma.

Yaa shɛ ahi ga shɛ atwa unyizo, atwa unyizo gɛ zhɛ mo hi lubo iwɛnɛ ta ahi ga shɛ atwa aba. Ama hiɛ shɛ shɛ atwa unyizo. Gamba n hi teri maa hi beni nu unyizo ga, iwɛbɛ po atwa unyizo mo hi imo.