Ayat-ayat Alkitab Ternama dari JOHN 15

Berbagi

Ami ndi vine, mbufo edi mme ŋkɔk: owo eke oduŋde Mi ke idem, Ami nnyuŋ nduŋde enye ke idem, kpa enye oŋwum mfri ekese: koro esiode Mi efep, mbufo ikemeke ndinam baba ŋkpɔ kiet.

Eduŋ Mi ke idem, Ami nnyuŋ nduŋ mbufo ke idem Nte ŋkɔk mikemeke ndiŋwum mfri ke idem esie, ibɔhɔke enye oduŋ ke vine, kpasuk ntre ke mbufo ikemeke ndiŋwum mfri, ibɔhɔke mbufo eduŋ Mi ke idem.

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

Baba owo kiet inyeneke ima eke okponde akan enye emi, owo ndikpayak uwem esie nduɔk kabaŋa mme ufan esie.

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

Ibet Mi edi ntem, ete, mbufo ema kiet eken, kpa nte ŋkamade mbufo.

Ete Mi ada ubɔŋ ke eriŋwum emi mbufo eŋwumde mfri ekese: ntem ke mbufo edidi mbet Mi.

AMI ndi ata vine, Ete Mi onyuŋ edi ɔdiɔŋ-iŋwaŋ-vine.

Edieke owo miduŋke Mi ke idem, esio enye efep nte ŋkɔk, enye onyuŋ akabare asat; ndien etaŋ mme ŋkɔk oro esin ke ikaŋ, enyuŋ efɔp mmɔ.

Mma ntiŋ mme ŋkpɔ emi nnɔ mbufo, man idaresit Mi odu ke mbufo, idaresit mbufo onyuŋ ɔyɔhɔ.

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

Mmowuk mbufo ntem nte, mbufo ema kiet eken.

Edieke mbufo ekpedide mbon ererimbot, ererimbot akpama ikɔt esie: edi sia mbufo midige mbon ererimbot, edi Ami ŋkemekde mbufo nsio ke ererimbot, ke ntak oro ererimbot asua mbufo.