Ayat-ayat Alkitab Ternama dari Ubutukilo 39

Berbagi

Mwene Zambi yabwa hamwe ni Josefe, neye yayuka. Te kaatwama mu zuwo lia mwene wenyi.

Mba Potifare yakunjika yeswe mu moko jenyi, iye katalile ko nawa Chuma nichimwe shina kulia wika. Josefe te mwana lunga mubema ku mujimba ni ku meso.

Yamwaha Josefe chiyulo cha kutala funge eswe ni milimo yeswe ya mu zuwo lia lamba.

Yalweza atu ha kukwata Josefe. No yaamukwata, yaamusa mu zuwo lia lamba, muze te akusa funge ja mwanangana. Josefe yatwama ko, alioze Mwene Zambi yabwa hamwe nenyi, yamuwahisa. Ha chino mwata wa zuwo lia lamba yawahilila nenyi.

Muze amwe matangwa haabalika, pwo lia mwata wenyi yabutuka kumusa meso. Mwe pwo yamwamba ngwenyi: “Tweya tulimone.” Josefe yalituna ngwenyi: “Ka! Tala, mwata wami keshi kutala ku Chuma nichimwe mu zuwo muze nguli kuno. Yami nguli ni chiyulo ha kutala yuma yenyi yeswe. Yami nguli ni chiyulo ngwe iye. Kangukanjishile ku Chuma nichimwe, shina yena pwo lienyi. Ngwe kuchi munguhasa kulinga yibi yibwa haha ni kuvulumuna ku meso ja Zambi?”

Limwe tangwa Josefe yaya Akulinga milimo yenyi mu zuwo. Te kumushi kavumbi mukwo niumwe. Mba pwo lia Potifare yakwata Josefe ku kazaku kenyi ngwenyi: “Tuye tulimone.” Alioze Josefe yatusuka mu moko jenyi, yatuhuka haze. Kazaku kenyi yasala mu moko ja pwo yoze.