Ayat-ayat Alkitab Ternama dari Lucas 3

Berbagi

Karon sang mabautisohan na ang tanan nga mga tawo, si Jesus ginbautisohan man. Sang nagapangamuyo sia, nag-abri ang langit kag ang Espiritu Santo sa dagway sang pating nagkunsad sa iya. Dayon may isa ka tingog halin sa langit nga nagasiling, “Ikaw ang akon hinigugma nga Anak. Nalipay gid ako sa imo.”

Gani si Juan nagsiling sa ila tanan, “Ginabautisohan ko kamo sang tubig, pero may isa nga magaabot nga mas gamhanan pa sang sa akon. Indi gani ako takos sa paghubad sang higot sang iya mga sandalyas. Pagabautisohan niya kamo sang Espiritu Santo kag sang kalayo.

Pamatud-i sa inyo mga buhat nga nagbiya kamo sa inyo mga sala. Indi kamo magsiling sa inyo mga kaugalingon nga si Abraham isa sang inyo mga kaliwat kay ginasiling ko sa inyo nga ang Dios makahimo sing mga kaliwat para kay Abraham halin sa sini nga mga bato!

Ang Dios handa na sa pagwasay sang mga kahoy sa ila mga gamot. Gani ang tagsa ka kahoy nga wala nagapamunga sing maayo pagatapson kag idap-ong sa kalayo.”

Ini suno sa ginsulat ni Isaias nga propeta sa iya libro: “May nagawali sang mabaskog sa desierto: ‘Amana ninyo ang alagyan para sa Ginoo, maghimo kamo sing tadlong nga dalan nga iya pagaagyan! Ang tagsa ka nalupyakan tampukan, ang tagsa ka bukid kag bakulod tapanon, ang tiko nga mga dalan tadlungon, kag ang batsihon nga mga dalan kaayuhon. Ang tanan nga mga katawhan makakita sang kaluwasan sang Dios!’”