Ayat-ayat Alkitab Ternama dari Лука 17

Berbagi

Нян Иисус самариянкантаки гөнин: – Илли, ӈэнни, хин тэденси хину айчирин.

Тарбач нян өмэндулэ инэӈнэ хину дэпки надаракан төнӈэкичу овканакан, ноӈан надаракан хинтэки мучудин, тарав төнӈэкичу овканчай тэлэӈдэй, тарак аталабдан, таракам-да хи ноӈман хэлэгрэӈэнри.

Ноӈардукутан өмэн бэй, ай одый мэни итми, мучурин, дылгурач дылгань Хэвкив эскэникэн, Иисус бодэллон дэпки мэн хэнӈэнди тикрин, Ноӈман эскэдилрин, бачибадилрин. Тарак бэй самариянкан бисин.

Мэнур коеткэрэлрэ! Хин аканси явул төнӈэкичу некрэкэн, нэигрэӈэнри, нян хину долдаракан, хэлэгрэӈэнри.

Таракам Иисус гөнин: – Эв эчилтэн мян бэил тэсэптэ, ай од? Илэ-ккэ хан уюн?

Хунӈит гөнин: – Тарбач хун тэденсэн хякита няӈтан-да дын бисэкэн, таракам эртэки смоковницатки гөӈэсэн: «Мэни ӈиӈтэлкэм чуптарли, тадук намна тэгукэли!» – таракам смоковница хуну долдадин.

Ӈи мэн иний айсачидилдин, тарак мэн аччаду овкандин, ӈи-ккэ аччаду овкандин, тарак иний арукандин.

Мэн хупкуттыӈэлтэкий Иисус гөнин: – Эевкэчир бэю төнӈэкичу овкаӈчирил, эрэгэр бигрэдир, нян тарал бэил хилдир, тарав төнӈэкичу некэннэл. Тарду бэйду аидьмар бимчи, никандулан бурдуку чилкамдыв онерэкэтэн, нян намна улэрэкэтэн, эдлэн өмэм-дэ кучукэм хоибукан.

Он-ка Ной инэӈэӈнэн бисин, тачинта-тта Бэй Хутэн Оча инэӈэӈнэн бигрэдин. Бэил дебэддытэн, коладдытан, олдаддытан, мерэндиддитэн – тачин таракла инэӈэклэ бисин, ок-ка Ной момила ойчирин, тадук-нян эгден тылка один, тарбач таду эйдучэндюр көкэритэн.