Ayat-ayat Alkitab Ternama dari Jooni 14

Berbagi

“Tampara, otoriko. Tampara masikung, nkaang mooa koonto' masikung arompimaang. Avitoitoi noru'daria' ee'noko aroreriauka'.

Jiisuu'ke aa'puu', “Ning tee ee'nara taung masikung, kara masikung okovenung ee'noko domaang okovenunge ning ee'nara. Naning Mma'anko bearupeu' baka. Ninge deeko' tavo'antavampeu'.

Jiisuu'ke aa'muru', “Domang oraka' dee'doriauka'. Kumponing masika'antaveriaing, ee'noko ning masika'antameriainge.

Teka dama'ke teie Domang Kuaa'antai, Tanuaang Meekunge, Kumponinge dii'anko botovuainunge nkaang miring-koo, ookara kapoo' nau-antaruriaing, ee'noko noru'antaruriainge napo' ookara kapoo' ninge naurampiru'ning.

“Baa tee nkaang boto aroo'uma siompumaung tee ee'nara naning ning piaamumaung. Ee'noko baa tee naning ning piaamumaung Mma'ke piaavuainge. Ee'noko ninge piaavampainge. Ee'noko ning ninka sira'maravainge tee-koo.”

Ninge Mma' nia'ampaing nii'nung domang kuaa'anta dii'anko botovuaing, Tanuaang Meekung ee'nara, kara masikung tanata, dii' ninka doong kante otoriaina'. Teinge tamung kansi'koo otoromainge nkavaavarupeu', ooaavarura noru'aavaung-koo. Teka dii'ke tee noru'eri otong, ai' tee dii' ninka otorimaung-koo; ee'noko diikaang domang-koo otoi otoaing.

Ee'noko kapoo' nkaang miring-koo nia'meriaing nkoampaing, Kumponinge bakaang meenasi sira'antavuaina' ning-koo Bauring-koo. Kapoo' nkoama'naang nia'meriaing nkaang miring-koo nkoampaing.”

“Dii'ke ning piaameritaa' nkaang boto siomperiaing.

Mma' bakanava-koo avatevaro otong. Ninge otoriainoo' neriampaing. Tee' naurampiarupeu' tosi dei.

Dii' otoriainoo' osi neri bakeamira napo' toromaravaing, ee'noko ning-anko po'antarampiaing te' ning o'noainoo' dii' otoriaina'.

Toomasie aa'puu', “Ovoring, nii'ke noru'ampia' te' da' naniainoo'. Arekee' noru'ampipeu' taung te' tavo'maripeu'navung?”