Ayat-ayat Alkitab Ternama dari Yh 14

Bagikan

“Nukusiyilani mtendele. Nukupani mtendele wangu. Nukupanilini mtendele wala ngani mwamene calo ca pansi cupela yayi. Mtima wanu usavutike keno kuŵa na nkhawa.

Yesu emuyasuka kuti, “Newo nine njila, nine vyendi, nipo soti nine moyo. Paliye munthu angafwike kwa Atata keno opitilalini mwa newo.

Yesu ewuzya asambili wake ŵala kuti, “Mitima yanu isavutike. Cetekelani mwa Mulungu, cetekelani soti mwa newo.

Koma Nkhoswe yala, Mzimu Mtuŵa watiazemutume Atata mu zina yangu, niye watazeakusambisheni vonse, nipo azeamukumbusheni vonse venikuwuzyani.

“Munthu opokela Matetulo ŵangu noŵakonkha, niye onitemwa. Nipo otemwa newo, Atata azeamutemwe. Nane soti nizenimutemwe munthu wala, nipo nizeniziwoneshe kwa yeve.”

Pamene apo nizenisenge Atata, nipo azeakupeni Nkhoswe iyakine kuti izokuŵa namwe nsita zonse. Nkhoswe iyo ni Mzimu woziŵisha vyendi. Ŵanthu oyingotemwa va pano pansi angatweshelini kumupokela yayi, cikomo omuwonalini keno kumuziŵa. Koma mwewo mumuziŵa, cikomo onkhala na mwewo nipo azeankhale mwa mwewo.

Ciliconse catimuzemusenge mu zina yangu nizenicite, kuti Atata azeacinzikiwe mwa Mwana. Keno muzemunisenge kanthu mu zina yangu, nizenicite cendi.”

Keno munitemwa, muwokonkha Matetulo ŵangu.

Mu ngʼanda mwa Atata muli vipinda vinyinji vonkhalamo. Kuti mwenze muliye vipinda, sembe nikuwuzyani. Nikuya kuyokuwamyilani malo.

Nipo nikaluta kuyokuwamyilani malo, nikawele soti kuzokutolani, kuti namwe soti mukaŵe kwa newo.

Thomasi elaŵila kuti, “Asikulu, tuziŵalini kwamukuya. Nga njila yake tingayiziŵe tyani?”