Ինչու՞ ՀարությունՕրինակ

Ինչո՞ւ է մեզ պետք Հիսուսը:  

Ես և դու ստեղծված ենք Աստծո հետ հարաբերություններում ապրելու համար: Քանի դեռ չենք գտել այդ հարաբերությունները, մեր կյանքում միշտ ինչ-որ բան պակաս կլինի: Արդյունքում, մենք հաճախ զգում ենք այդ բացը: Մի ռոք երգիչ դա նկարագրեց ասելով. «Ես խորը դատարկություն ունեմ»:

Մի կին, ինձ ուղղված նամակում, գրել է «շատ խորը դատարկության» մասին: Մեկ այլ երիտասարդ աղջիկ խոսեց «իր հոգու մի կտորի բացակայության մասին»:

Մարդիկ փորձում են լրացնել այս դատարկությունը տարբեր ձևերով: Ոմանք փորձում են գումարով փակել այդ բացը, բայց դա չի բերում բավարարում։ Արիստոտել Օնասիսը, ով աշխարհի ամենահարուստ մարդկանցից մեկն էր, իր կյանքի վերջում ասաց. «Միլիոնները միշտ չէ, որ լրացնում են այն, ինչն իրականում անհրաժեշտ է մարդուն կյանքից»:

Մյուսները փորձում են թմրանյութեր, ալկոհոլ կամ սեռական անառակություն: Մի աղջիկ ինձ ասաց. «Այս բաները ակնթարթորեն բավարարվածություն են տալիս, բայց հետո քեզ դատարկ ես զգում»: Ուրիշներն էլ փորձում են քրտնաջան աշխատանք, երաժշտություն, սպորտ կամ հաջողություն փնտրել: Հնարավոր է, որ դրանցում ոչ մի վատ բան չկա, բայց նրանք չեն հագեցնում այդ քաղցը յուրաքանչյուր մարդու խորքում:

Նույնիսկ մարդկային ամենամոտ հարաբերությունները, չնայած հրաշալի են, ինքնին չեն բավարարում այս «դատարկությունը ներսի խորքում»: Ոչինչ չի լրացնի այս բացը, բացի Աստծո հետ հարաբերություններից, որոնց համար մենք ստեղծված ենք:

Ըստ Նոր Կտակարանի, այս դատարկության պատճառն այն է, որ մարդիկ են թեքել Աստծուց:

Հիսուսն ասաց. «Ես եմ կյանքի հացը» (Հովհաննես 6.35): Նա միակն է, ով կարող է հագեցնել մեր խորը քաղցը, քանի որ Նա է, որ հնարավոր է դարձնում Աստծո հետ մեր հարաբերությունների վերականգնումը:

ա) Նա հագեցնում է կյանքի իմաստի և նպատակի մեր քաղցը

Միայն մեր Արարչի հետ հարաբերություններում ենք մենք գտնում մեր կյանքի իրական իմաստն ու նպատակը:

բ) Նա հագեցնում է մեր քաղցը մահից անդին

Մարդկանց մեծ մասը չեն ցանկանում մահանալ: Մենք ցանկանում ենք ապրել նաև մահից հետո: Միայն Հիսուս Քրիստոսում ենք մենք գտնում հավերժական կյանք:

գ) Նա հագեցնում է մեր ներման քաղցը

Եթե մենք ազնիվ լինենք, պետք է խոստովանենք, որ մենք բոլորս անում ենք բաներ, որոնք գիտենք, որ սխալ են: Խաչի վրա իր մահով Հիսուսը հնարավորություն տվեց մեզ ներել և վերականգնվել Աստծո հետ հարաբերություններում: