Matthew 6
6
Yababan Wairafih Baibaisih Ana Bai’obaiyen
1 #
Mat 23.5
“Yate nanub, men iti baifa’i isan a bowabow gewasih sabuw nahimaim kwanabowamih, nati na’atube kwanasisinaf na’at, Tamat maramaim boro men a baiyan nitimih.
2“Imih veya ta akir wairafin sawar inabitin men inakurereb sabuw etei hinanowaramih, men sabuw wanawanah rerekabih Kou’ay Bar wanawanan, naatu ef gagamih yahimaim sabuw itih baifa’ih isan tisisinafube kwanasinafumih, anababatun a tur ao’owen, nati sabuw i boro men hai siwar ta God nitihimih. 3Isan imih akir wairafin inabibais, wa’iwa’iramaim inibais, saise a’of iti sisib ema’am men naso’ob o abisa kusisinaf. 4Iti sawar i wa’iwa’iramaim inasinaf, saise Tamat maramaim o abisa wa’iwa’iramaim isisinaf na’iti boro a baiyan nit.
Jesu Yoyoban Ibi’obaiyih
(Luke 11.2-4)
5 #
Mat 23.5; Luk 18.10-14 “Naatu yoyobanamih men wanawanah rerekabih tisisinafube, kwanasinafumih, anayabin i tekokok Kou’ay Bar wanawanan hinabat hinayoyoban, o ef na’ih awah kaukusebamaim hinabat hinayoyoban, saise sabuw hina’itih, baise anababatun a tur ao’owen, nati sabuw hai baiyan i hibaika. 6Baise o yoyobanamih a bar inarun, etawan inahir, Tamat wa’iwa’iramaim ema’am isan inayoyoban, naatu Tamat abisa wa’iwa’iramaim isinaf i’itin boro a baiyan nit. 7#1Ki 18.26-29Naatu yoyobanamih men a tur nidun namomonamih, Eteni Sabuw iyab God men hisusu’ub i na’atube tisisinaf. Tenotanot yoyoban manin hinayoyoban God boro hai yoyoban nanowar. 8#Mat 6.32Men i hai sinaf kwani’u’ur, anayabin abisa inotanot Tamat i so’obabo o kubifefeyan. 9Imih iti na’atube kwanayoyoban,
‘Tamai maramaim,
O wab i kakafiyin.
10 #
Luk 22.42
A aiwob tan,
tafaramamaim a kok atasinaf,
maramaim tisisinaf na’atube,
11Biyai ana fair isan mar etei ai bay initi.
12 #
Mat 6.14-15; 18.21-35 Ai kakafih kunotawiyen,
taituwai hai kakafin anonotawiyen na’atube.
13 #
Luk 22.40; Jas 1.13; Jn 17.15; 2Th 3.3; 2Tim 4.18 Men routobonamaim inanawiyi’imih,
baise kakafihine inatar fafari, a aiwob, a fair, a marakaw nama wanatowan, Amen.’
14 #
Mak 11.25-26
“Taituwa o isa bowabow kakafin hisisinaf inanotawiyen, Tamat maramaim o a kakafih auman boro nanotawiyen. 15Baise hai kakafih men inanotanotwiyen na’at, o a kakafin auman Tamat boro men nanotawiyen.
Foufur Ana Bai’obaiyen
16 #
Isa 58.5-9
“Kwanayoyohar#6.16 bay kwanabitafutaf ana veya men sabuw wanawanah rerekabih kwani’u’urih, anayabin nati na’atube teyoyohar, saise taituwah hina’itih yoharayah hinarouw hinifa’ih isan. Anababatun a tur ao’owen nati sabuw hai baiyan i hibaika. 17Baise kwanayoyohar ana veya yumat kwanasouwen arib raiy kwanay kwanisuwar, 18saise sabuw afa boro men hina so’ob kwa i kwayoyohar, baise Tamat wa’iwa’iramaim ema’ama, o abisa akisimo isinaf i’itin boro a baiyan nit.
Maramaim I Sawar Moumurih
(Luke 12.33-34)
19 #
Jas 5.1-3
“A sawar gewasih iti tafaramamaim inaya inatototo, ganidor boro na’aan fufur naatu simur boro na’arah, naatu bainowah auman boro a bar hinakwib hinarun a sawar hinabain. 20#Mat 19.21; Luk 18.22Imih a sawar etei maramaim inaya inatoto, saise ganidor boro men hina’aan, naatu simur boro men na’arah, naatu bainowah boro men a bar hinakwib hinarun hina bainuwihimih. 21A toto abuyoy menamaim kuya’aya, o dogor boro imaim mar etei nama.
Matat I Biyat Ana Marakaw
(Luke 11.34-36)
22“Matat i biyat ana hinow, matat gewasin, biyat etei boro marakawin. 23Baise matat kakafin, biyat tutufin etei boro gugumin kakafin, naatu nati gugumin i wanu’umin kakafin.
Orot Rou’ab Isah Men Kwanabow
(Luke 16.13; 12.22-31)
24“Orot ta’imon men karam boro orot gagamih rou’ab isah nabow, ana gewasin orot ta i boro nakwahir, naatu orot ta isan niyabow, orot ta ana tur i boro nanowar naatu orot ta boro nifutuw.
Men Kwaniyababan
25 #
Php 4.6; 1Tim 6.6-8; 1Pet 5.7 “Isan imih a tur ao’owen, ayawas isan men kwaniyababan, a tom isan, biya isan, naatu ar faifuw isan. Kwanotanot yawas i sawar gagamin ar faifuw naatu a tom hairi natabirih? 26#Mat 10.29-31; Luk 12.6-7Kwanuw mamu kwa’itah, men masaw tebob naatu men masaw tefafour, na’atube aurih bay ana korom en#6.26 bay ya’aya ana bar baise Tamat maramaim kaifih bay ebitih. Imih kwa i men mamu ekakaifih na’atube ekakaifimih. 27Imih yababan men karam boro a yawas nakumanin kwanama’amih#6.27 nara’at, nawarorom
28“Naatu aisim ar faifuw isah kwabiyababan? Sigar beran kwanuw kwa’itih, men kafai hibow raro’oh ebababan, o biyah isan ar faifuw tesasakiramih. 29#1Ki 10.4-7; 2Ch 9.3-6Baise a tur ao’owen, aiwob orot Solomon toto buyoy wairafin, ana faifuw eo’osen i men ta iti beran ana gewasinabe’emih. 30God kaiyar fotan ebi’osen wainih kwana’itin, fotan iti boun natasasar, maras boro nakimow nare wairaf wan hinayara’aten hina’arah. Baise kwa i Tamat God uman yanamaim ekakaifi, aisim men kwabitumitum? 31Imih men kwaniyababan kwanao, au ar au faifuw boro menamaim anabow ana’osen, naatu bay boro menamaim anabow ana, harew menamaim anahun anatom? 32#Mat 6.8Eteni Sabuw i sawar iti isah tibiyababan, naatu Tamat maramaim kwa a yababan etei i so’ob. 33#1Ki 3.11-14; Psa 37.4, 25; Rom 14.17Baise wan i mar ana aiwob naatu ma gewasin#6.33 yawas mutufurin, ef mutufurin kwananuwih kwanab, naatu sawar iti etei boro tafan naya’abar nit kwanabow. 34Isan imih maras isan men kwaniyababan, anayabin maras ibo akisin ana yababan. Na’atube veya ta’ita’imon hai yababan men inabo’ay inanot a yababan nara’atamih.
Արդեն Ընտրված.
Matthew 6: aai
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2009 Wycliffe Bible Translators, Inc. All Rights Reserved