लूका 16
16
चतरावो भण्डारी
1पछु त्यो चेला छे भी कयो, “काही धनवान क भण्डारी हुता, आरू मानसे ने ओका सामने ओको पर यो दोषी लागाड़ ्या कि वो तारी संपत्ती उड़ाय देता छे।” 2शेवली कावा त्यो ओको बुलावीन कयो, “यो काय छे जो हाव तारे विषय मा सोमवाय रया छे? आपने भण्डारी क पद लिख दिया, काहकि तु ओगव क भण्डारी नी रया सकता।” 3तव भण्डारी सुचने लाग्या, “हिमी हाव काय करीस? काहकि मारो भगवान हिमी भण्डारी क काम मखे छे छिन रया छे। धरती तो मखे छे खोदी नी जाती; आरू भीख मांगने मा मखे लाज आवती छे।” 4हाव समझ गया की काय करीस, ताकि जव हाव भण्डारी क काम छे छुड़ाया जाछे तो मानसे मखे आपने घर मा लेय।
5“तव त्यो आपने भगवान क देनदा़र क एक करीन बुलाया आरू पेहले छे पूछा तुखे पर मारे भगवान क कोतरा कर्ज छे?” 6त्यो कयो, “सौ मन तेल, तव त्यो ओका सी कयो, आपसा खाता वहय लेय आरू बठीन तत्काल पचास लिख देय।” 7पछु त्यो दिसरा छे पुछा, “तुखे पर कतरो कर्ज छे? त्यो कयो, सौ मन गवे, तव त्यो ओका सी कयो, आपसा खत वेरने लीन चारविसु लिख देय।”
8“भगवान ने ओको अन्यायी भण्डारी क सराहा कि त्यो चालाक छे काम कर्या छे। काहकि इनीये संसार क मानसे आपने टेहाव क मानसे क साथे रीति व्यवहार मा प्रकाश क मानसे छे सवटो त्योरावा छे।”
9आरू हाव तुमू छे कयता छे कि अन्याय क धन छे आपने करता दोस्त बन लेवु, ताकि जव वो जाता रया तो वो तुम्हे अमरकाय जागू मा ली लेय। 10जो थुड़ा छे मा विश्वास छे वो घोणा मा भी विश्वास छे: आरू जो थुड़ा छे थुड़ा मा अन्यायी, वो घोणा मा भी अन्यायी। 11एरकरीन जव तुमू अन्याय क धन मा विश्वास नी ठेराया, तो सच्च धन तुम्हे कुन सपछे? 12आरू यदि तुमू पोराया धन मा सच्च नी ठेराया तो जो तुमरा छे, ओको तुम्हे कुन देसे?
13 #
मत्ती 6:24
काही दास दुय यहोवा–भगवान क सेवा नी कर सकता: काहकि वो तो एक सी बैर आरू दिसरा छे मोंग राखसे: या एक सी ईमानदार रोवछे आरू दिसरा क तुच्छ जानछे। तुमू यहोवा–भगवान आरू धन दुयन सेवा नी कर सकता।
ईशु क काय शिक्षा
14फरीसियो जो धन को लालची हुता यो सब वात सोमवीन उना थठ्ठा मा उड़ावने लाग्या। 15ईशु उनछे कयो, “तुमू तो माणुस क सामने आपने आपको न्यायी ठेहराया होय, पुन यहोवा–भगवान तुमरे मन क जानता छे काय कि जो समान माणुस कि दृष्टी मा सच छे वो यहोवा–भगवान क निकट गलत छे।
16 #
मत्ती 11:12,13 “मूसा कि व्यवस्था आरू भविष्यवक्ता यहुन्ना बपतिस्मा देनेवालान तक रया; उना टेहाव छे यहोवा–भगवान क राज्य क खुश खबर सोमवाया जाय रया छे आरू हर काही उना मा उशारी छे भरायने करता छे। 17#मत्ती 5:18आकाश आरू धरती क गायप होय जाने व्यवस्था क एक बिंदु क मीट जाने सी सहज छे।
18“जो काही आपसी बायर क सोडीन दुसरी छे ईहाव करता छे वो व्यभिचार करता छे आरू जो काही ओसी सुडीन होयी बायर छे ईहाव करता छे वो भी व्यभिचार करता छे।”
धनवान मानुस आरू गरीब लाज़र
19“एक धनवान माणुस हुता बैंजनी छिंदरा आरू मलमल क पेहरता आरू हर दहाडो सुख विलास आरू धुम धाम क साथे रयता हुता।” 20लाज़र नामको एक गरीब घावो छे भरा हुया ओकी आंगना मा पर छुड़ दिया जाता हुता। 21आरू वो जुवता हुता कि धनवान कि हावज पर पड्यो हुयो खानो छे उष्टो छे आपसा पेठ भरे; या तक कि कुत्रा भी आवीन ओका घाव क चाटता हुता।
22ओसो हुया कि वो गरीब मर गया आरू सोरगदूत ने ओको लीन अब्राहम क धड़े मा पुचाड्या। वो धनवान भी मरा आरू गाड़या गया, 23आरू नरक मानसे मा त्यो पीड़ा मा पड़्या हुया आपसी डुवा उठाय आरू दुर छे अब्राहम क धड़े मा लाजर क देख्या। 24तव त्यो आयड़ीन कयो, “हे बास, अब्राहम मखे पर दया कर लाज़र स क मुकली दे ताकी वो आपसी आंगवी क टोक पानी मा बुडावीन मारी जीभ छेवी कर, काहकि हाव इनीये ज्वाला मा तडप रया छे।”
25पुन अब्राहम ने कयो, “हे पोर्या स्मरण कि तु आपने जीवन मा वारलो समान ले त्योक्या छे आरू ओसो ही लाज़र बुरी समान पुन हिमी वो याहा सुख देख रया छे आरू तु तडप रया छे।” 26इन वात क छुड़ीन हामरे आरू तुमरे विच मा एक भारी खाडु ठेहराया गया छे कि जो या छे ओको पार तुमरे साथे जाने जुवे वो नी जाय सक्या आरू नी कायी वा छे इनीये पार हामरे साथे आये सक्या। 27उना धनवान मानुस ने कयो, “तो हे बास अब्राहम, हाव तुखे छे विनती करता छे कि तु लाज़र क मारे बास क घर मुकल्या।” 28“काहकि वा मारे पाच भाई छे वो ओको सामने इन वात कि देखाड़ दे ओसो नी होय कि वो भी इनीये पीड़ा कि धरती मा आवी।”
29अब्राहम ओका सी कयो, “ओको साथे मूसा क नियम आरू भविष्यवक्ता कि किताब छे वो उन क चेतावनी दे।” 30धनवान मानुस कयो नी हे बास अब्राहम, पर यदि काय मारे हुया मा छे उठीन ओको साथे जाईन तो वो पापो छे मन फिराव छे। 31अब्राहम ओका सी कयो, “जव वो मूसा आरू भविष्यवक्ता किही नी सोमवता तो यदि मारा हुया मा छे कायी जी भी उठीन जाय तो भी ओकी नी मानोय।”
Արդեն Ընտրված.
लूका 16: NTDii20
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
The New Testament in Dhankavi Language © The Word for the World International and Dhankavi Mandli, Khargon, Raykhed, Nandurbar, Maharashtra 2020