Ruti 2
2
Ni Ruti e fulato'ona tha Boasi
1Naome e too ana te'e wane ibali arai'i nia, wane ana kwalafa tha Elimeleke, wane gwaungai eri, thatana tha Boasi.
2Ma ni Ruti kini ba i Moaba ka sorea isana ni Naome, <<"Alabatai nau kwai lae i lana o'ole ma kwa konia mai tai fa gereni na e teo, i buira ni teibana ne riki nau ka tatakomi nau.">> Ni Naome ka sorea unaeri isana, <<"Iu Thari nau, oe oki lae bona'a.">> 3Nia e lae ka thafali koni gereni ilana o'ole i burina aini to'a ana raala. Buriana, nia ka thaito`omana na, nia e raa la o'ole tha Boasi, wane ana kwalafa tha Elimeleke.
4Asi manga eri, tha Boasi e bi'i fula mai fasia Betelehemu, nia ka sorea le'a i fana to'a ni ra niaki.
<<"Tha Iawe kai too bi kamulua,">> Keka lu'u nia, keka sorea, << "tha Iawe kai too laubo'o bi oe!">>
5Tha Boasi ka soeto'ona nga wane ba`ita ana raoa niaki, <<"ni tei na kini loko'o?">>
6Ma wane ba`ita ana raala ka lu'u nia ka sorea, <<"Kini i Moaba loko`o, nia ne olimai bia ni Naome.">>
7Nia e sorea iseku, <<"alabatania kwai koni gereni ma kwa figu do burina aini to'a ni ra nai'. Nia e lae mai i lana o'ola bia ka ra le'a asiana'a ita mai i u'usingedia laalae ka fula asi manga eri, kasi manga bana e maamaalo i la sikula nunufi.">>
8Sui tha Boasi ka sorea unaeri isana ni Ruti, <<"Thari nau, oe oki fa'afurongo mai uri nau. Osi lae lau lana ta o'ola e'eta uria koni gereni la bia osi lae lau fasia kula ne'e. Oki too bona'a bia aini kini ma to'a ni ra nauki i kula ne'e 9Lio uria ta sikula wane ki keki kasia gereni i ei, ma oko lae buri ana aini thari ne eki. Nau ku fa'arongoa suina ana wane ni raa ki, kesi su'a oe. Bia si manga oko maeli ku'u, oko 'ingo bamua fasia kafo wane ni raaki kera lulaa.">>
10Si manga ni Ruti e rongo'a, nia ka bo'oruru maka ango fafia mana uria i tha`egano ma ka sorea, <<''uria si tafe`tai oko ade le`a ma oko riki thai to`omaku ai ata fanua?">>
11Boasi ka lu'u nia una eri, <<"nau ku rongoa suina aini si doo o ilia ifana waifunga oe ita asimanga arai oe e nofi- oe oko akwasia nga maka oe bia thainamu bia fanua oe, oko lae mai oko too bia aina imole e'etaki. 12Tha Iawe bona'a kai du'ua aini si doo o ilia. Tha Iawe bona'a kai kwai ara'ngai oe, tha Iawe nai Isirela, i fa'ara na kukubana, si kula ni tha'ufuni oe".>>
13"Nau ku gania tatakomia oe ifeku kai toladoa, wane gwaungai nau", nia ka sorea, <<"Oe o fa'a inomaruki nau bia oko ngata le'a uri nau, kini raa oe, mena ana kwasi bobola uria kini ni raa oeki.">>
14Si manga ifana fangala na'a, tha Boasi ka una eri isana "lae mai ise`e <<Ngalia tasi bereta ma oko thuthu-mainia ilana waeni finiga".>> Sui Ruti ka ono bia aini to'a ni raa niaki, nia ka falea laubo'o taifa gereni na'arelana ifana. Ruti ka fanga laalae ka abusu, sui ka alua ore tana si fanga nia e too. 15Burina, ni Ruti e lae ka raa lau, tha Boasi ka fa'arongo fifi ana aina wane ni raalaa niaki, ma ka sorea una eri isada, <<do anita nia ka koni ma`alutana ifi`i-bali i la o'ole toto musi fa'a se'enoni ani nia. 16Bia muka, lafua tei fungii do ifana, muka alua ka teo ana fasia nia ka konia, musi sore nia.">>
17Sui ni Ruti ka raa si kula eri laalae thato ka su. Sui nia ka kwae'a ma ka ofua nga bali nia e konia, karangia kai fula to'ona tafuli fa kilo ma te`e fa kilo. 18Ni nia ka ngalia maka oli uria nga fera kera, ma waifunga nia ka rikia oke'e do na nia e konia. Ni Ruti ka falea laubo'o oretana si fanga na e teo i fana waifunga nia.
19Waifunga nia ka soeto'ona, << "Ma i fei na o raa iei taraena? Sikula ni tei na o raa iei i taraena? Le'ala ifana nga wane ne riki oe ka le'a.>> Sui ni Ruti ka fa'arongoa waifunga nia ana sikula nia e raa iei bia wane na sikula nia. Nia ka sorea, "thatana wane ku ra bia i taraena, tha Boasi."
20"Tha Iawe kai 'adominia!" Ni Naome ka sorea unaeri isana kinifungao nia, <<"nia e faatai nia liothaua nia ifana to'a maruki bia to'a maeki".>> Nia ka sorea laubo'o, <<wane eri kulu ina fifi ania, nia wane ana kwalafa kulu ma wane na kai tata'e fasi kulu>>.
21Sui ni Ruti kini nai Moaba ka sorea isana waifunga nia, <<Wane eri e sorea laubo'o iseku, " oe o too bona'a bia aini to'ani raala nauki laalae unii gereni ka sui.">>
22Ni Naome ka sorea isana ni Ruti, kinifungao nia <<E le'a asina'a i famu, thari nau, oko too bona'a bia thari ni raa niaki, sulia masa kula ta wane e'eta, tasi do kai thaungi oe.>>
23Mani Ruti ka too bona'a karangia aini thari na kera raa ifana tha Boasi, nia ka ra bi kera laalae uni'i doo ni konilana gereni ka sui. Nia ka too bona'a bia waifunga nia.
Արդեն Ընտրված.
Ruti 2: MLU-SB
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2024, Islands Bible Ministries. All rights reserved.