JOHN Kilekithitsa
Kilekithitsa
John no yekeu Atsakiviu lo Jisü ye lhokta lo Alhou tsa achekeu, pa ye “Timi lhoxü lakhi shiveno ningu gholo xüache.” Kaku lo pike toi, Atsakiviu hipau yekeu ye philukemi pelo Jisü ye Alhou Nu piqhi püakeu Xakuluu kepi pülülu peniye eno pa pülülu keu vecheo panoqo pelo aküxü alu peniye ke (20:31).
Atsakiviu kaku hipau lo Jisü ye lhokta lo Alhou tsa kepi Kilekithitsa süve püzü atüghüu mqo lo akümzapu kümla yesüpe püani, tino Jisü ye Alhou Nu piqhi püakeu Xakuluu piyeniye ke. Tipa shelo akümzapu kümla lo kiu piye ani keno hephopiye keu tsa yesütsü. Hipa mqo lo Jisü pülüluve kemi no pa papewuve eno pa mjochile kemi ye pa pülü tsümo keu yepüani. Akiyedo 13:17 lo Jisü no pa küghalu nike jilo pa no kütsüluvekemi sasü thebei kuposhu keu eno pa yedani kiche lo panoqo pelo kutoluve eno shikumto keu tsa yekithi püani. Ashekhalau akiyedoqo lo Jisü küghalu keu, atsakükügha, yedave keu, xüchilekulu eno pa no kütsüluvekemi lau ipeghi piyekeu pi püani.
Kütüqhaliu totomi küghalu keu (8-11) ye bokutha lo süpüani kughengu akiyepa kutomo lo eno pekidesü keu jeli atüghüu loye tipau qhive aghi eno kütau hami loye a-a kütau lo süpüaghi ke. John no akhotoshi pikeu ye Khristo vecheo kümsagho lhokta küxü ani eno ti ye khunono Jisü ye alaghi kuchou eno aküxüpu kepi pülüni keno itehi no tipau küxü auvae.
John no tsalakipe küxü lo thime nhemgha peitha chekeqo pesü aghungu lo kuchou ghili kichepiye, ti ye azü, asho, aküvü, ambe, ambekheu eno atsaibo ngo atsaithi.
Kaku Kimji: Jisü ye Alhou no tushoqhi püakeu Messiah eno Alhou Nu, khukhumu pa pülü keu ye lhokta küxü ani.
Khuu no ye kea: John.
Khileno ye kea: Ephesus lono.
Khuno lau ye kea: Akitheshi Khristomi shilu kemi eno Khristo kumomi lau.
Kughono ye kea: A.D. 85 qhauno.
Արդեն Ընտրված.
JOHN Kilekithitsa: SUMRVBSI
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
The Bible Society of India
© 2023, Used by permission. All rights reserved. More