Luke 3
3
Mabigu maloonze Sa Batiste
1Ve bile Tibere Sesar ne digumi di bilime ne bilime biranu ve dinyaange gu Rome, Ponse Pilate abile yivuunde gi museengi wu Sudé, ne Irode Atipase abile yivuunde gi museengi wu Galilé; Filip mwaane ngwandi, abile yivuunde gi tseengi yi Ituré ne Trakonitide, kere Lisanyas yivuunde gi Abilene. 2Ane ne Kayif babile bivuunde bi baveegitsi ba malagu, dikyesi dyene re di Nzambi ayambile ne Sa mwaane Sakari gu yigaangi. 3Sa ayendenge gu museengi wotsu wu mu tuungu mwaambe wu Surde nuloonzenge re: «Kalulanu buyedi, batuswanu mure yenu dikesiingulu kokolu mu mabi menu.»
4Nave teendu dyo mu mugaande wu Isayi mubigitsi Nzambi re:
«Mutu agonebwamugu gu yigaangi re
kuunzanu banzile tsi Fumu mu mirime myenu,
suungiganu mikiinde myandi.
5Bambeengi bootsu babasu,
mikoongu ne bikukune byootsu biseengu,
marooku mootsu masuungugu,
banzile tsi mamanyi tsiseengu
6Ne batu bootsu bagulabe muyobulitsi wukesindige Nzambi.#3.6 Isayi 40.3-5.»
Mutsuundu
7Ve ruge batu ba mbili mubatusu ne Sa, ayambile yawu re: «Dibure dibambisi wutseloonze yenu disuge diwurine kabu Nzambi yikarugi nde nyi? 8Vaganu nde maambu mamanyi muloonze re yenu dimakalule bitsagilitsi. Diyameme mu yenu bene re Abaraam tayetu, mumbare mayambile yenu re, nisi mamanyi maame Nzambi arungule wukaluse mo baane ba Abaraam. 9Diraambile, pivi yikeke yisiingugu mutabule mikange mi miri; kagu mwiri wotsu wugabure miluunde miminyi wugugwaangu ne wuveru gu mbaawu.»
Miluunde mi diburu dimoone
10Ve yulu mbili batu maambu mene batombenge Sa re: «Ake yetu divagi nde tsenyi?» 11Ayagule yawu re: «Mutu wukebile ne mangoyi mabeyi aveegi dimoosi gu wugabile ne dyo, wotsu wune kure, aveegi wugabile ne yo.»
12Baboongitsi ba lepu ne yawu baruge mubatusu naandi, ne batombe Sa re: «Muloonzi yetu divagi nde tsenyi?»
13Agabusile yawu re: «Diyaboonge gu batu bagundige ve yulu birumu yenu.» 14Migole ne yawu batombe yandi re: Ake yetu divage nde tsenyi? Ayagule yawu re: «Diyaboonge badole ne mbabu, vo wufurigile mutu dyaambu muroonde wuyibile yandi, te labanu wunyi mu futu yigoneveegu yenu.»
Sa ayambile tsaangu yi wukarugi
15Batu bootsu baviingilenge, ne bataasange mu mirime myawu mu dyaambu di Sa re: «Wuwu sakebile re mutu Wusoolu ne Nzambi wugoneviingulwa?» 16Sa ayagule yawu bootsu re: «Me, mabatise yenu ne maambe, te wukayitsi re wuvyogilile me Ngudi. Masaandi ne dinyaange di wunyangule mikudu mi mataambi mandi. Yandi agubatise yenu ne Dinyunyi Disuungeme, ne mbaawu. 17Yandi agaangile yisanyulu ve dikake mubale yitsige ne mu wusanyi bakodu bakeyange yandi gu butale bwandi. Te bipupu byootsu biguveru gu mbaawu yigatsime.» 18Kere vane Sa akoonde mbili bandoongi tsimosi nuloonzenge batu musamu wumunyi.
Disukusulu di yisalu gi Sa Batise
19Irode murumitsi gu Galilé aduumbe mwaane tayandi mugatsi ndugandi Irodyade, avagenge ne mbili maambu mamosi mamabi. Re dibaandu Sa aseembe yandi mu mo. 20Dibi dimosi dikoonde yandi ve yulu mabi mootsu ma mareege re dinyingise yandi Sa gu tsugu.
Sesu abatusu
21Sa ne ginene sunzu gu tsugu, abatisenge batu. Wisi wumoosi ve mane yandi wubatise batu, Sesu aruge gu batusu naandi. Ve saambilenge Sesu, yulu yitsibuge. 22Dinyunyi Disuungeme disunde mu yandi mu yibagunu gi dibeembi, duufi diruge gu yulu re: «Yire Mwaanami wu murime, makalabi wunyi mu yu.»
Bukulu bu Sesu
23Ve baande Sesu yisalu gi Nzambi, abile ve pwase magumi mareru ma bilime, batu bataasenge re abile mwaane Susefu, Susefu mwaane#3.23 Mu bine bitsige ditsesunze mwaane sake wu ve digumbe te nde gu dibure. Ili. 24Ili abile mwaane Matate, Matate mwaane Levi, Levi mwaane Melki, Melki mwaane Sanayi, Sanayi mwaane Susefu. 25Susefu abile mwaane Matatyas, Matatyas mwaane Amose, Amose mwaane Nawume, Nawume mwaane Esli, Esli mwaane Nagayi; 26Nagayi bile mwaane Mate, Mate mwaane Matatyas, Matatyas mwaane Semeyé, Semeyé mwaane Yoseke, Yoseke mwaane Yoda. 27Yoda abile mwaane Yowana, Yowana mwaane Resa, Resa mwaane Sorobabele, Sorobabele mwaane Salatyele, Salatyele mwaane Neri. 28Neri abile mwaane Melki, Melki mwaane Adi, Adi mwaane Kosame, Kosame mwaane Elmadame, Elmadame mwaane Ere. 29Ere abile mwaane Sesu, Sesu mwaane Elyesere, Elyesere mwaane Yorime, Yorime mwaane Matate, Matate mwaane Levi. 30Levi abile mwaane Simeo, Simeo mwaane Suda, Suda mwaane Susefu, Susefu, mwaane Yoname, Yoname mwaane Elyakim. 31Elyakim abile mwaane Meleya, Meleya mwaane Mena, Mena mwaane Matate, Matate mwaane Nata, Nata mwaane David. 32David abile mwaane Isayi, Isayi mwaane Obed, Obed mwaane Bose, Bose mwaane Sala, Sala mwaane Naason. 33Naason abile mwaane Aminadabe, Aminadabe mwaane Admin, Admin mwaane Arni, Arni mwaane Ersone, Ersone mwaane Perese, Perese mwaane Suda, 34Suda abile mwaane Sakob, Sakob mwaane Isaak, Isaak mwaane Abaraam, Abaraam mwaane Tera, Tera mwaane Nagore. 35Nagore mwaane Seruge, Seruge mwaane Rewu, Rewu mwaane Falek, Falek mwaane Ebere, Ebere mwaane Sala. 36Sala abile mwaane Kénane, Kénane mwaane Arpakesade, Arpakesade mwaane Seme, Seme mwaane Nowé, Nowé mwaane Lemek. 37Lemek abile mwaane Matusalem, Matusalem abile mwaane Enok, Enok mwaane Yerede, Yerede mwaane Malele, Malele mwaane Kénane. 38Kénane abile mwaane Enose, Enose mwaane Sete, Sete mwaane Adam, Adam wusuundu ne Nzambi.
Արդեն Ընտրված.
Luke 3: SNQ
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES