मरकुस 8
8
ईसु चार हजार होड़कुय खियो तेडा
(मत्ती 15:32-39)
1हेना तोलोग फेर अखीर होड़कू जवर एना, अवुर हेंकू थरे जो-मे लगड कनर मेने दोहो गना, तहाँ हेंय अनेज रेनकू चेलाकू राःकेड कुतेय कहनी वडकू, 2“इंञ नआँ भीड़ रेनकुंञ सोग वकू तना, कहेकि नेकू तीन दिन वरी इंञ सुदा कुआ, अवुर नेकू थरे जो-मे लगड कनर कोवाआ। 3अगर इंञ नेकू रँगेज रँगेज ते ओड़ाईंञ कुलकू रेदो, लटो कोःते होर तेकू तुरसू डुआ, कहेकि अवुर कू सगींञ वरी कू मेजकेना।” 4तहाँ चेलाकू जबाब वडिया, “नेकू खियो कू लगड नआँ सुनहर ओत रे कनय हो न मेनकू लगड करा वरी रोटिय अग सकोआ?” 5हेना वरी ईसु मसीह हेंकुय होंबोर तेडा, “अपे थरे तीमिन रोटी इदाना?” हेना वरी हेंकू कहनी तेडा, “सात गोटंग गिआ।”
6तहाँ हेंय होड़कू ओतेत रे दुड़ूब लगाडिय कहनी वडकू, अवुर हेंय सातो गोटंग रोटी सबके ते भगवान धन्यावादिय ओवाडा, अवुर होड़कू कू परोसवा लगड रोटी टोविज टोविज ते चेलाकू तयिय ओवाडू, अवुर हेंकू होड़कुकू परोस वडू। 7हेंकू थरे दमभर होडींञ हकुकू होकू दोहो एना, हेना लगड हो ईसु भगवान धन्यावादिय ओवाडा, अवुर होड़कू परोसवा लगड चेला कुय कहनी वडू। 8अवुर हेंकू जोम बियान कू, अवुर चेलाकू पेरेज पेरेज ते सात छनवाँ बंचो तना टुटकत कू रिमतेडा। 9अवुर होड़कू लगभग चार हजार कू दोहो एना, तहाँ हेंय हेंकुय बिदा तेडा, 10अवुर हेंय तुरेत्ते अनेज रेनकू चेलाकू सुदा डोंगा रे रकब केनते, दलमनूता जिला हनतेकू चलो एना।
फरीसिकू सरग राः चिन्ह कू ञँम बेड़ाआ
(मत्ती 16:1-4; लूका 11:16,29)
11 #
मत्ती 12:38; लूका 11:16 हेना वरी फेर फरीसिकू मेजकेन ते हेंय सुदा कू होड़बादुऊ, अवुर हेंय परखो लगड कनारा सरग वरी चिन्ह कू असी तेडा। 12#मत्ती 12:39; लूका 11:29ईसु अनेज राः आत्मा रे साँस वतेय कहनी तेडा, “नआँ पिढ़ी रेनकू होड़कू ची लगड चिन्ह कू ञँम बेड़ा यडा? इंञ अपे थरे सही मेतेंञ कहनी यडा, नआँ समय रेनकू होड़कू लगड कनर चिन्ह एरोंञ तिःवड कुआ।” 13अवुर हेंय हेंकू बगी वते फेर डोंगा रेय रकब एना, अवुर मेना परोम हनतेय चलो एना।
फरीसिकू अवुर हेरोदेस राः खमीर
14अवुर चेलाकू रोटी ससब कू लीड़िंञ तेडा, अवुर डोंगा रे हेंकू थरे मिनियेंटंग रोटी दोहो एना। 15#लूका 12:1ईसु हेंकुय डटो तेडा, “अँजोम पे, अपे फरीसिकू अवुर हेरोदेस राः खमीर#8:15 फरीसिकू राः गलत सिक्छा वरी सँवचेती तेपे दोहोनू।” 16हेना वरी हेंकू अनाकू आपस रे पसींद केतेकू कहनी तेडा, “अबू थरे रोटी दो कोवाआ।” 17ईसु नआँ पपाड़ी केनतेय कहनी तेडा, “अले थरे रोटी कोवाः मेनते ची लगड पे पसींद यडा? अपे निहों मेनते मेने पे पपाड़ी तना अवुर मेने पे समझोः तना किदो? अपे राः मन कठोर यना किदो? 18#मरकुस 4:12अपे मेडपे इदान रेहो ईञाः काम मेने पे ञेंलयड किदो, अवुर लुतूर पे इदान रेहो ईञाः टेबोः मेने पे अँजोम यडा? अवुर अपे मेने पे उहयर यडा किदो? 19इंञ पाँच हजार होड़कू लगड पाँच गोटंग रोटिंञ टोविज तेड रे, अपे बंचो तना रोटी टुटका तिमीन छनवाँ पेरेज केते पे रिमतेडा?” हेना वरी हेंकू हेंय थरे कू कहनी तेडा, “बारह छनवाँ।” 20“अवुर चार हजार होड़कू लगड सात गोटंग रोटी दोहो एना, हेना वरी बंचो तना टुटकत अपे तिमीन छनवाँ पेरेज केते पे रिमतेडा?” हेना वरी हेंकू कहनी तेडा, “सात छनवाँ।” 21हेना वरी ईसु हेंकू थरेय कहनी तेडा, “अपे निहों मेनते मेने पे समझोः तना किदो?”
बयेतसदा गाँव रे ईसु अंद्हाय चिकन तेडा
22हेना वरी हेंकू बयेतसदा गाँव रेकू मेजेना, अवुर होड़कू अंद्हा तनय मियाँहोड़ कू अगतेडा, अवुर हेंय छुवों लगड ईसु थरे कू अरजी एना। 23ईसु अंद्हा ती रे सबके ते गाँव वरी बहेर हनतेय अड़ी तेडिया, तहाँ मेडतू रेय बेजतेडा अवुर तीत तेय छुवों केडिय तेय होंबोर तेडिया, “अम कनाराम ञेंलयड किदो?” 24अंद्हा होड़ पिरेड केतेय कहनी तेडा, “इंञ होड़कुंञ ञेंल यडा; हेंकू इंञ काठ कोड़ो सेनयड घयतेंञ ञेंलयड कुआ।” 25तहाँ ईसु फेरेच तीत ते मेडतुय छुवों तेडा, तहाँ अंद्हा बढ़ियाँ तेय ञेंलतेडा, हेंय चिकन यनु, अवुर सींड़ चीज फरी फरी तेय ञेंलतेडा। 26ईसु हेंय नआँ घयते कहनी वडिय ते, ओड़ाः हनतेय कुलतेडिया, “नआँ गाँव रे अलोम सेनुऊँ।”
पतरस ईसु “मसीहा” मेनतेय अपनो विया
(मत्ती 16:13-20; लूका 9:18-21)
27ईसु अवुर चेला कुतय कयसेरिया फिलिप्पी राः गाँव रेकू सेनेना। होर ते अनेज रेनकू चेला कुतायिय होंबोर तेडा, “होड़कू इंञ ची मेनते कू कहनी वंञ तना?” 28#मरकुस 6:14,15; लूका 9:7,8हेना वरी हेंकू जबाब तेडा, “बतिस्मा ए-माय एहुन्ना; लेकिन अवुराःकू एलियाह, अवुर कोई कोई भविस्यवक्ताकू मेंडे कनय मियाँहोड़ हवे मेनते कू कहनियाँ।” 29#एहुन्ना 6:68,69तहाँ हेंय हेंकुय होंबोर तेडा, “लेकिन अपे ईञाः बारे ते ची मेनते पे कहनी यडा?” हेना वरी पतरस जबाब तेडा, “अम मसीहा हवे।” 30हेना वरी हेंय हेंकू चेतवन केडकू तेय कहनी तेडा, “ईञाः बिसेय ते नआँ टेबोः कनय थरे अलोपे कहनियूँ।”
ईसु अनेज राः मिरतू राः बारे तेय भविस्यवाड़ी तेडा
(मत्ती 16:21-28; लूका 9:22-27)
31हेना वरी हेंय चेडकू दोहो एनु कि इंञ होड़ होपोन अखीर ते दुख रिम लगड जरूरी इदाना, अवुर अघुवाकू अवुर बड बडे आजककू अवुर एहूदी नियम चेचेडकू दोछो केंञ तेकू ञेंड गोजेञाँ, तहाँ तीसरा दिन रेंञ जियो रिमुआँ। 32हेंय नआँ टेबोः राफ साफ तेय कहनी तेडा। हेन तोलोग पतरस एटाः हँडे इदी केडिय तेय दब-दिबो तेडिया, 33लेकिन ईसु मिड़ाः मेजकेनते अनेज रेनकू चेलाकू हनिय तेरेज तेडा, अवुर दबेट केडिय तेपतरासिय कहनी वडू, “ए सयतान इंञ मड़ंग वरिम अड़ीऊ, कहेकि अम भगवान राः टेबोः रे मेने, लेकिन होड़कू राः टेबोः रे मन मी लगो यडा।”
ईसु तयोम ते से-ने राः मतलोब
(मत्ती 16:24-28; लूका 9:23-27)
34 #
मत्ती 10:38; लूका 14:27 हेंय भीड़ रेनकू अवुर चेलाकू, बँदेत रे राःकेड कुतेय कहनी वडकू, “कनय हो इंञ तयोम ते सेन गिसानिय रेदो, हेंय अनेज राः इक्छा बगी वते अनेज राः कुरूस रिमकेते इंञ तयोम तेय से-ने। 35#मत्ती 10:39; लूका 17:33; एहुन्ना 12:25कहेकि कनय होड़ अनेज राः जीविय बंचो रेदो, हेंय हेनाय गँवों वेआ। अवुर कनय इंञ लगड अवुर ईञाः बढ़ियाँः खभेर लगड जीवितिय गँवों रेदो, हेंय अनन्त जीवानिय ञाँमा। 36अगर कनय होड़ सींड़ चीज नआँ धरती रेय ञाँमे। अवुर अनेज राः जीवितिय गँवों रेदो ची फयदाय ञाँमा। 37होड़ अनेज जीव राः बदला ते चीय एम सकोआ? 38जे होड़ नेकू छिनाड़ी अवुर पापी पिढ़िकू राः बीच रे इंञ सुदा अवुर ईञाः टेबोईय गेव्वा रेदो, होड़ होपोन हो जब पवितर सरगदूतकू सुदा अपुंञ राः महिमा राः साथ तेंञ मेजुः रेदो, हेंय सुदांञ गेवुआ।”
Արդեն Ընտրված.
मरकुस 8: ksz
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2022, Wycliffe India. All rights reserved.