मरकुस 7
7
रीति रिवाज मानोआँ राः सवाल
(मत्ती 15:1-9)
1तहाँ एरुसलेम वरी मेजतनकू फरीसिकू अवुर कुछ एहूदी नियम चेचेडकू ईसु थरे कू जवर एना। 2अवुर ईसु रेनकू चेला कुतय बेगर अंचा ते रोटी कू जोमुः तोलोग कू ञेंल ञँमतेड कुआ। 3कहेकि फरीसिकू अवुर सींड़ एहूदिकू अपन दादी पुरखाकू राः रीति रिवाज कू मनोआँ, अवुर हेंकू बेगर अंचा ते मेने कू जोमुआँ। 4अवुर बाजार वरी मेजकोःते बेगर उम ते मेने कू जोमुआँ, अवुर नेकू नेन घयते अखीर रीति रिवाज तकू कू मनोआँ, नेकू रेनकू दादी पुरखाकू राः रीति रिवाज राः अनुसार ते डुबहा लोटा, अवुर तँबा राः भड़ाँ बरतन कू मँजोआ। 5हेनाते हेंकू फरीसिकू अवुर एहूदी नियम चेचेडकू ईसु कू होंबोर तेडा, “अमाःकू चेलाकू अपन दादी पुरखाकू राः रीति रिवाज ची लगड मेने कू मनो यडा? अवुर बेगर अंचा ते रोटी होकू जोम यडा?” 6तहाँ ईसु हेंकुय कहनी वडा, “एसायाह अपे घियाःकू कपटिकू राः बारे ते बनाढ़ियाँ तेय लाय केडा; भगवान राः कागद रे लिखल इदाना ‘नेकू अहत कुते दोकू आदर इजेतिञाँ, लेकिन नेकू राः मन इंञ वरी एटाः रे दोहोना। 7नेकू इंञ बे-मतलोब तेकू आराधनाञाँ, कहेकि मनवाँकू बनो केडा नियम भगवान राः नियम ने-ना हवे मेनते कू चेडकुआ।’ 8कहेकि अपे भगवान एमकेडा, हेना नियम बगी वते होड़कू राः रीति रिवाज पे मनोआँ।” 9तहाँ हेंकुय कहनी वडा, “अपे अपन रीति रिवाज मनो लगड तीमिन सेथिया ते भगवान एमकेडा, हेना नियम पे कटो गोत्तेआ! 10कहेकि मूसा ‘अपन इंग आप राः सिमाम रखो’, अवुर ‘जे इंगत चहे अपत राः इजेतिय उडुंगू, हेंय जरूर कू ञेंनेड गोज गोत्तेयू’ मेनतेय कहनी केडा। 11अपे इंग आप कू सेवा लगड ओवा कुआ, हेना भगवान पे ओवा मेनते पे चेडकू रेदो, 12अपे हेंकू इंग आप तकुकू सेसेवा मेने पे इका वकू तना। 13नेन याःते अपे बनो केडा रीति रिवाज राः अनुसार ते भगवान राः टेबोःपे टोविज गोत्तेआ अवुर अपे नेन याःते केय्यो गोटंग अवरोह काम पे कामा।”
होड़कू असुद्ध हेना टेबोः
(मत्ती 15:10-20)
14तहाँ ईसु होड़कू राःकेड कुते फे-रिय कहनी वडकू, “अपे सींड़कू ईञाः टेबोः अँजोमे पे अवुर समझोः पे। 15बहेर वरी होड़ भीतर रे बोलो कोःते असुधिया, हेना कनारा चीज कोवाआ; लेकिन जे चीज होड़ भीतर वरी उडूंगुआ, हेना होड़ असुधिया। 16[अँजोम गिसन यड पे रेदो अँजोमे पे।]” 17जब होड़कू बगी केते ओड़ाईय सेनेना, हेना वरी चेला कुतय नआँ उदाहरड़ राः मतलोब कू होंबोर तेडिया। 18तहाँय कहनी वडकू, “अपे हो मेने पे जेर यडा किदो? अवुर नआँ हो मेने पे पपाड़ी तना किदो जे चीज बहेर वरी होड़ भीतर रे बो-ला, हेना होड़ एरो असुद्ध तेडिया? 19कहेकि हेना मन रे एरो सेनेना, लेकिन हेना लाज रे सेनुआँ, अवुरिय बीर उडूंग गोत्तेआ?” नेन याःते सींड़ जो-मेः चीज जोम सकोआ मेनतेय कहनी तेडा। 20तहाँ फे-रिय कहनी तेडा, “होड़ अहा वरी उडूंगुआ, हे-ना होड़ असुद्ध गोत्तेया। 21कहेकि होड़ राः मन वरी बुरा बुराः सोच, लंद फाँदुऊ, चोचोरा, ञेंड गोगोज, परसतिरीगमन#7:21 कोड़िकू संग कोड़िकू गितीज ओड़ेंग हेना कू कहनी वआ 22लोभ, अवुर बुरा काम, छल, लुच्चा लफंगा, गलत नँजेर, निन्दा, फुलय, अवुर मुरूखता उडूंगुआ। 23नेंदोरा बुरा टेबोः सींड़ मन वरी उडूंगुआ, अवुर होड़ ने-ना असुद्ध गोत्तेया।”
कनान रेनिय कोड़ीहोन राः बिसवास
(मत्ती 15:21-28)
24फेर ईसु हेना वरी रिमकेन तेय चलो एना। सूर अवुर सयदा सिवन रेय मेजेना; अवुर कनय ओड़ाः रेय सेनेना, हेंय चहोः दोहो एनु कि कनय अलोकू पपाड़िऊ, लेकिन हेंय मेनेय उकू गना। 25अवुर हेना रे मियाँहोड़ कोड़ीहोन रेनिय, होडीञाँय कोड़ी होपोन तू थरे भूत लगो तना, तहाँ ईसु राः खभेर अँजोम केतेय सेनेना, अवुर ईसु कटा रेय लोजोर एना। 26नेय कोड़ीहोन उनानी भासा टेबोअय दोहो एना, नेय सरूफिनीकी देस रेय जनम एना। नेय ईसु थरेय अरजी एना कि इंञ कोड़ी होपोन वरी भूत मी उडूंग गोत्ते। 27हेना वरी ईसु कहनी वडियू, “पहील ते चोंडिज कुम एनेम जोम बिवा, कहेकि चोंडिजकू राः रोटी कुतूकू मड़ंग रे अटाड़ेआ जयेज कोवाआ।” 28तहाँ हेंय कोड़ीहोन जबाब वडियू, “नआँ सही हवे परभु; लेकिन चोंडिजकू राः जुठा कठा टिबुल वरी लोजोर कोआ, हेना कुतूकू होकू जड़ाः जो-मेआँ।” 29हेना वरी ईसु कहनी वडियू, “अम कहनी तेड राः चलते ते जू चलोःमी; कोड़ी होपोन मी वरी भूत उडूंग यनायू।” 30अवुर हेंय ओड़ाः तुय सेनेन दोय ञेंलतेडिया कि कोड़ी चोंडिज परकोम रेय पड़ो तना, अवुर भूत उडूंग यन दोहो एनु।
ईसु गूँगा तनायिय चिकन तेडा
31फेर ईसु सूर अवुर सयदा राः सिवन ते दिकापुलिस खँडा केनते गलील जिला राः समुन्धर बँदेरिय तयाः तेडा। 32हेना रे होड़कू मियाँहोड़ भेयरा अवुर गूँगा दोहो एना, हेनी छुवों केयतेय चिकानिय लगड ईसु थरे इदी केडिय तेकू अरजी एना। 33तहाँ हेंय होड़कू वरी एटाः हँडे इदी केडिय ते अंगरित ते लुतूर तुरेय गोडिज तेडा, अवुर बेजकेड ते अलंग तुय छुवों तेडा; 34अवुर सरग हनते तको केते साँस वते हेंय थरेय कहनी तेडा, “इप्फत्तह!” मतलोब “जीजुऊ!” 35हेंय लुतूर जीजयानू, अवुर गूँगा तन वरी बढ़ियाँ तेय टेबोऊ। 36तहाँ ईसु कनय थरे अलो लाये लगाडिय मँदा तेडिया; लेकिन जेतनाय मँदा तेडिया, हेंय अतकोह ते अवुरिय लाये दोहो एनु। 37तहाँ होड़कू अखीर ते अहचरज केनतेकू कहनी तेडा, “जो कुछीय करो तेडा हेना सींड़ बढ़ियाँय करो केडा, भेयराकू अअँजोम लगड अवुर गूँगाकू टेबोः हेना सक्तिय ओवा कुआ।”
Արդեն Ընտրված.
मरकुस 7: ksz
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2022, Wycliffe India. All rights reserved.