Joel 1
1
Bich'soa ka' blleyi akba dan warap aken
1Di'll kin gull Xanllon Joelen, be'nnen guk xhi'nn Petuel.
2Le wzenayian be'nn gur ake',
na yoyte re' sjalla latj yellri'on.
¿Ba brere ke dani batna cha'?
¿Brere xustawre ka' ke dani batna cha'?.
3Le waden raw xhi'nn re' ka',
na le akbe wade akben raw xhi'nn akbe ka',
na ka' wade akben raw xhi'nn xhasoa akbe ka'.
4Doxhenten bdaw bich'soa ka',
na da bakoan balba, bra bayobre na basdu akteban.
5Re' be'nn wezu, le waban.
Le koell be'nn wezu ake', re' be'nn llaj zu ke uva,
le rente xis uva xhixen wagan.
6Le bich'soa ka' sjanak akba ke be'nn waka ya', be'nn nak be'nn zan, na be'nn war ake',
lay akban naken ke lay bell yixe, na luchj akban naken ke luchj bell yix nore,
ba biaz akba latj yellriw kian.
7Ba blleyi akba gan sjanazto yay uvas ke to ka',
ba bchochj blan akba yay higos ke to ka',
ba bchox akba dokenaken
xte bakoan akteba xhiaye ka' llichtatze.
8Ke to nor be'nn la wchoynate llbelle'e na zoeꞌ da zdeb
ke nake ba gut be'nnen si le'en,
9kan llun bxus ka', llbell ake' ke nake
billbi nbaz, na zu ke uva sjade,
le nullno llra' lljakoan dan lljeraw ake' Xanllon.
10Llerllibze ba sjanak yu lix ka',
na yechze ba nak raw yellri'on.
Le trigon ba blleyin,
gan sjalla yay uvas ka' ba byiech aken,
na lay olivos ka' ba nkoad aken.
11Re' llunle llin lixe, na gan sjalla yay uvas ka',
le koell yiach,
le ba blleyi yel guz gunen',
trigo, na cebada dan warap aken leska ba blleyin.
12Ba byiech yay uvas ka',
na lekse ka' ba blleyi yay higos ka'.
Leskakse ba biech
zaa yay ka', yay palm ka', yay mansan ka',
na yoyte yay ka' sjalla lixen.
Na konen ka' ba zeyaj yel llawe ke be'nn nach ka'.
13Re', bxus, llunle xchin Dios, raw bkuyen
legak rall zech, le koell yiach,
le lo yoda'o ke Dios keren
billbi nbaz, na zu ke uva sjade dan llazarall aken.
14Le chixjwe be'nn yell ka', na legun was,
lewatup lo yoda'o ke Xanllo Diozen
be'nn gur ka', na yoyte be'nn ka' sjalla latj yellri'on,
na lewalwill Xanllon.
15Niachraz gak, kenake baze gawchochze lla ke Xanllon.
Lla nxhollen, na nsan da wlleyi,
dan wsel Xanllo Diozen nap doxhente yelwaken.
16Llwiachichtello ba baka ake' dan llejllawllon,
na billbi de yel llawe lo yoda'o ke Dios kellon.
17Ba bayu'll nbaz ka' sjalla lo xhork ka',
ba blleyi trigon
na lo daxhoa ka' ban ndach aken.
18Le llusia bayix ka'.
Na bell ka' da'do akba llayirj akba yixe,
na xhir ka' ba llasat akba.
19Dios kia, konen rwe' llayirjto yel gukren,
le yin' ba bzeyen
yix ka' sjade raw yu bill dachen, na yay ka' sjalla lixen.
20Na rente bayix ka' bi nma'xhen llayirj akba rwe',
le babayech lo yeo ka',
na yin' ba bzeyen yix ka'.
Արդեն Ընտրված.
Joel 1: ZPUPAT
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք