LUKAS 19
19
Ruma Isa lab̄o la Zakheus
1Wakatu Ruma Isa rongga d̄i Yerikho, Sia lampa rero ntuwuna d̄i kota ede. 2D̄i kota ede waraku sab̄ua dou mana'ekaina mataki tagi bea ma ntau ra wara. Ngarana la Zakheus. 3Sia nane'eku eda cou Ruma Isa ede, pala b̄ara mboto poda dou ro ndai sia naporo, ndad̄i sia wati loana raka eda Ruma Isa. 4Ndad̄i, sia rai uluna, edempara ne'ena ese fu'u haju, loakud̄u edana Ruma Isa ma samporo wali d̄imalampa sai tahid̄i ede. 5Wakatu Ruma Isa rakara d̄i fu'u haju ede, Sia d̄onga ca'esena edempara nggahina, ”Zakheus, londo rocipu! B̄ara Nahu d̄imalao aka umamu ainaina ake.”
6Zakheus londo rocina ro weha aona Ruma Isa kai neo adena. 7Sara'ana dou ma edana lampa rawi ede tampu'ura bada red̄e. Nggahi siad̄oho, ”Ci! Sia lao ronggana d̄i uma dou ma dab̄ae!”
8Edempara d̄i umana, la Zakheus kid̄ina ro nggahina d̄i Ruma Isa, ”Ruma, sama na'ena rad̄i sara'a ntau ra wara mada d̄i mbei sadeka b̄a mada dou mancoki mori; ro d̄i cou-cou rau ratipu b̄a mada, mada d̄imacola mbalina d̄i sia upa kali lipa!”
9Edempara nggahi Ruma Isa, ”D̄i ainaina ake nggomi ro samenana iwa ra wekimu d̄ikasalama b̄a Ruma Hatalla ro d̄imbei mori ma b̄ou, b̄ara nggomi rau londo ra mai la Ibrahim. 10#Mat. 18:11 Ana Manusia maina d̄imangupa ro d̄imakasalama dou ma santuda.”
Conto ra ibara piti masa
(Mat. 25:14-30)
11 #
Mat. 25:14-30
Wunga mbuipu kade'e b̄a dou nuntu ra nggahi Ruma Isa, Sia caritana sab̄ua conto ra ibara. B̄ara, wakatu ede Sia wara d̄eni lab̄o Yerusalem, ro kacai b̄a dou b̄a one Karaja'an Allah d̄i katada roci d̄i dunia. 12Nggahi Ruma Isa, ”Waraku sab̄ua dou londo ra mai sangaji ma lao aka dana ra rasa mad̄o'o d̄i ne'e kasaha ndad̄i sangaji, edempara dula mbalina. 13Sawatipu b̄a laona, sia ouna sampuru dou adana, edempara mbeina d̄i siad̄oho hangga sab̄ua piti masa. ’Amba ra lajokaipu piti ake ade laokai nahu,’ nggahina d̄i siad̄oho. 14Pala dou-dou mawara d̄i dana ra rasana ede nafa'a adena d̄i sia. Ndad̄i, sawa'u b̄a lao sia, siad̄oho nggaduna dou d̄imanggahi, ’Madad̄oho wati ca'umu dou ake d̄imandad̄i sangaji madad̄oho.’
15Pala dou londo ra mai sangaji ede kasaha ndad̄i sangaji, edempara dula mbalina d̄i dana ra rasana. Ou roci b̄a sia adad̄ohona mai satando d̄i sia, b̄a ne'ekaina b̄ade laba rawa'u raka b̄a siad̄oho. 16Adana masarambakaina mai ro nggahina, ’Ruma, sab̄ua piti masa rambei b̄a Ita ede, wa'ura kandad̄i b̄a mada sampuru.’ 17’Taho,’ nggahi rumana ede, ’nggomi ada ma taho! B̄ara ade lampa rawi-lampa rawi ma to'i nggomi loa d̄i imbikai, nahu d̄imahantana nggomi dou d̄imakuasakaina d̄i sampuru kota.’ 18Adana makad̄uakaina mai ro nggahina, ’Ruma, sab̄ua piti masa rambei b̄a Ita ede, wa'ura kandad̄i b̄a mada lima mbua.’ 19D̄i adana ede nggahi sangaji ede, ’Nggomi d̄imandad̄i dou d̄imakuasakai d̄i lima kota.’ 20Adana ma kalai mai ro nggahina, ’Ruma, ake piti Ita; mada rawi'iku d̄i ade pasapu. 21Mada kadahu d̄i Ita, b̄ara Ita dou ma toku. Ita mawehaku au ralaina ntau Ita, ro Ita mawehaku hasi d̄i hid̄i ma wati ranggud̄a ra congge b̄a Ita.’ 22Nggahi sangaji ede d̄i sia, ’Nggomi ada ma dab̄ae! Ncihi ncao b̄une ranggahi ndaimu nahu d̄imahukumna nggomi. Nggomi mab̄adeku nahu dou ma toku: nahu wehaku au ralaina ntauku ro wehaku hasi d̄i hid̄i ma wati ranggud̄a ra congge b̄a nahu. 23Nggara ndedesi b̄ab̄auku nggomi wati kalu'ukaimu piti ede d̄i ade bank loakud̄u wakatu mai mbalisi nahu, nahu loa tarima piti ede lab̄o b̄ungana?’ 24Edempara nggahi sangaji ede d̄i dou-dou ma kid̄i ta ede, ’Wehapu piti ede d̄i sia ro mbeipu d̄i ada ma ntau sampuru mbua piti masa ede.’ 25Pala nggahi dou-dou ede, ’Ruma, sia wa'ura ntau sampuru.’ 26#Mat. 13:12, Mrk. 4:25, Luk. 8:18 Cambe b̄a sangaji ede, ’Kawarapu: dou ma wa'ura ntau, d̄i sia d̄imbei ncewi mboto wali. Pala dou ma wati wara ntau au-au, au ma wara d̄i sia d̄iweha rau. 27Ro ake mai wa'a ca'arapu musu-musu nahu ede ma wati ne'e nahu d̄imandad̄i sangajina. Hade sara'apu siad̄oho d̄i tando nahu!’ ”
Ruma Isa lu'u d̄i Yerusalem kai na'e ra ntoru
(Mat. 21:1-11, Mrk. 11:1-11, Yah. 12:12-19)
28Sawa'u b̄a nggori nggahi sara'ana ede Sia lampa ulu d̄i tando siad̄oho lao aka Yerusalem. 29Wakatu ne'era d̄eni lab̄o Betfage ro Betania d̄i Doro to'i Zaitun, Sia kauna d̄ua dou anamori-Na lao ulu. 30”Laopu aka kampo d̄i tando ede,” nggahi Ruma Isa d̄i siad̄oho, ”nggomid̄oho malu'usi ta aka, nggomid̄oho ma'edaku sab̄ua ana keledai rad̄iki. Keledai ede watipu parana nente b̄a dou. Horipu keledai ede ro wa'a ca'arapu. 31Nggara nasod̄isi b̄a dou d̄i nggomid̄oho, ’B̄ab̄auku nggomid̄oho horikaimu keledai ede?’ nggahipu, ’Ruma maparaluna.’ ”
32D̄ua dou anamori Ruma Isa ede laona, ro rakana sara'ana b̄une ranggahi-Na. 33Wunga siad̄oho horina ana keledai ede, dou mantauna manggahi d̄i siad̄oho, ”B̄ab̄auku nggomid̄oho horikaimu keledai ede?”
34Cambe b̄a siad̄oho, ”Ruma maparaluna.” 35Edempara siad̄oho wa'ana ana keledai ede d̄i Ruma Isa. Edempara siad̄oho tohona jumba ese wawo kontu keledai ede ro bantuna Ruma Isa ne'e ese kontu keledai. 36Wunga ade lampakai Sia nentena keledai ede, dou-dou mawira mena jumba siad̄oho d̄i woha ncai.
37Wakatu Ruma Isa ne'empara rongga d̄i Yerusalem, d̄i ncai ma salondo d̄i Doro to'i Zaitun, sara'ana dou-dou mab̄atu-Na ma mboto ede tampu'ura roi ra wadina Ruma Hatalla ro rentana tarima kasi d̄i Sia b̄ara sara'a mab̄isa ra guna rawa'u eda mada b̄a ndai siad̄oho. 38#Mzm. 118:26 Nggahi mena siad̄oho, ”Taho ra ntai Sangaji ma mai kai ngara Ruma! Taho ra ntai d̄i saroga, ro d̄ese ra ntasa d̄i ru'u Ruma Hatalla!”
39Pila-pila dou Farisi d̄i ade weki dou mamboto ede manggahi d̄i Ruma Isa, ”Pa Guru, takau to'ipu dou-dou mab̄atu Ita midi.”
40Cambe b̄a Ruma Isa, ”Imbipu! Nggara namidisi siad̄oho, wadu-wadu ake d̄imakanggica.”
Ruma Isa nangi weana Yerusalem
41Wakatu Ruma Isa nanaha d̄eni lab̄o Yerusalem, ro edana kota ede, Sia nangi weana. 42Nggahi-Na, ”Kasi ade-Ku, nawancuku taho podana nggara ainaina ake nggomi mab̄adesi auku d̄imakamaina damekai! Pala ake nggomi wati loamu eda sia. 43Nggomi d̄ima'iu sab̄ua jamana, tab̄era musumu mandawi d̄i kahampakai d̄ikompe ra peimu; siad̄oho d̄imahekomu ro mapakasamu d̄i saniki padona. 44Siad̄oho d̄imakalelina nggomi masama-sama lab̄o ela ra doumu; ro wati kone sab̄ua wadu rau d̄i wi'i b̄a siad̄oho masadundu weki d̄i hid̄ina, b̄ara nggomi wati tio kab̄aemu wakatu aipu Ruma Hatalla mai d̄imakasalama nggomi!”
Ruma Isa lu'una d̄i Bait Allah
(Mat. 21:12-17, Mrk. 11:15-19, Yah. 2:13-22)
45Ruma Isa lu'una d̄i Bait Allah ro tampu'ura b̄aka kalosana dou-dou malanda ra lajo ta ede. 46#Yes. 56:7, Yer. 7:11 ”D̄i ade Alkitab,” nggahi-Na d̄i siad̄oho, ”ratunti ndake: Nggahi Ruma Hatalla, ’Uma-Ku d̄imandad̄i uma hid̄i do'akai.’ Pala nggomid̄oho kadad̄ikaimu sob̄u parampo!”
47 #
Luk. 21:37
Saniki ainaina Ruma Isa ngoa ra tei-Na d̄i ade Bait Allah. Dou-dou mana'ekai imam, ro guru-guru agama, ro dou-dou mana'ekaina Yahudi nane'eku hade Sia, 48pala wati rakana eda ncai d̄i ne'ena kalampa lampa rawi ede, b̄ara sara'ana dou maringa ntuwu d̄i Sia, ro nacaru adena ringa nggahi ra eli Sia.
Արդեն Ընտրված.
LUKAS 19: LAIBHP
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք