1 Mose 1
1
(Kwe̱ Lal. 104.)
1Šišidšē mli le̱ Nyoṅmo̱ bo̱ ṅwei ke̱ šikpoṅ. Bo̱f. 17,24. Kpods. 4,11. Heb. 11,3. Ioh. 1,1-3.
2Ni šikpoṅ le̱ ye̱ ole̱ṅle̱ ni efe flóṅṅ, ni duṅ ha bu kwo̱ṅkwo̱ṅ le̱ hĩe; ni Nyoṅmo̱ Mumo̱ bu nui le̱ ahĩe.
3Ni Nyoṅmo̱ kē̱: La aba! ni la ba. Lal. 33,9. 2 Kor. 4,6.
4Ni Nyoṅmo̱ na la lé̱ ake̱ ehĩ. Ni Nyoṅmo̱ gbla la le̱ ke̱ duṅ le̱ mli,
5Ni Nyoṅmo̱ tšé̱ la le̱ ſane, ni duṅ le̱ etšé̱le̱ nyōṅ. Ni dše na ni dše tše̱re, ni efe kleṅkleṅ gbĩ le̱.
6Ni Nyoṅmo̱ kē̱: Atatu aba nui le̱ ateṅ, ní egbla nui le̱ ke̱ nui le̱ amli.
7Ni Nyoṅmo̱ fe atatu le̱, ni egbla nui ni ye̱ atatu le̱ šiši le̱ ke̱ nui ni yo̱ atatu le̱ yiteṅ le̱ mli. Ni efe nakai. Lal. 19,2.
8Ni Nyoṅmo̱ tšé̱ atatu le̱ ṅwei. Ni dše na ni dše tše̱re, ni efe gbĩ ni dši gbĩ enyo̱ le̱.
9Ni Nyoṅmo̱ kē̱: Nui ni yo̱ ṅwei šiši le̱ abua ame̱he nā ye̱ he kome, ni ana šikpoṅ gbĩṅ le̱! Ni efe nakai. 2 Pet. 3,3. Hiob 38,8-11.
10Ni Nyoṅmo̱ tšé̱ heni egbĩ le̱ šikpoṅ, ni nui le̱ anābuamo̱ le̱ etšé̱le̱ ṅšo̱. Ni Nyoṅmo̱ na ake̱ ehĩ.
11Ni Nyoṅmo̱ kē̱: Šikpoṅ le̱ akwẽ dſe̱i, bāi ni woo̱ wui ke̱ tšei ni woo̱ yibii ye̱ eheno̱, ní ewui le̱ yo̱ emli, ye̱ šikpoṅ le̱ no̱! Ni efe nakai.
12Ni šikpoṅ le̱ kwẽ dſe̱i, bāi ni woo̱ wui ye̱ eheno̱, ke̱ tšei ní woo̱ yibii ní ewui le̱ yo̱ emli ye̱ eheno̱. Ni Nyoṅmo̱ na ake̱ ehī.
13Ni dše na ni dše tše̱re, ni efe gbĩ ni dši gbĩ etẽ le̱.
14Ni Nyoṅmo̱ kē̱: Kanei aba ṅwei atatu le̱ mli, koni ame̱gbla ſane ke̱ nyōṅ mli, ni ame̱tšō okadii ke̱ bei ke̱ gbĩĩ ke̱ afii; Lal. 74,16.
15ni ame̱tšṍmo̱ kanei ye̱ ṅwei atatu le̱ mli, ní ame̱tšo ye̱ šikpoṅ le̱ no̱. Ni efe nakai.
16Ni Nyoṅmo̱ fe kanei wudši enyo̱ le̱: kane wulu le̱ ní eye ſane no̱, ke̱ kane bibiō le̱ ni eye nyōṅ no̱, ke̱ ṅulamii le̱ hũ. Lal. 136,7-9.
17Ni Nyoṅmo̱ ṅõame̱ eto ṅwei atatu le̱ mli, koni ame̱tšo ye̱ šikpoṅ le̱ no̱,
18ni ame̱ye ſane ke̱ nyõṅ ne̱, ni ame̱gbla la le̱ ke̱ duṅ le̱ mli. Ni Nyoṅmo̱ na ake̱ ehĩ.
19Ni dše na ni dše tše̱re, ni efe gbĩ ni dši gbĩ edſe̱ le̱.
20Ni Nyoṅmo̱ kē̱: Nui le̱ awo lōi ni hĩe kāmo̱ nyẽṅẽnyẽṅẽ, ni lofõdši afliki ye̱ šikpoṅ le̱ no̱ ye̱ ṅwei atatu le̱ hĩe.
21Ni Nyoṅmo̱ bo̱ ṅšo̱ṅloi wudši le̱ ke̱ bo̱nii fẽ ni hĩe kāmo̱ ní tšio̱ ame̱he ni nui le̱ wo nyēṅẽnyẽṅē ye̱ ame̱heno̱ le̱, ke̱ lofõdši fẽ ni yo̱ fidši ye̱ ame̱heno̱. Ni Nyoṅmo̱ na ake̱ ehĩ.
22Ni Nyoṅmo̱ dšō̱ame̱, ni ekē̱: Nyefo̱a ni nyeyi afáa ni nyeyimo̱a ṅšo̱iaṅ nui le̱ amli, ni lofõdši afá ye̱ šikpoṅ le̱ no̱!
23Ni dše na ni dše tše̱re, ni efe gbĩ ni dši gbī enumo̱ le̱.
24Ni Nyoṅmo̱ kē̱: Šikpoṅ le̱ awo bo̱-nii ni bie kãmo̱ ye̱ ame̱heno̱: šĩa koloi ke̱ nii ní wamoo̱ ke̱ šikpoṅ koloi ye̱ ame̱heno̱. Ni efe nakai.
25Ni Nyoṅmo̱ fe šikpoṅ koloi ye̱ ame̱heno̱, ke̱ šĩa koloi ye ame̱heno̱, ke̱ nii fẽ ní wamoo̱ ye̱ šikpoṅ ye̱ ame̱heno̱. Ni Nyoṅmo̱ na ake̱ ehĩ.
26Ni Nyoṅmo̱ kē̱: Nyehãa wo̱fea gbomo ye̱ wo̱subãṅ no̱, tamo̱ wo̱heno̱, ní ame̱ye ṅšo̱ṅloi ke̱ ṅwei loſõdši ke̱ šĩa koloi ke̱ šikpoṅ le̱ fẽ ke̱ wāmo̱nibii fẽ ni wamoo̱ ye̱ šikpoṅ le̱ no̱ le̱ no̱. Lal. 8,6-9.
27Ni *Nyoṅmo̱ bo̱ gbomo ye̱ esubãṅ le̱ no̱, Nyoṅmo̱ subãṅ le̱ no̱ ebo̱le̱ ye̱; †nū ke̱ yō ebo̱ame̱. *Ef. 4,24. †1 Mose 2,7. 22. Mat. 19,4.
28Ni Nyoṅmo̱ dšō̱ame̱, ni Nyoṅmo̱ kē̱ame̱ ake̱: Nyefo̱a ni nyeyi afáa ni nyeyia šikpoṅ le̱ no̱ obõ, ni nyenānāa no̱, ni nyeyea ṅšo̱ṅloi ke̱ ṅwei lofõdši ke̱ kolo-fẽ-kolo ni tšio̱ ehe ye̱ šikpoṅ le̱ no̱ le̱ no̱. Bo̱f. 17,26.
29Ni Nyoṅmo̱ kē̱: Na, miṅõ kwẽnii fẽ ni woo̱ dũmo̱wui ni yo̱ šikpoṅ lē̱ fẽ no̱, kē̱ tšei fẽ ni woo̱ yibii ni wui yo̱ mli mihãnye ni nyeye;
30ni koloi fẽ ni yo̱ šikpoṅ lē̱ no̱ ke̱ ṅwei lofõdši fē ke̱ nibii ſẽ ni wamoo̱ ye̱ šikpoṅ le̱ no̱, ni wala susuma yo̱ ame̱mli le̱, aṅõ dſe̱fo̱ fẽ ahãame̱ ni ame̱ye. Ni efe nakai.
31Ni Nyoṅmo̱ kwe̱ nibii fẽ ni efe le̱, ni na, ehĩ naakpa. Ni dše na ni dše tše̱re, ni efe gbĩ ni dši gbĩ ekpa le̱.
Արդեն Ընտրված.
1 Mose 1: GBV96
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
The Bible in Ga © Bible Society of Ghana, 1896, 1992.