Luka 9
9
Imbombo sya batumigwa kalongo na babili
(Mat. 10,5-15; Mar. 6,7-13; Luk. 10,1-12)
1Popapo alinkubabilikila bala kalongo na babili, alinkubapa amaka nubulambiki pamwanya pambepo inyali syosa, naga
2kusibumbulukisya indamwa. Alinkubatuma kukubufumusya
3ubutwa bwa Kyala, nukubagangula ababine; alinkubabula alinkuti: Mungakolelaga nafimo munjila; yomma ningili, yomma ninyambi, fyomma mfindu, syomma nindalama, kangi
4nayumo angayaga nimiselekesye mibili. Nnyumba yosa iyi mukwakwingilangamo, mukayege mumo kangi mukasokelege
5mumo. Bosa aba linga batikubambilila, bo mukusokamo nkaya kala, mukakungʼundege ulufumbi lwa kumalundi ginu,
6luyege lo lusisimikisyo kumyabo. Popapo balinkubuka, balinkupulungania ntwaya, balinkusifumusya inongwa inunu nukubumbulusya mosa itolo.
Ukwalangana kwa Herodi
(Mat. 14,1-2; Mar. 6,14-16)
7Popapo Herodi untwa bo apilike syosa isi syabombigwe, alinkwalangana papo bamo batigi: Yo Yohani asyukile
8mbafwe; abangi batigi: Yo Elia asetwike; abangi kangi
9batigi: Yo yumo mbakunguluka aba iyolo asyukile. Loli Herodi alinkuti: Yohani yo nalimbolile untu; lelo ywani uyu nikusipilika inongwa syake? Umwene alinkulonda ukumbona.
Ukuswiligwa kwa bandu baelifu bahano (5,000)
(Mat. 14,13-21; Mar. 6,30-44; Yoh. 6,1-13)
10Lelo bo bagomwike abatumigwa bala, balinkumpangila syosa isi babombile. Alinkubega, alinkwikwaba nukwakwiye-
11kela nabo nkaya aka batigi mo mu-Betsaida. Ifyene ifilundilo bo Amenye, filinkunkonga. Umwene alinkubambilila, alinkubabula isya butwa bwa Kyala; aba balondaga ukubumbulu-
12sigwa, alinkubabumbulusya. Bo ilisuba litembelile, popapo balinkwisa kumyake kalongo na babili bala, balinkumbula balinkuti: Kisumusye ikilundilo, babukege ntwaya twa mumbali na mmigunda, ukuti mo bakagonege kangi mo baka-
13fyagege nifyakulya; kabuno tuli ndukubo. Umwene alinkubabula alinkuti: Amubapepo yuyumwe ifyakulya. Abene balinkuti: Tukaya nafyo nafimo ukukinda ifisyesye fihano niswi ibili, pene apa linga twayaga kubulila bosa abandu
14bababa ifyakulya. Namanga baliti balipo abanyambala baelifu bahano (5,000). Umwene alinkubabula abafundigwa bake alinkuti: Amubatugasye abandu mfibugutila, kimo amalongo
15mahano (50). Abene balinkubomba bo mumo ababulile,
16balinkubatugasya bosa. Lelo popapo alinkwega ifisyesye fihano fila niswi ibili sila, alinkuketa kumwanya, alinkugwa ulupi, alinkufimenyania, alinkubapa abafundigwa bake ukuti
17bakitegelekesyege ikilundilo. Balinkulya, balinkwikuta bosa; tulinkusaligwa utumenya utu twasyele, Alinkwisula ifibo kalongo na fibili.
Peteri ikunjoba Yesu ukuya yo Kristi
(Mat. 16,13-19; Mar. 8,27-29; Yoh. 6,66-71)
18Lelo popapo bo ali pakwiputa mwene, abafundigwa balinkuya nagwe, alinkubalalusya alinkuti: Ifilundilo apa fiku-
19njoba une fikuti ne ani? Abene balinkumwamula balinkuti: Bamo bikuti gwe Yohani Umosi, abangi bikuti gwe Elia, abangi kangi bikuti gwe yumo mbakunguluka aba iyolo uyu
20asyukile. Umwene alinkubabula alinkuti: Umwe loli mukuti ne ani? Peteri alinkwamula alinkuti: Gwe Kristi gwa Kyala.
Yesu ikuyobela ngani isya bufwe nukusyuka kwake
(Mat. 16,20-21; Mar. 8,30-31)
21Popapo alinkubakanisya nukubalagila ukuti bangambulaga
22nayumo umundu sisisi, alinkuti: Fikuti Nnyamundu akubilwege fiyo, nukukanigwa nabakulumba nabaputi abakulumba nabamanyakalata, nukugogigwa; kangi bo gakindile amasiku matatu asyukege.
Isya kwikana
(Mat. 16,24-28; Mar. 8,34—9,1)
23Popapo alinkubabula bosa alinkuti: Gwesa uyu linga ikulonda ukwisa munyuma mmyangu, yo fikuti ikanege mwene, apimbege ikikohekano kyake bwila, angongege.
24Namanga uyu linga ikulonda ukubuponesya ubumi bwake, yo isakubutagaga, loli uyu linga ikubutagila ubumi bwake
25mmyangu, yo isakubuponesyaga. Kali po kyampaga fiki umundu linga akikabaga ikisu kyosa, bo itagile nukwipesya
26mwene? Buno uyu linga ikuya nisoni kumyangu na kumasyu gangu, yo uyu Nnyamundu isakuyaga nisoni kumyake, bo ikwisa mbukulumba bwake, nubwa Gwise, nubwa bandumi
27abikemo. Naloli nikubabula une nikuti, balipo bamo aba bimile papapa aba batisakubunogelesya ubufwe, ukufika apa bisakububonaga ubutwa bwa Kyala.
Yesu ikwanduka pakyamba
(Mat. 17,1-8; Mar. 9,2-8)
28Lelo panyuma pamasyu aga, bo gakindile amasiku lwele, alinkubega ba-Peteri na Yohani na Yakobu, alinkufyuka nabo
29nkyamba kukwiputa. Lelo bo ali pakwiputa, ukuboneka kwa kyeni kyake kulinkwanduka, nimyenda gyake gilmkuya swe
30itolo, gilinkubikuka. Keta, abandu babili balinkuyoba nagwe;
31bali bo ba-Mose na Elia, bo balinkubonekela mbusisya, balinkuyoba nagwe isya bufwe bwake, ubu ayaga pakubumalikisya
32mu-Yerusalemu. Umwene loli Peteri naba bali nagwe batoligwe nutulo; loli bo balembwike, balinkububona ubukulumba bwake, balinkubabona nabandu babili aba balyimile
33nagwe. Lelo bo bikulekanila nagwe, Peteri alinkumbula Yesu alinkuti: Malafyale, kununu uswe ukuyapo papapa, tuliyengaga ifitembe fitatu, kimo kiyege kyako, kimo kya
34Mose, nikingi kya Elia; — kisitakumanya isi ayobaga. Lelo bo ali pakuyoba sisisi, lilinkwisa ilibingu, lilinkubakupikila; abene ulutende lulinkubaga bo bikwingila mwibingu lilyo.
35Ilisyu lilinkufuma mwibingu lilinkuti: Uyu yo Mwanangu
36unsaligwa, yo mumpilikisyege yuyo. Lelo bo likindile ilisyu, balinkwaga Yesu ali mwene itolo. Abene balinkuya mye itolo, balinkusita nukumbula nayumo umundu mmasiku gago, muli isi basibwene.
Undumyana gwa mbepo inyali ikubumbulusigwa
(Mat. 17,14-18; Mar. 9,14-27)
37Lelo ulwa kilabo bo bikusuluka ukufuma nkyamba, ikilu-
38ndilo ikikulumba kilinkwaganila nagwe. Popapo umundu yumo alinkukolela ukufuma nkilundilo alinkuti: Mmanyisi, nikukusuma ukuti ungetele umwanangu, namanga yo mwa-
39nangu yumoywene ntiga; keta, imbepo yikunkola, po nakalinga itolo ikukuta, yikundusania ikusosya nuntotofula, yiti-
40kundekesya mbibi bo tasi yikampuyulania. Nabasumile
41abafundigwa bako ukuti bayisosye, loli batoligwe. Popapo Yesu alinkwamula alinkuti: Ilayu! Mwe ngulilo isitakwitika, iniongafu umwe, nguyaga nanumwe ukufika ndili bo ngali
42nguti lyambepa? Ntwale kuno umwanako. Lelo bo akali ikuntwala, popapo imbepo inyali yilinkungwisya pasi, yilinkunsilisya; umwene Yesu alinkuyikemela imbepo inyali, alinkumbumbulusya umwanike, popapo alinkungomokesya
43ugwise. Bosa balinkubuswiga ubukulumba bwa Kyala.
Yesu ikuyobela ngani ulwa bubili isya bufwe bwake
(Mat. 17,22-23; Mar. 9,30-32)
Lelo bosa bo bali pakusiswiga syosa isi abombile, umwene
44alinkubabula abafundigwa bake alinkuti: Amugabikege amasyu aga mumbulukutu syinu, namanga fikuti Nnyamundu
45abikigwege mmaboko ga bandu. Loli balinkusita nukulyagania ilisyu ili, ilyene lyafisigwe kumyabo ukuti bangalyaganiaga; balinkutila ukundalusya isya isyu lilili.
Isya kwiyisya
(Mat. 18,1-5; Mar. 9,33-37)
46Lulinkutupuka ulukani mmyabo, ulwa kuti ywani ikuyaga
47nkulumba muli babo. Umwene Yesu bo asimenye sisyo binogonaga mundumbula syabo, alinkumwega umwanike,
48alinkumbika pabupipi nagwe. Popapo alinkubabula alinkuti: Gwesa uyu ikumwambilila umwanike uyu mungamu yangu, yo ikunyambilila une; kangi gwesa uyu linga ikunyambilila une, yo ikumwambilila uyu andumile une; namanga unnandi kuli mwesa, yo yu nkulumba.
Ukundekela isi ali nasyo uyungi
(Mar. 9,38-40)
49Popapo Yohani alinkwamula alinkuti: Malafyale, twalimbwene yumo ikusokesya imbepo inyali mungamu yako, loli
50tulinkunkanisya, papo atikukongana nanuswe. Umwene Yesu alinkumbula alinkuti: Mungankanisyaga, namanga gwesa uyu atikukindana nanuswe, yo ali kulubafu lwitu.
Yesu ikusumuka ukubuka ku-Yerusalemu; abaSamaria bikukana ukumwambilila
51Lelo bo amasiku gake ga kufyukila kumwanya gasegelile,
52alinkulabisya ikyeni kyake ukubuka ku-Yerusalemu. Popapo alinkubatuma abandumi ukulongola nkyeni mmyake. Abene balinkubuka, balinkwakwingila nkaya ka baSamaria, ukuti mo
53bakantendekekesye pabuyo. Loli abenekaya balinkusita nukumwambilila, papo ikyeni kyake alabisye ku-Yerusalemu.
54Lelo bo basibwene sisisi, abafundigwa bake ba-Yakobu na Yohani balinkuti: Malafyale, kulonda tuyobege ukuti umoto gusulukege ukufuma kumwanya nukubapyuta, [bo mumo
55abombile Elia?] Umwene alinkubasyutukila, alinkubakemela, [alinkuti: Mukimanya ukuti muli bana ba mbepo aliku.
56Namanga Nnyamundu akalisile nkubupyuta ubumi bwa bandu, loli nkubupoka]. Popapo balinkubuka nkaya akangi.
Isya kuketelamo aba bikulonda ukuya bafundigwa ba Yesu
(Mat. 8,19-22)
57Lelo bo bikwenda munjila, po umundu yumo alinkumbula
58alinkuti: Nikukukongaga kosa kuno kubukaga. Umwene Yesu alinkumbula alinkuti: Utumbwe#utumbwe: bamo bikuti abakambwe. tuli nimina, ninjuni sya kumwanya sili nififumbwa, loli Nnyamundu akaya napo
59pabulambaliko untu. Alinkumbula uyungi alinkuti: Ngongaga. Umwene alinkuti: Malafyale, ulinyitikisyaga ukuti
60mbuke ngansyile tasi tata. Loli umwene alinkumbula alinkuti: Baleke abafwe babasyile abafwe babo; ugwe loli
61bukaga ukafumusyege mosa ubutwa bwa Kyala. Yope nuyungi alinkuyoba alinkuti: Malafyale, nikukukongaga, loli
62tasi ngabalage aba nnyumba yangu. Umwene Yesu alinkumbula alinkuti: Uyu ikuketa kunyuma bo abikile ikiboko kyake pikumbulu, yo akabagila mbutwa bwa Kyala.
Արդեն Ընտրված.
Luka 9: NYY
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Nyakyusa Ngonde New Testament (Ulwitikano Ulupya) © United Bible Societies, 1966.