Luka 3
3
Yohani Umosi nindumi yake
(Mat. 3,1-12; Mar. 1,1-8; Yoh. 1,6-28)
1Lelo nkyinja kya kalongo na buhano kya bulagili bwa Kaisari uyu ali yo Tiberi ingamu, bo Ponti Pilati ndindilili gwa mu-Yudai; bo Herodi ntwa gwa mu-Galilai, na Filipu ugwamyabo ntwa gwa mu-Ituria na mu-Trakoniti, yope na
2Lusani ntwa gwa mu-Abilene, pala ba-Hanasi na Kayafa bayege baputi bakulumba; popapo ilisyu lya Kyala lilinku-
3mwisila Yohani unnya Zakaria ndukubo. Popapo alinkufika nkisu kyosa iki kipalamene nulwisi Yordani, alinkulumbilila ulosyo lwa lupinduko, ulu lukutwala ubuswe bwa nongwa;
4bo apa sisimbigwe mwa kalata gwa masyu ga Yesaya unkunguluka uyu atigi:
Ilisyu lya nkoleli likukolela ndukubo;
Amutendekesyege injila ya Ntwa,
Amugolosyege imisebo gyake.
5Isoko#Isoko: bamo bikuti ifikoga. syosa sikusyiligwaga,
Nifyamba fyosa nutwamba fikutelamikigwaga,
Ubuniongafu bwisakugolokaga,
Injila sya figima sisakutenenesigwaga;
6Abandu bosa bisakububonaga ubupoki bwa Kyala.
7Popapo lelo alinkufibula ifilundilo ifi fyabukaga kukosigwa kumyake alinkuti: Mwe luko lwa njoka umwe, ywani abaso-
8kile umwe ukusibopa ingalalisi isi sikwisaga? Mulipaga lelo iseke isi sibagisenie nulupinduko; kangi mungandaga ukuyoba mundumbula syinu ukuti: Tuli na tata Abrahamu, buno nikubabula une nikuti, Kyala abagile ukunsanukisya amabwe
9aga Abrahamu ukuya banake. Indwanga yibikigwe ngani pafikolo pamipiki; lelo umpiki gosa ugu gutikupa iseke inunu,
10go gukutumuligwaga nukusopigwa mmoto. Popapo ifilu-
11ndilo Alinkundalusya filinkuti: Tutubulege lelo? Umwene alinkubamula alinkuti: Uyu linga ali nimiselekesye mibili, yo ampege gumo unnine uyu akaya nago, yope na uyu linga ali
12mfindu, abombege bo bunobuno. Popapo balinkwisa kumyake abasongesyasongo kukosigwa, balinkundalusya bali-
13nkuti: Mmanyisi, tubombege fiki? Umwene alinkubamula alinkuti: Komma ukukisya ukwambilila, ukukinda pali ifi
14mulagiligwe. Bope nabasikali balinkundalusya balinkuti: Nanuswe tubombege sya fiki? Umwene alinkubamula alinkuti: Mungapupaga ifya mundu, kangi mungamohelaga nayumo isya butungulu, amufwanege nafyo ifihombigwa fyinu.
15Papo abandu bagulilaga isi sikubonekaga, balinkwinogona mundumbula syabo inongwa sya Yohani ukuti pamo ayege yo
16yu Kristi. Popapo Yohani alinkubamula bosa alinkuti: Une ne gwaki ne nikubokesya ga misi, loli ikwisa yumo uyu angindile amaka une, uyu ngabagila ukwabula utukoba twa filato fyake; umwene yo isakubokesyaga na Mbepo Mwikemo
17numoto. Yo ali nulupetelo nkiboko kyake, ukuti apyagilege ikipalo kyake, nukubunganikisya ingano nkituba kyake, loli unkupili go isakugukosyaga numoto ugu gutikusimamo.
18Bo alinkulumbilila bunobuno inongwa inunu kubandu,
19alinkubasukania nisingi si nyingi itolo. Loli untwa Herodi, uyu akemeligwe na Yohani panongwa ya Herodia unkasi gwa nnuguna, na panongwa ya mbibi syosa isi asibombile Herodi,
20alinkongelapo yope na yiyiyi panine syosa, alinkumwigalila Yohani munnyololo.
Ukosigwa kwa Yesu
(Mat. 3,13-17; Mar. 1,9-11; Yoh. 1,31-34)
21Lelo bo abandu bosa bosigwe, yope na yu Yesu bo osigwe,
22ali pakwiputa, popapo kumwanya kulinkwiguka, Mbepo Mwikemo alinkunsololokela nkifwani kya mbili, ali bo ingunde; nisyu lilinkufuma kumwanya lilinkuti: Ugwe gwe Mwanangu unkundwe, mmyako mo nikyelile.
Abanyenya ba Yesu
(Mat. 1,1-17)
23Umwene Yesu bo ikwanda akabombo kake, aliti ali nifyinja amalongo matatu (30), inogoneligwaga ukuya yo mwana gwa
24Yosefu, unnya Eli, unnya Matati, unnya Levi, unnya Melki,
25unnya Yana, unnya Yosefu, unnya Matatia, unnya Amosi,
26unnya Nahumu, unnya Esli, unnya Nagai, unnya Maati, unnya Matatia, unnya Semei, unnya Yoseku, unnya Yoda,
27unnya Yohanani, unnya Resa, unnya Zerubabeli, unnya
28Salatieli, unnya Neri, unnya Melki, unnya Adi, unnya Kosamu,
29unnya Elmadamu, unnya Eri, unnya Yesu, unnya Eliezali,
30unnya Yorimu, unnya Matati, unnya Levi, unnya Simeoni, unnya Yuda, unnya Yosefu, unnya Yonamu, unnya Eliakimu,
31unnya Melea, unnya Mena, unnya Matata, unnya Natani,
32unnya Davidi, unnya Yese, unnya Obedi, unnya Boasi, unnya
33Salimoni, unnya Naasoni, unnya Aminadabu, unnya Adimini, unnya Arini, unnya Hesroni, unnya Peresi, unnya Yuda,
34unnya Yakobu, unnya Isaka, unnya Abrahamu, unnya Tera,
35unnya Nahori, unnya Seruhi, unnya Ragau, unnya Peregi,
36unnya Eberi, unnya Sala, unnya Kenani, unnya Arfaksadi,
37unnya Semu, unnya Noa, unnya Lameki, unnya Metusala, unnya Enoki, unnya Yaredi, unnya Mahalaeli, unnya Kenani,
38unnya Enosi, unnya Seti, unnya Adamu, unnya Kyala.
Արդեն Ընտրված.
Luka 3: NYY
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Nyakyusa Ngonde New Testament (Ulwitikano Ulupya) © United Bible Societies, 1966.