Luka 23
23
Yesu nkyeni mwa Pilati
(Mat. 27,1-2.11-14; Mar. 15,1-5; Yoh. 18,28-38)
1Popapo ikilundilo kyabo kyosa kilinkusumuka, kili-
2nkuntwala kwa Pilati. Balinkwanda ukumohela balinkuti: Umundu uyu twagile ikukisofya ikikolo kyitu, kangi ikukanisya ukusonga isongo kwa Kaisari; ikwiyoba mwene
3ukuya yo Kristi uNtwa. Umwene Pilati alinkundalusya alinkuti: Bati uli Ntwa gwa ba-Yuda? Umwene alinkumwa-
4mula alinkuti: Bo lilyo kuyoba. Popapo Pilati alinkubabula abaputi abakulumba nifilundilo alinkuti: Ndikuyagamo
5nayimo inongwa mmundu uyu. Abene balinkumilisya fiyo balinkuti: Ikubalundulania abandu, ikumanyisya nkisu kyosa kya mu-Yudai, ukwanda mu-Galilai ukwisakufika kuno.
6Umwene Pilati bo apilike sisisi, alinkulalusya alinkuti: Bule
7umundu uyu gwa mu-Galilai? Bo asyagenie ukuti gwa mbulagili bwa Herodi, alinkuntuma kwa Herodi; namanga yope alimo mu-Yerusalemu mmasiku gago.
Yesu nkyeni mwa Herodi
8Umwene Herodi bo ambwene Yesu, alinkusekela fiyo; namanga akabalilo akatali alondaga ukummanya, papo ampilikaga itolo, kangi asubilaga ukukibona kimo ikika ukufuma
9kumyake. Alinkundalusya amasyu ga mingi, loli umwene
10alinkusita nukumwamula nalimo. Bope nabaputi abakulumba nabamanyakalata balinkwima papo, balinkumohela
11namaka fiyo. Popapo Herodi nabasikali bake balinkunsyokela nukumwangalila; bo bamfwikile unselekesye ugu gukungʼa-
12lika, alinkungomokesya ku kwa Pilati. Popapo Herodi na Pilati balinkwenda nukumanyana musi gugo; namanga bwila bali kilugu.
Baraba ikwabuligwa, loli Yesu ikulongigwa
(Mat. 27,15-26; Mar. 15,6-15; Yoh. 18,39—19,16)
13Popapo Pilati alinkubabungania abaputi abakulumba nabala-
14gili ba bandu, alinkubabula alinkuti: Mundwalile umundu uyu mukuti nsofyabandu; keta, une bo njenesisye nkyeni mmyinu, ngayagamo nayimo inongwa mmundu uyu muli isi mukumo-
15hela. Yope na yu Herodi akasyagamo nasimo, buno angomwisye kumyitu; keta, akabombamo nasimo isi simbagile
16ukuti agogigwege; po ngimba nikumwabula bo numfundile.
17[Lelo bwila pakyaka syalondigwaga ukuti ababulilege yumo
18umundu.] Abene loli balinkukolela pamopene bosa itolo balinkuti: Nsosyepo uyu, loli utwabulilege yu Baraba;
19(uyu abikigwe munnyololo panongwa ya kulundukana uku
20kwatupwike nkaya, na kubugogi.) Umwene Pilati alinkwandisya ukuyoba nabo, namanga alondaga ukumwabula Yesu;
21loli abene balinkukolela fiyo balinkuti: Nkomele, nkomele
22pakikohekano. Umwene alinkuyoba nabo ulwa butatu alinkuti: Papo fiki, abombile mbibi ngi? Buno ngayagamo nayimo inongwa iya kungogelamo; po ngimba nikumwabulaga
23bo numfundile. Abene loli balinkumilisya ukukolela fiyo ukuti, akomeligwege pakikohekano; popapo unjwego gwabo
24gulinkuntola. Umwene Pilati alinkutumula ukuti, isi biku-
25suma syo sibombigwege; alinkumwabula uyu bandondaga, uyu abikigwe munnyololo panongwa ya kulundulania ikisu nubugogi; loli alinkubapa Yesu ukuti bambombelege sisyo biganile.
Yesu ikukomeligwa pakikohekano
(Mat. 27,32-44; Mar. 15,21-32; Yoh. 19,17-27)
26Lelo bo bikubuka nagwe, balinkunkola Simoni gwa mu-Kireni uyu afumile kungunda, balinkuntwika ikikohekano ukuti apimbe, ankongege nakyo Yesu.
27Popapo kilinkunkonga ikilundilo kya bandu ikikulumba,
28nabakikulu aba bikomaga kufipambaga nukundilila. Umwene Yesu alinkubasyutukila, alinkuyoba alinkuti: Mwe bana, mwe balindwana ba mu-Yerusalemu, mungandililaga une, loli
29amwilililege mwibene nabaninu. Keta, buno gikwisaga amasiku aga bisakutigi: Basangalufu abagumba, ninyanda isi
30sikapapamo siku, namabele aga gakongesyamo. Po bisakwandaga ukuyoba kufyamba bisakutigi: Mulitugwilaga, na kutwa-
31mba ukuti: Amutukupikilege: buno linga bo bikubomba bunobuno kumpiki umbisi, po sisakuyaga bulebule kumpiki umumu?
32Balipo nabangi babili ababombambibi, aba batwaligwe ukwakugogigwa lumo nagwe.
(Mat. 27,33-44; Mar. 15,22-32; Yoh. 19,16-24)
33Lelo bo bafikile pabuyo ubu bikuti Lupaya, balinkunkomela pakikohekano, bope nababombambibi bala, yumo kukililo
34nuyungi kukimama. Popapo Yesu alinkuti: Gwe Tata, ubaswege, namanga bakasimanya isi bikubomba. Balinku-
35yabana imyenda gyake bo balagwile. Abene abandu balinkwima papo balinkuketa; bope nabalagili balinkunseka balinkuti: Abapokaga abangi, ndeke ipoke mwene, linga yo
36Kristi gwa Kyala unsaligwa. Bope nabasikali balinkumobela,
37balinkwisa kumyake, balinkumpa asiki, balinkuti: Linga gwe
38Ntwa gwa baYuda, ulipokaga gwimwene. Lelo bwalipo bope nubusimbe pamwanya, ubwa kuti: Uyu yo Ntwa gwa baYuda.
39Popapo yumo mbabombambibi bala, aba bakomeligwe lumo nagwe, alinkunhelula alinkuti: Kali ukaya gwe Kristi ugwe?
40Ulipokaga gwimwene, utupokege nanuswe. Loli unnine alinkumwamula, alinkunkemela alinkuti: Nanungwe utiku-
41ntila Kyala, napa mufwene itolo ukufundigwa? Uswe loli twe situbagile, namanga tukwambilila ifihombigwa ifi fibagisenie nimbombo syitu; loli umundu uyu akabomba nasimo
42imbibi. Popapo alinkuyoba alinkuti: Gwe Yesu, ungumbu-
43kege bo kwingila mbutwa bwako. Umwene alinkumbula alinkuti: Naloli nikukubula une nikuti: Gu musyugu kuyaga nanine mbusyuka bwa banunu.
Ukufwa kwa Yesu
(Mat. 27,45-56; Mar. 15,33-41; Yoh. 19,28-30)
44Lelo pali po pakabalilo ka ntandatu,#ko kuti bo lili pantu. yilinkugwa ingisi
45pakisu ukufika pakabalilo ka buhano na buna.#Ko kuti mwilunduko. Lyope nisuba lilinkwina, nibalika lya mwa Tempeli lilinkutafukana
46pakati. Popapo Yesu alinkukuta ilisyu ilikulumba alinkuti: Gwe Tata, imbepo syangu nikusibika mmaboko gako. Lelo
47bo ayobile lilili, popapo alinkusililika. Umwene sarjenti bo asibwene sisisi, alinkuntufya Kyala alinkuti: Naloli umundu
48uyu ali ngolofu. Fyosa ifilundilo fya aba babungene pakuketa, bo basibwene sisisi, balinkugomoka bo bikwikoma
49kufipambaga. Bosa nabamanyani bake, nabakikulu aba bakongesenie nagwe ukufuma mu-Galilai, balinkwima pabutalipo, balinkusiketa sisisi.
Ukusyiligwa kwa Yesu
(Mat. 27,57-61; Mar. 15,42-47; Yoh. 19,28-42)
50Popapo umundu yumo uyu ali yo Yosefu ingamu, ugwa
51ndukomano, umundu unnunu ungolofu, (uyu akalwitike ulutumulilo lwabo nimbombo syabo), afumile mu-Arimatai, nkaya kamo aka baYuda, uyu abugulilaga ubutwa bwa Kyala;
52yo alinkubuka kwa Pilati, alinkwakugusuma umbili gwa
53Yesu. Umwene alinkugusulusya, alinkuguniembetelela mmwenda umwelu, alinkugubika mwipumba ili basongwile
54ndwalabwe, muno nayumo akabikigwemo siku. Ilisiku lila lyali lyo isiku lya kwitendekesya, bo Sabati ikuya pakwanda
55ukukya. Abene abakikulu aba balisile nagwe ukufuma mu-Galilai, balinkunkonga, balinkwakuliketa ilipumba, na muno
56umbili gwake bagubikile. Popapo balinkugomoka, balinkwakutendekesya inyemba nimikota iminunga. Loli pa-Sabati balinkutusya bo mumo siyilile ingomelesyo.
Արդեն Ընտրված.
Luka 23: NYY
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Nyakyusa Ngonde New Testament (Ulwitikano Ulupya) © United Bible Societies, 1966.