Yohani 1
1
Amasyu ga bwandilo
1Kubwandilo aliko Isyu; umwene Isyu ali na Kyala;
2kangi Isyu ali yo Kyala. Umwene kubwandilo alinkuya
3na Kyala. Fyosa itolo fyapeleligwe mu mmyake, asobe yuyo
4angali kakapeligwako nakamo aka kapeligwe. Mmyake mo bwalimo ubumi, ubwene ubumi bula bulinkuya lumuli lwa
5bandu. Ulumuli lukumulika mungisi, loli iyene ingisi yilinkusita nukulwagania.
6Alinkuboneka umundu uyu atumigwe na Kyala, ingamu
7yake ali yo Yohani. Umwene alisile kulusisimikisyo, ukuti ansisimikisye ulumuli lula, ko kuti bosa bitikilege muli yuyo.
8Umwene yuyo akali yo lumuli, loli alisile ukuti ansisimikisye ulumuli lula.
9Umwene lumuli gwa naloli, uyu ikummulika umundu
10gwesa, alisile nkisu. Alimo nkisu, ikisu kyapeleligwe muli
11yuyo, ikyene ikisu lulinkusita nukumwagania. Umwene alisile mmyake, loli abene abandu bake balinkusitanukumwa-
12mbilila. Loli bosa aba balimwambilile, aba bayitike ingamu
13yake, bo abapele amaka ga kuyila bana ba Kyala; aba bo bakapapigwa mwilopa, pamo mbwigane bwa mbili, pamo mbwigane bwa mundu, loli mwa Kyala.
14Popapo Isyu alinkuya mbili, alinkwitugala mmyitu; tulinkububona ubukulumba bwake, ubukulumba bo ubwa Mwana yumoywene ntiga nGwise, uyu iswile ilipyana nubwanaloli.
15Umwene Yohani alinkunsisimikisya, alinkukolela alinkuti: Uyu yo uyu nanjobaga apa natigi, uyu ikwisa kunyuma kumyangu, yo nkulumba kumyangu, namanga aliko bo ngali
16nukuyako une. Ukufuma mbukwile bwake, twesa twambilile
17ilipyana pamwanya pipyana li lingi; namanga ululagilo lwalyendile mwa Mose, loli ilipyana nubwanaloli fyo lisile
18mwa Yesu Kristi. Nayumo akambonamo siku Kyala; loli uMwana gwa Kyala yumoywene ntiga, uyu ali ndupagato lwa Gwise, yo uyu atulingenie.
Yohani Umosi ikunsisimikisya Yesu
(Mat. 3,1-12; Mar. 1,7-8; Luk. 3,15-17)
19Ulu lo lusisimikisyo lwa Yohani, bo abaYuda ba mu-Yerusalemu babatumile abaputi abakulumba nabanya Levi
20kukundalusya isya kuti: Kali ugwe gwe ani? Umwene alinkwilata, alinkusita nukulinda, alinkwilata alinkuti: Une
21ngaya ne Kristi. Popapo abene balinkundalusya balinkuti: Uli mfiki lelo? Gwe Elia? Umwene alinkuti: Ngaya yo une. Abene balinkuti: Kali gwe nkunguluka yula? Umwene
22alinkwamula alinkuti: Himma. Popapo lelo balinkundalusya balinkuti: Kali po gwe ani, ulitubula ukuti tukabamule
23aba batutumile? Kwiyoha ukuya gwe ani? Umwene alinkuti: Une ne isyu lya nkoleli uyu ikukolela ndukubo. Amugolosyege injila ya Ntwa, bo mumo ayobile Yesaya unkunguluka.
24-25Aba batumigwe bafumile kubaFarisai, bo balinkundalusya balinkuti: Po fiki kosya lelo, linga ukaya gwe Kristi, pamo
26gwe Elia, pamo gwe nkunguluka yula? Umwene Yohani alinkubamula alinkuti: Une ngosya namisi, loli nkati mmyinu
27imile yuyo mukammanya umwe, uyu ikungonga une, uyu
28une ngabagila ukufundula utukoba twa nifilato fyake. Sisisi syabonike mu-Betania, isilya fila lya Yordani, kuko Yohani osyaga.
29Ulwa kilabo, po alinkumbona Yesu ikwisa kumyake, alinkuti: Keta, akangʼosi ka Kyala, aka kikusosyapo ubutu-
30lanongwa bwa kisu. Uyu yo uyu nanjobaga apa natigi: Ikwisa kunyuma kumyangu umundu, uyu yo nkulumba
31kumyangu, namanga aliko bo ngali nukuyako une. Nanine ngalimmenye, loli ukuti afumusigwege kubanyʼIsraeli, fyobene
32nisile nikosya namisi. Popapo Yohani alinkusisimikisya alinkuti: Numbwene Mbepo ikusololoka ukufuma kumwanya
33ukuti ngunde, ikutugala pamyake. Nanine ngalimmenye, loli uyu alindumile kukosya namisi, yo alimbulile ukuti: Uyu linga umbwene Mbepo ikunsololokela ikwitugasya pamyake,
34yo uyu ikosyaga na Mbepo Mwikemo. Nanine nsibwene, kangi nsisisimikisye, ukuti uyu yo Mwana gwa Kyala.
Abafundigwa abatasi
(Mat. 4,18-22; Mar. 1,16-20; Luk. 5,1-11)
35Kangi ulwa kilabo, Yohani alinkwima pamopene naba-
36fundigwa bake babili, alinkumbona Yesu bo ikwenda, alinkuti:
37Keta akangʼosi ka Kyala! Abene abafundigwa bala babili balinkumpilika bo ikuyoba, popapo balinkunkonga Yesu.
38Umwene Yesu alinkusyutuka, alinkubabona bikunkonga, alinkubalalusya alinkuti: Mukulonda fiki? Balinkumbula balinkuti: Rabi (ko kuti Mmanyisi), kwitugala kugu?
39Umwene alinkubabula alinkuti: Isaga mukete. Popapo lelo balinkubuka, balinkwakuketa apa alipo; balinkulinda nagwe ilisiku lila. Pali po pakabalilo ka kalongo.
40Andrea, ugwamyabo gwa Simoni Peteri, ali yo yumo muli bala babili aba balimpilike Yohani, nukunkonga Yesu.
41Umwene alinkutala ukumwaga Simoni ugwamyabo, alinku-
42mbula alinkuti: Tumwagile Mesia (ko kuti Kristi). Alinkuntwala kwa Yesu. Umwene Yesu bo ambwene, alinkumbula alinkuti: Ugwe gwe Simoni unnya Yohani, kwisakubilikiligwaga iya Kefa, (ko kuti Peteri).#Peteri ko kuti lwalabwe.
43Ulwa kilabo Yesu alinkulonda ukubuka mu-Galilai, alinkumwaga Filipu. Umwene Yesu alinkumbula alinkuti: Ngo-
44ngaga. Umwene Filipu ali gwa mu-Betsaida, bali kaya kamo
45na Andrea na Peteri. Popapo Filipu alinkumwaga Natanaeli, alinkumbula alinkuti: Tumwagile uyu ayobigwe na Mose ndulagilo na mbakunguluka, yo Yesu unnya Yosefu ugwa
46mu-Nazareti. Umwene Natanaeli alinkundalusya alinkuti: Kali sibagile ukufumamo simo inunu mu-Nazareti? Popapo
47Filipu alinkumbula alinkuti: Tubuke ukakete. Umwene Yesu alinkumbona Natanaeli ikwisa kumyake, alinkunjoba alinkuti: Keta umwʼIsraeli naloli, uyu akaya nulusyobo
48nalumo mmyake. Umwene Natanaeli alinkundalusya alinkuti: Kali umenye bulebule? Umwene Yesu alinkumwamula alinkuti: Bo akali tasi nukukubilikila Filipu, nakubwene
49bo uli pankuyu. Popapo Natanaeli alinkumwamula alinkuti: Rabi,#Rabi ko kuti Mmanyisi. ugwe-gwe Mwana gwa Kyala, gwe Ntwa gwa Israeli.
50Popapo Yesu alinkumwamula alinkuti: Kwitika papo ngubulile ukuti nakubwene pankuyu? Kwisakusibonaga ingulu-
51mbapo ukusikinda na isi. Popapo alinkuti: Naloliloli nikubabula une nikuti: Mwisakumbonaga kumwanya kwigwike, nabandumi ba Kyala bikuti nukufyuka, bikuti nukunsololokela Nnyamundu.
Արդեն Ընտրված.
Yohani 1: NYY
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Nyakyusa Ngonde New Testament (Ulwitikano Ulupya) © United Bible Societies, 1966.