Mateo 2
2
Wiñicob año' bʌ i ña'tʌbal ch'oyolo' bʌ ti' pasibal q'uiñ
1Che' bʌ tsi' yila pañimil Jesús ya' ti Belén#2.1 Añ isujmlel jiñi t'añ Belén ti hebreo jiñʌch i yotlel pan. Jiñʌch i tejclum Judá, añ 8 kilómetro i ñajtlel ti Jerusalén, añ ti' bijlel Hebrón, ti ñaxan tsa' pejcʌnti ti Efrata lʌc'ʌl ba' tsa' mujqui Raquel (Gn 35.19; 48.7), pero ñumen cʌmbil Belén ti Oñiyi bʌ Wen T'añ che' bajche' i tejclum David, añ 11 kilómetro i ñajtlel ti Nazaret. ti Judea, che' yumʌl jiñi Herodes,#2.1 Herodes jiñi ñuc bʌ mi su'bentel, añ i lumal ti Idumea (q'uele mapa cha'añ ma' ña'tan baqui añ Idumea) x'e'tel i cha'añ romanojob come ya' tsa' aq'uentiyob i ye'tel ti' tojlel judíojob, jiñi cha'añ tsi' meleyob i ye'tel ti Judea, tsi' mele i ye'tel che' ti ja'bil 37 che' maxto tilemic Cristo c'ʌlʌl che' ti ja'bil 4 che' tilemix Cristo, añ i yalobilob jiñobʌch Arquelao (Mt 2.22), Herodes Antipas (Mt 14.1), Felipe I yic'ot II (Lc 3.1) yic'ot Agripa I yic'ot II (Hch 12.1-19) ti' pejtelelob tsi' cha'leyob q'uel juñ ti Roma. Tsa' jili i yumʌntel Herodes, i p'olbal Herodes, che' ti ja'bil 93 o 100 che' tilemix Cristo. awilan, tsa' tiliyob ti Jerusalén wiñicob año' bʌ ca'bʌl i ña'tʌbal,#2.1 Wiñicob tilemo' bʌ ti pasibal q'uiñ año' bʌ i ña'tʌbal mu' bʌ i cʌmbeñob isujmlel ec' tac, cha'añ chuqui tac mi caj i yujtel ti' tojlel wiñicob x'ixicob ti wi'il, jiñi texto ma'añic mi yʌl jaytiquilob jiñi año' bʌ i ña'tʌbal. Ili wiñicob i yejtalʌch jiñi mach bʌ judíojobic mu' bʌ caj i cʌñob Jesús che' bajche' Cristo jiñi yajcʌbil bʌ. ch'oyolo' bʌ ti' pasibal q'uiñ, 2tsi' c'ajtiyob:
—¿Baqui añ i yum judíojob tsa' bʌ i yila pañimil? Come tsa' j q'uele lojon i yec'#2.2 Jiñi ec' tajol jiñʌch jiñi woli bʌ i yʌl ya' ti Oñiyi bʌ Wen T'añ ya' ti (Nm 24.17). ti' pasibal q'uiñ. Tsa' tiliyon lojon cha'añ mic ch'ujutesan lojon.
3Che' bʌ tsi' yu'bi jiñi t'añ jiñi yumʌl Herodes, tsi' mele i pusic'al yic'ot pejtelel wiñicob x'ixicob año' bʌ ti Jerusalén. 4Jiñi cha'añ tsi' tempa pejtelel ñuc bʌ motomajob yic'ot xts'ijbayajob, tsi' c'ajtibeyob baqui mi caj i yilan pañimil jiñi Cristo. 5Tsi' jac'beyob:
—Ya' ti Belén ti Judea, come che'ʌch ts'ijbubil i cha'añ x'alt'añ:
6“Ixcu jatetla añet bʌ la ti Belén ya' ti' lumal Judá,
mach ba ch'och'oqueticla ti' tojlel i yumob Judá.
Come ti la' tojlel mi caj i loq'uel juntiquil yumʌl
mu' bʌ caj i cʌntan#2.6 Che' bajche' Pastor mu' bʌ i cʌntan tʌñʌme' (Jn 10.11), tsa' wʌn tajle ti t'añ chuqui e'tel mi caj i mel Jesús (Miq 5.2). israelob, jiñi c cha'año' bʌ”.
7Che' jiñi Herodes tsi' mucu pʌyʌ tilel jiñi wiñicob año' bʌ ca'bʌl i ña'tʌbal. Tsi' c'ajtibeyob baqui ora tsa' tsictiyi jiñi ec'. 8Tsi' chocoyob majlel ti Belén, tsi' su'beyob:
—Cucula, wersa sajcanla jiñi alʌl, che' mi la' taj, yom mi la' cha' tilel la' su'beñon cha'añ mic majlel c ch'ujutesan ja'el, —che'en Herodes.
9Che' bʌ tsa' ujti i yu'bibeñob i t'añ jiñi yumʌl tsa' majliyob. Awilan, jiñi ec' tsa' bʌ i q'ueleyob ti' pasibal q'uiñ tsa' cha' caji ti xʌmbal majlel ti' tojel i wutob. Tsi' cʌyʌ i xʌmbal jiñi ec' ya' ti' chañelal ba'añ jiñi alʌl. 10Che' bʌ tsi' q'ueleyob jiñi ec', wen tijicñayob jax i pusic'al tsi' yu'biyob. 11Che' bʌ tsa' ochiyob ti otot, tsi' q'ueleyob jiñi alʌl yic'ot María i ña'. Tsi' ñocchocoyob i bʌ cha'añ mi' ch'ujutesañob, che' jiñi tsi' jamʌyob caxate', tsi' yʌq'ueyob i majtañ: Oro, yic'ot xojocña bʌ pom, yic'ot mirra.#2.11 Jiñi pom yic'ot Mirra jiñʌch wen xojocña bʌ i yujts'il wen lets bʌ i tojol ch'oyol bʌ ti Arabia. 12Su'bebilobix jiñi wiñicob ti' ñajal cha'añ ma'añic mi' chʌn ñumelob ba'añ Herodes, tsa' sujtiyob majlel ti' lumal ti yam bʌ bij.
Tsa' puts'iyob ti Egipto
13Che' sujtemobix jiñi wiñicob, awilan, tsa' tsictiyi i yÁngel lac Yum ti' ñajal José. Jiñi ángel tsi' yʌlʌ: Ch'ojyen. Pʌyʌ majlel jiñi alʌl yic'ot i ña'. Puts'en ti Egipto, cʌlejen ya'i jinto mic su'beñet, come Herodes mi caj i sʌclan jiñi alʌl cha'añ mi' tsʌnsan, che'en.
14Tsa' ch'ojyi José. Tsi' pʌyʌ majlel alʌl yic'ot i ña' ti ac'ʌlel. Tsa' majli ti Egipto. 15Ya'i tsa' cʌle jinto tsa' chʌmi Herodes. Che'ʌch tsa' ujti cha'añ mi' ts'ʌctiyel i t'añ lac Yum tsa' bʌ i yʌlʌ ti' yej x'alt'añ: “Tsa' c pʌyʌ loq'uel calobil ti Egipto”,#Nm 24.8; Os 11.1 che'en.
Tsa' tsʌnsʌnti alobob
16Tsa' caji ti ca'bʌl mich'ajel Herodes che' bʌ tsi' ña'ta tsa' lotinti cha'añ jiñi wiñicob año' bʌ ca'bʌl i ña'tʌbal. Tsi' yʌc'ʌ mandar cha'añ mi' tsʌnsʌntelob pejtelel alʌ ch'itoñob maxto bʌ ts'ʌcʌlic cha'p'ejl i ja'bilel ya' bʌ añob ti Belén yic'ot ti' joytʌlel. Yujilix jiñi rey Herodes jayp'ejlix i ja'bilel jiñi alʌl, come tsi' su'beyob jiñi wiñicob año' bʌ ca'bʌl i ña'tʌbal. 17Che' jiñi tsa' ts'ʌctiyi i t'añ jiñi x'alt'añ Jeremías tsa' bʌ i yʌlʌ:
18“Tsa' u'binti c'am bʌ t'añ ya' ti Ramá,
ca'bʌl uq'uel yic'ot we'ecña bʌ uq'uel.
Raquel woli' chʌn uc'tan i yalobilob.
Ma'añic tsi' jac'ʌ i ñʌch'chocontel i pusic'al
come tsa' jili i yalobilob”.#2.18 Q'uele Jer 31.15 woli i taj ti t'añ i yalobilob José i yalobil Jacob yic'ot Raquel, che' bʌ tsa' pʌjyiyob majlel ti majtañ e'tel ba' mach i lumalobic (Mt 1.22).
Tsa' cha' sujtiyob ti Nazaret
19Che' bʌ tsa' chʌmi Herodes, awilan ya' ti Egipto tsa' tsictiyi i yÁngel lac Yum ti' ñajal José. 20Tsi' yʌlʌ: Ch'ojyen. Pʌyʌ majlel jiñi alʌl yic'ot i ña'. Cucu ti' lumal Israel come chʌmeñobix jiñi yomo' bʌ i tsʌnsañob jiñi alʌl,#Ex 4.19,20 che'en.
21Jiñi cha'añ tsa' ch'ojyi. Tsi' pʌyʌ majlel alʌl yic'ot i ña'. Tsa' c'otiyob ti' lumal Israel. 22José tsi' bʌc'ña majlel ya' ti Judea, come tsi' yu'bi woli ti yumʌntel Arquelao#2.22 Che' bʌ tsa' chʌmi Herodes jiñi ñuc bʌ mi su'bentel, jiñi i yalobil i c'aba' Arquelao tsi' mele i ye'tel ti Judea, Samaria yic'ot ti Idumea che' ti ja'bil 4 c'ʌlʌl ti 6 che' tilemix Cristo. i yalobil Herodes. Jiñi Arquelao tsi' ch'ʌmbe i ye'tel i tat. Jiñi cha'añ tsa' majli ti' lum Galilea che' bajche' su'bebil ti' ñajal. 23Tsa' c'oti ti chumtʌl ti jump'ejl tejclum i c'aba' Nazaret#2.23 Q'uele Lc 2.39,51; Jn 1.45, ti jim bʌ ora Nazaret jiñʌch am bʌ ti jump'ejl wits ya' ti Galilea, mach bʌ ñuquic ti q'uelol. cha'añ mi' ts'ʌctiyel i t'añ jiñi x'alt'añob: “Mi caj i su'bentel ti nazareno”.#2.23 Ti ili versículo, i tajol Mateo woli i taj ti t'añ (Jue 13.5,7), cha'añ jiñi mach bʌ añic tsa' set'bentiyob i tsutsel i jol (Nazareo) o woli i taj ti t'añ (Is 11.1) cha'añ i buts te', (Ti' t'añ Hebreo Neser: Yom mi yʌl: I buts te').
Արդեն Ընտրված.
Mateo 2: NTCH
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Biblia de Estudio en Ch´ol de Tumbalá, Chiapas, México © Sociedad Bíblica de México A.C.