Genesis 2
2
1Ma aram me yan i par nike m’ay i ngongliy e fayleng, nge lanelang, nge urngin ban’en ni bay u daken e but’ ngu lanelang. 2Ma chirofen ni gamen e medlip e rran ngay e mu’ Got ko tin i ngongliy, ma aram e chirofen ni tal ko maruwel.#Exo 20:11 #Heb 4:4, 10 3Me thothupnag e bin medlip e rran nge tay ni reb e rran nib thil nga urngin e rran, ni bochan e chirofen nem e lebguy e tin i sunumeg#2:3 aram e rofen ni lebguy e tin i sunmiy ban’en; ara rofen nem e lebguy e tin i sunumeg. me tal ko maruwel. 4Ere ara’ rogon ni sunumeg Got e fayleng nge urngin ban’en ni bay u lanelang.
Fa gi Woldug nu Eden
Ngiyal’ ni sunumeg fare SOMOL#2:4 SUNUMEG FARE SOMOL: Yahweh ko thin ni Hebrew. ni Got e fayleng nge urngin ban’en ni bay u lanelang, 5e dariy e woldug u daken e but’ ma dariy awochngin e woldug nike tugul, ya SOMOL ni Got e dawori pi’ e n’uw nge yib nga daken e but’ ma dariy be’ ni nge muruwliy e but; 6machane yug aram rogon ni dariy e n’uw, me yib e ran u fithik’ e but’ ngalang nge tarannag e but’ ni polo’.
7Ma aram me fek SOMOL ni Got boch e but’ nge ngongliy be’ ni pumo’on#2:7 BUT’ . . . PUMO’ON: Gal thin nem ni Hebrew ni “pumo’on” nge “but’” e ba chuchugur lingan. riy; me pag athon l’ugun nma pi’ e yafos ngalan p’ethungun, me fos fare pumo’on.
8Me yung SOMOL ni Got bang i woldug u lan yu Eden, ni bay ko ngek, me yan i tay fare mo’on nike ngongliy ngaram. 9Me gagiyegnag urngin mit e gek’iy nge tugul ni bfel’ ya’an ma be k’uf ni bfel’ wom’ngin. Ma lulukngun e re gi woldug nem e bay ba ke gek’iy riy nma pi’ e yafos, nge fare ke gek’iy nma tamilangnag an’uy ko tin ni bfel’ nge tin nib kireb.#2:9 tamilangnag an’uy ko tin fel’ nge tin kireb; ara tamilangnag an’uy ko gubin ban’en.#Rev 2:7; 22:2, 14
10Ma bay ba lul’ ni yan u lan yu Eden ni ir e be tarennag fagi woldug; me yan i aningeg pa’ nga wuru’ yu Eden. 11Fithingan e pa’ ni som’on ko yu pa’ i lul’ nem e Pishon; ireram e pa’ ni yan nge liyeg e nam nu Havilah. 12(Ireram e gin un pir’eg e gol riy, nge bmit e gek’iy nma yib e florida riy, nge malang nib tolang puluwon.) 13Ma fithingan e pa’ ni migid ko yu pa’ i lul’ nem e Gihon; i yan nge liyeg e nam nu Kush.#2:13 Kush (nu Mesopotamia); ara Ethiopia. 14Ma pa’ ni gaman e dalip ngay e Tigris fithingan, ni yan ko ngek u Assyria. Ma pa’ ni aningeg e Eufrates fithingan.
15Me fek SOMOL ni Got fare mo’on nge tay ngalan fa gi milay’ nu Eden ni ir e ngi i ayuweg ma be matnagiy. 16Me ga’ar ngak fare mo’on, “Ra um koy wom’ngin urngin e gek’iy ni bay ko re gi woldug ney, 17ma kemus ni fare ke gek’iy nma tamilangnag an’uy ko tin ni bfel’ nge tin kireb e dab mu koy. Thangri dab mu koy wom’ngin. Ya rofen ni ga ra kay e ga ra yim’.”
18Me ga’ar SOMOL ni Got, “De fel’ ni nge par fare mo’on ni go ir. Bay gu ngongliy be’ ni nge chagil ngak ngi i ayuweg.” 19Me fek boch e but’ nge ngongliy urngin e gamanman nge arche’ riy, me fekrad i yib ngak fare mo’on ni nge guy ko mang e ra tunguy ngorad; ma pi ngachal ni tunguy ngorad e par riy ni aram rogon. 20Me tunguy fare mo’on fithingan urngin e gamanman nib mongmor, nge urngin e arche’, nge urngin e gamanman ni malboch; machane dariy reb nra bung ni nge cheg ngak nge ayuweg.
21Me gagiyegnag SOMOL ni Got fare mo’on ngari mol, ma nap’an ni be mol me fek reb e yumiyaw rok fare mo’on me ning e ufin ngay. 22Me ngongliy be’ ni bpin ko fare yumiyaw ni fek rok fare mo’on, me fek fare pin i yib ngak fare pumo’on. 23Me ga’ar fare pumo’on,
“Ka fini yag be’ ni ta’reb rogomow —
ni yil rok e ni fek ko yil rog, ma ufin u dow e ni fek ko ufin u dowag.
‘Bpin’ e fithingan ni bochan e ni fek u fithik’ fare pumo’on.”#2:23 BPIN . . . PUMO’ON: Fa gal bugithin ni “bpin” nge “pumo’on” ko thin ni Hebrew e ba chuchugur lingan.
24Irera’ fan ni be’ nib mo’on e ma pag e chitamngin nge chitiningin nge yan i cheag ngak le’engin, ngar pirew ni kar ta’ab girdi’gow.#Mat 19:5; Mrk 10:7, 8; 1 Kor 6:16; Efe 5:31
25Yow l’agruw ni dariy e mad u dakenrow, machane da ur tamra’gow.
Արդեն Ընտրված.
Genesis 2: YAP
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2007 Bible Society of Micronesia. Released under the Creative Commons CC-BY-SA license 4.0.