N. Matu 16
16
XVI. CAIB.
Criosta, diultadh comharradh bho neamh a thoirt do na Phairisich: aideachadh Pheadair a faighinn duaise: thathas ga chronachadh air son cur an aghaidh pais Chriosta: Crìosta diultadh comharradh bho neamh a thoirt do na Phairisich: aideachadh Pheadair a faighinn duaise: thathas ga chronachadh air son cur an aghaidh pàis Chriosta: feumaidh a luchd-leanmhuinn uile iad fhein aicheadh.
1Agus thainig na Phairisich ʼs na Sadusaich h-uige ga bhuaireadh; us dhʼ iarr iad air comharradh fhiachuinn dhaibh bho neamh.
2Ach esan a freagairt, thuirt e riu: Nuair a thig am feasgar, their sibh: Bithidh aimsir mhath ann; oir thaʼn t-athar dearg.
3Agus sa mhaduinn: Bithidh stoirm ann an diugh; oir tha an t-athar ruadh agus gruamach.
4Is aithne dhuibh ma ta aghaidh nan speur a bhreithneachadh: agus nach urrainn duibh comharran nan aimsir a thuigsinn? Tha ginealach olc agus adhaltranach a g-iarraidh comharraidh: us comharradh cha toirear dha, ach comharradh an fhàidh Ionas. Agus gam fagail dhʼfhalbh e.
5ʼS nuair a thainig a dheisciopuil thar a chaol, dhiochuimhnich iad builionnan arain a thoirt leo.
6Agus thuirt e riu: Bithibh faicilleach, us thugaibh an aire oirbh fhein bho thaois ghoirt nam Phairiseach ʼs nan Sadusach.
7Ach smaoinich iadsan aca fhein, a g-radh: ʼSann air son nach tug sinn builionnan leinn.
8Ach Iosa a tuigsinn so, thuirt e: Car-son tha sibh a smaoineachadh agaibh fhein, O lag-chreidiche, gur h-ann air son nach eil aran agaibh?
9Nach eil sibh a tuigsinn fhathast, no cuimhneachadh nan coig builionnan am measg choig mile fear, ʼs co miad cliabh a thog sibh?
10No nan seachd builionnan am measg cheithir mile fear, agus co miad cliabh a thog sibh?
11Car-son nach do thuig sibh nach ann muʼn aran a thuirt mi ribh: Bithibh air ur faicill bho thaois-ghoirt nam Phariseach ʼs nan Sadusach?
12An sin thuig iad nach tuirt e, iad a bhith air am faicill bho thaois-ghoirt nam builionnan, ach bho theagasg nam Phairiseach ʼs nan Sadusach.
13Agus thainig Iosa gu criochan Chesaréa Philippi; ʼs dhʼfharraid e dhe dheisciopuil, a g-radh: Co tha daoine a g-radh is e Mac an duine?
14Agus thuirt iadsa: Cuid gur tu Eoin Baiste, us cuid Elias, us cuid eile Ieremias, no fear dhe na faidhean.
15Thuirt Iosa riu: Ach co tha sibhse a g-radh is mi?
16Simon Peadar a freagairt, thuirt e: Is tusa Criosta, Mac an De bheo.
17Us Iosa a freagairt, thuirt e ris: Is beannaichte thusa, Shimoin Bhar-Iona; oir cha n-iad feoil us fuil a thaisbean sin dhutsa, ach mʼ Athair a tha air neamh.
18Agus tha mise g-radh riut: Gur tusa Peadar,#16.18 XVI.18, tusa Peadar. Mar a rinn N. Peadar an so, le taisbeanadh bho Dhia, aideachadh follaiseach dhe chreideamh ann an diadhachd Chriosta; air an achd chiadna, mar dhuais air son a chreidimh ʼs air son an aideachaidh so, dhʼinnis ar Slanair dha an so an ard inbhe gus an robh e dol ga thogail: bʼe sin gum biodh esan, dhaʼn tug e mar-tha an t-ainm Peadar, a bha ciallachadh creige, Eoin 1.42, a rireadh ʼna charraig, air nach gabhadh buaidh a thoirt, gu togail na h-eaglaise a dhaingneachadh, togail anns am biodh e fhein as deigh Chriosta ʼna phriomh chlach-steidh, ʼs ʼna chiad bhuachaille, riaghladair, us fhear-stiuraidh na h-eaglaise; aig am biodh air an aobhar sin uile lanachd de chumhachd na cleir, oir bʼe so bha iuchraichean rioghachd fhlathanais a comharrachadh. — Ibid. Air a charraig so, &c. Bʼionnan briathran Chriosta ri Peadar, agus ʼsann sa chanan chumanta measg nan Iudhach a labhair ar Slanair iad, ʼs gun abradh e sa Ghailig: Is tu carraig, ʼs air a charraig so togaidh mise mʼeaglais. Air chor ʼs le seadh soilleir nam facal a ghabhail, gum beil Peadar air ainmeachadh an so a cheart charraig air am biodh an eaglais air a togail: agus Criosta fhein ʼna phriomh steidh araon agus ʼna fhear-togail aice. Gabh beachd cuideachd, gun do dhion Criosta i, le thigh, se sin le eaglais a thogail air creig, an aghaidh a h-uile stoirm agus tuil, mar fhear-togail glic, Matu 7.24, 25. — Ibid. Geatachan ifrinn. ʼS iad sin cumhachdan an dorchadais agus na ʼs urrainn Satan a dhianamh leis fhein, no le a luchd-cuideachaidh. Oir mar tha an eaglais air a samhlachadh an so ri tigh no ri daigneach togte air creig, samhlaichear cuideachd na cumhachdan naimhdeil ri daigneach ʼna h-aghaidh, ʼs nach urrainn an geatachan, se sin an uile neart ʼs an uile oidhirp, ge air bith iad, buaidh thoirt air baile, se sin eaglais Chriosta. Leis a ghealltanas so tha sinn air ar dianamh cinnteach nach toir iodhal-aoradh, eiriceachd, no mearachd caillteach sam bith gu bràth buaidh air eaglais Chriosta. agus air a charraig so togaidh mi mʼ Eaglais, ʼs cha toir geatachan ifrinn buaidh oirre.
19Us bheir mi dhut iuchraichean rioghachd fhlathanais. Agus ciod sa bith a cheanglas tu air talamh, bithidh e ceangailte air neamh: agus ciod sa bith a dhʼfhuasglas tu air talamh,#16.19 XVI.19. a dhʼfhuasglas tu air talamh. Ri fuasgladh bho chuibhrichean na pein aimsireil, a tha fuaighte ris a pheacadh, theirear laghadh-eaglais; tha comas leithid de dhʼfhuasgladh a dhianamh air a thoirt seachad an so. bithidh e fuasgailte air neamh.
20An sin dhʼorduich e dha dheisciopuil, gun iad a dhʼ innse do neach air bith gum bʼ esan Iosa an Criosta.
21Bho ʼn àm sin thòisich Iosa ri fhiachuinn dha dheisciopuil gum feumadh e dol gu Ierusalem, ʼs moran fhulang bho na seanairean, ʼs na Sgriobhaich, ʼs na h-ard-shagairt, ʼsa bhith air a chur gu bàs, agus eirigh air an treas latha.
22An sin thug Peadar air leth e, agus theann e ri chronachadh, a g-radh: Gum bu fada so bhuat, a Thighearna: cha thachair so dhut.
23Ach a tionndadh thuirt e ri Peadar: Falbh air mo chul, a shatain, tha thu na dʼ sgainnoal domh: a chionn nach blasda leat nichean Dhe, ach nichean dhaoine.
24An sin thuirt Iosa ri dheisciopuil: Ma ʼs aill le neach air bith tighinn am dheigh, aicheadhadh e e fhein, us togadh e chrois, agus leanadh e mi.
25Oir an neach leis an aill a bheatha shabhaladh, caillidh e i: ach an neach a chailleas a bheatha as mo lethse, gheobh e i.
26Oir ciod e ʼs fheairrde duine, ged a choisneadh e an saoghal gu leir, ma chailleas e anam? No ciod e an eirig a bheir duine air son anma?
27Oir thig Mac an duine an gloir Athar le ʼainglean: ʼs an sin bheir e do gach neach air reir ʼoibrichean.
28Gu dearbh tha mi g-radh ribh: gum beil cuid ʼnan seasamh an so, nach blais bàs, gus am faic iad Mac an duine tighinn ʼna rioghachd fhein.
Արդեն Ընտրված.
N. Matu 16: MacETN
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Scottish Bible Society 2017
© Comann Bhìoball na h-Alba 2017