JOHN 17
17
Jesu’n gingtute diing a, a haamteisahna
1Hi thute Jesu’n a soi a, huleh vaanlam ngain a daah a, Pa, ahun a tungta, na Tapa paahtawi in, na Tapa’n zong Nangmah ahung paahtawi theihna diingin. 2Huchia nangma’n a kawma na piah photmahte kumtuang hinna a piah theihna diing a mi zousiah tunga thuneihna na piah bangin. 3Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh. 4Leitungah na min ka paahtawita; bawl diing a na hung piah nna ka tong zouta hi. 5Tuin Aw Pa, khovel um ma a na kawma ka neih paahtawina in nangmah kawm ngeiah hung paahtawi in. 6Khovel a kipana na hung piahte kawmah na min ka sulangta hi; amahuh nanga ahi a, nang kei na hung piah ahi; huleh na thu a juita uh. 7Nang ka kawma na hung piah photmah nangmaha kuan ahi chih tuin a heta uh. 8Ajiahchu nang thu na hung piahte a kawmvah ka peta a, amahun zong a pomta uh; huleh tahzetin nanga kipana pawt ka hi chih a heta va, na hung sawl ahi chih a gingtata uhi. 9Amahuh diingin ka ngetsah hi; khovel a diingin ka ngetsah sih a, nang na hung piahte diingin ka ngetsah zaw hi; ajiahchu amahuh nanga ahi uh. 10Sil zousiah keia photmah nanga ahi a, nanga zousiah keia ahi; huleh amah vah paahtawi in ka um hi. 11Tuin kei khovel ah ka um nawn sih diing, hizongleh hite khovel ah a um diing uh, kei na kawmah hung diing ka hi. Pa Siangthou, ei pumkhat i hih mahbanga amah u’zong pumkhat ahihtheihna diingun, nang na hung piahte na minin kem in. 12Khovel a amahuh toh ka um sungin na minin Amahuh ka kema, Pathian lehkhathu a taangtun theihna diingin mangthang tapa loungal khatbeeh a mangthang sih uh. 13Huin na kawmah hung diing ka hita; huleh amah va ka kipaahna a bukim theihna diingin hi silte khovel ah ka soi ahi. 14Na thu Amahuh ka peta a, khovel in amahuh a hua hi; kei khovel a ka hih louh mahbanga amah uh khovel a ahih louh jiahun. 15Amahuh khovel a kipana lamang diingin ka hung ngen ahi sih a, hizongleh migiloupa apat veeng diingin ka hung ngen ahi zaw hi. 16Amahuh khovel a ahi sih uh, kei khovel a ka hih louh mahbangin. 17Na thuin Amahuh susiangthou in; na thu chu thutah ahi. 18Kei khovel a na hung sawl mahbangin, ke’n zong amahuh khovel ah ka sawl hi. 19Amahuh jiahin ka kisusiangthou hi, thutah jala amah u’zong suhsiangthou a, a um theihna diingun. 20Hite a diing chauhin ka ngen sih a, hizongleh a thu jiah va kei hung gingta diingte a diingin zong ka hung ngen hi. 21Pumkhat ahih theihna diingun; Pa, nang keimah a na um a, kei nangmah a ka um banga amah u’zong eimaha pumkhat ahihtheihna diingun; huleh nang na hung sawl chih khovel in a gintaat theihna diingun. 22Huleh nang na hung piah loupina amah uh ka peta hi; ei pumkhat i hih banga amah u’zong pumkhat ahihtheihna diingun. 23Kei amahuh ah, Nang keiah, pumkhat a amahuh suhbukima a um theihna diingun; huleh nang na hung sawl a, kei na hung lungsiat bangin amahuh na lungsiat chih khovel in a heet na diingun. 24Pa, nang kei na hung piahte zong ka umna a kei toh um diingin ka deih hi; na hung piah loupina a muh theihna diingun; ajiahchu nang leilung siam ma pehin kei na hung lungsiat hi. 25Aw Pa dihtat, khovel in nang ahung he sih a, hizongleh ke'n chu ka hung he hi; huleh nang na hung sawl chih hite’n a heta uhi. 26Huleh a kawmvah na min ka hesahta a, ka hesah jel diing; keimah na hung lungsiatna a kawmva a um theihna diing leh, kei amah va ka um theihna diingin, a chi hi.
Արդեն Ընտրված.
JOHN 17: SIMTBSI
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.