Maliko Ukwanda
Ukwanda
Amazyu Amiza ghagho ghasimbiwe nu Maliko ghakwanda nukuti, “Amazyu Amiza ghakunena nizya Yesu Kilisitu, u Mwana uwa Chala.” U Yesu akalanjiziwa pakuba muntu wambombo nu bulaghili. Ubulaghili bwache bukuboneka mubumanyisi bwache, mumaka ghache pakwefya imizimu imibibi nukubahobokela abantu imbibi zyabo. U Yesu akwinena mwene ukuti Mwana uwa Muntu, yuyo akiza pakwiyipa ubumi bwache ukuti abasatule abantu kumbibi zyabo.
U Maliko akulingannya nizya Yesu umwakwivwika, sona na maka nukudidimizya pa zizyo u Yesu akabomba, mubuzilo ubwakudidimizya amazyu nu bumanyisi bwache. Bo amala pakulingannya mubupimpa nizya Yohani Uwalozyo nukuyeliwa ukwa Yesu, umusimbi uwa ibuku ili umwalubilolubilo akunena nizya mbombo iya Yesu iyakupozya nukumanyisya abantu. Bo akabalilo kakwenda, abamanyili aba Yesu bakanda pakumwivwisya akiza, loli abalwani aba Yesu bakanda pakumubenga nkani. Ichigaba ichabumalilo mwibuku ili chikunena zizyo zikamubonekela u Yesu mwasabata uwabumalilo uwa bumi bwache pachisu ichapasi, nkaninkani ukukomeliwa pachipinjika nukuzyuka kubufwe kwache.
Mwibuku ilya Maliko muli ubumalilo bubili ubwa Mazyu Amiza, ghagho ghighaliwe ni vimanyisyo ivi […] abantu abinji bakwinong'ona ukuti ghatakasimbiwa nu Maliko, loli nu yunji bulo.
Ivyamukasi
Ubwandilo ubwa Mazyu Amiza 1.1-13
Imbombo iya Yesu muchigaba icha Galileya 1.14—9.50
Ukufuma mu Galileya mupaka mu Yelusalemu 10.1-52
Usabata uwabumalilo mu Yelusalemu na kupipi nu Yelusalemu 11.1—15.47
Ukuzyuka kubufwe ukwa Yesu 16.1-8
U Yesu akubabonekela abantu nukusendiwa pakubuka kumwanya 16.9-20
Արդեն Ընտրված.
Maliko Ukwanda: LMBNT2016
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Իմացեք ավելին Ulufingo Ulupya-ի մասին