JOHON SINIRWMUNG
SINIRWMUNG
Johonni Kothoma kahamo Jisuno kusung kusung Kaitorni kók hwnwi phunugo, bo “Borok wng kha tei chini bisingo khe tong phai kha.” O bijabo baithang’-no sa-o, omono porinairok saui man thung Jisu’-no wng kha a mwthangna bagwi swmai tangjak Kaitorni Sajla tei bórok bono poito khlaima bising tẃi khe langma man thung (20.31).
Sini rwmani yagulo saui man rwjak kha Jisu bai khe Kaitorni kusung kusung tong phlainai kókno, Kothoma kahamni yaphango juda juda uanamasingcha samungrok, abo bai khe Jisu’-no a swmai tangjak mwthangnaisa tei Kaitorni sajla. Omorok bai khe a uanamasingchani gujokrokno saui man rw-o. O bijapni yaphango phunugo baksa bororok bahai khe Jisuno poito khlaiwi bono rwkthar lai kha tei baksa ba bahai khe bono kebeng kha tei yachak ya wng kha abono phunuk kha. Rem 13-17 swijak kha Jisu bo rom rwjakma horo bini sagrirok bai khe kruso rwjakna swkango bwswk sampha halok wngmani tei bini tiyar wngmani kókrok tei bórokno bwkha bacha rwna kók samarok. Páithakni remo khe Jisu romjakma kók tei bono buj thumjakmarok bono kruso rwjakma tei thangwi bachama kókrok. Tei kwthang wngwi bachaui bini sagrirok bai nukjakma kók.
Tongmung hamya tongwi manjaknai bwrwini kókno (8.1-11) kunakbrwi marini khotolo khe tonjak kha tamni hwn khe kwbángma swijakma-o tei swkango kók sénairok abono karwi tono tei baksa khe kubuno khe swkagwi swi-o.
Khristoni bising tẃi thwi phlai ya langma manmano abo Jisuno lama, kubui tei langma hwnwi yachakmani tẃino chengjago hwnwi Johon jai khe sa-o. Bwkha nangna tẃi khe Johon sal brúm nangmani manwirokno phunugui pholani kók kubuino phrwngo, twi, chámung, chati tei mera mwrwknairokni kókrok tei bini merarok, angur tei bini bwtháirokno phunugui kók phrwngo.
Buro tamo Kóktháirok
Kók chengma 1.1-18
Baptisma rwnai Johon tei Jisuni puila sagrirok 1.19-51
Jisu lukuni bwskango samung khlai grama 2.1-12.50
Páithak sal bwkhak Jerusalemni samo tei Jerusalem bisingo samung tangmarok 13.1-19.42
Subrai thangwi bachama tei nukjakma 20.1-31
Kók mosokma tei juda khe Galili-o nukjakma 21.1-25
Արդեն Ընտրված.
JOHON SINIRWMUNG: KOKBSI
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.