CHABANGCHAM PISIKHAIRAIBO
PISIKHAIRAIBO
Chabangcham chiubo rambara ‘lungpad karaibo’ cham chiubo-e. Haibo ariakkhuang hainiu ting-kadih dambo, chamaina lungpad karaibo, kadihpiriga raithubo nuan wangbo khatdi thiuniubo phibang, sichiujiu Tingwang niu chamainatu akhikhaibo lamga dinkhai-e. Chabangcham haitu parathiujiu lamnia njan padbo sui-e:
1) Padum 1–11 hai kadihpiritu dambo khatdi chamainagu suraibo racham-e. Haiga Adam nai Eve, Cain nai Abel, Noah khatdi tadui naibo sigasu Babylon gu ting rabo lamga raokhai-e.
2) Padum 12–50 hai Israel maidunggu karaibo pao-peh racham-e. Raithubo ganiu Tingwang kadinpiubo nai patu malumbo Abraham lamga-e. Sibosai panah Isaac khatdi patah Jacob (Israel chiujiudi kubo), khatdi Jacob nah khang kariu-je-niakiu, Israel mai kiphiu kariu-je-niakiu phungpadmai lamga-e. Nkiujiu panahmai ruanggasu Joseph tu pisikhaibo khatdi Jacob nai panahmai siniu Egypt dihlam lungbo lamga-e.
Ariakkhuang hainiu chamaina lamga dinbo siniu, raiboga khatdi nkiujiu Tingwang niu wa kamkhaibo lamga dinbo rachamme. Sichiujiu Tingwang niu ting-kadih dambogu masansiak lubo saiga, paniu pamaidungtu lungsajiu akhikhai bamme chiujiu ladriat thiukhaibo hainiu kanam khai-e. Ariakkhuang hainiu dinkhaibo sira Tingwang niu ladzan thiujiu bambo khatdi kamao kam maidungtu sajai pijiu bambo, pamaidungtu jukhaibo khatdi nkha khaijiu bambo rachamme. Kaguangbo ariakkhuang hainiu maidunggu malumbo lamga khatdi sibo malum situ pijiu ringbamra nkha khaibo lamga raokhaibo-e.
Palungga Bambodung
Ting-kadih nai chamaitu dambo (1.1—2.25)
Nuan khatdi magenthiu chariubo phibang (3.1-24)
Adam gasu Noah tangbo (4.1—5.32)
Noah Khatdi tadui naibo (6.1—10.32)
Babylon gu chaky-ton (11.1-9)
Shem gasu Abram tangbo (11.10-32)
Pao-peh maidung, Abraham, Isaac, Jacob) 12.1—35.29)
Esau kaikik maidung (36.1-43)
Joseph nai pasingna maidung (37.1—45.28)
Israel maidungniu Egypt dihga lungbo 46.1—50.26)
Արդեն Ընտրված.
CHABANGCHAM PISIKHAIRAIBO: LIANBSI
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.