LIPOH 5
5
Adam Chahnü Trahchocho
(1 Roh 1.1-4)
1Adam chahnü trahchocho chung tsü hiroh-i licho. Tsingrangba-nü nyitsarü thride apu kyochola thricho.#Lip 1.27-28 2Abinü arüh khingkurü ko adhrerü külüpcho, arüh müwajücho ko arüh te “Amüi tsurü” pü dsicho.#Mat 19.4; Mrk 10.6 3Adam kang 130 thsade, apu kyo azarü khüdu licho ko abinü aneng Seth dsicho. 4Hütsüpü Adam kang 800 alaa licho. 5Abi tsurü apasü licho ko abi kang 930 thsade sücho.
6Seth kang 105 thsade, abi tsurü Enosh licho, 7hütsüpü kang 807 alaa licho. 8Abi tsurü apasü licho ko kang 912 thsade sücho.
9Enosh kang 90 thsade, atsurü Kenan licho, 10hütsüpü kang 815 alaa licho. 11Abi atsurü apasü licho ko kang 905 thsade abi sücho.
12Kenan kang 70 thsade, atsurü Mahalalel licho, 13hütsüpü kang 840 alaa licho. 14Abi atsurü apasü licho ko kang 910 thsade abi sücho.
15Mahalalel kang 65 thsade, atsurü Jared licho, 16hütsüpü kang 830 alaa licho. 17Abi atsurü apasü licho ko kang 895 thsade abi sücho.
18Jared kang 162 thsade, atsurü Enok licho, 19hütsüpü kang 800 alaa licho. 20Abi atsurü apasü licho ko kang 962 thsade abi sücho.
21Enok kang 65 thsade, atsurü Methusela licho. 22Hütsüpü Enok Tsingrangba te kang 300 tsehpü atsurü apasü licho. 23Abi kang 365 licho. 24Abi Tsingrangba te tsehcho hütsüpü chahpehcho, tunüo Tsingrangba-nü abi notsicho.#Ibr 11.5
25Methusela kang 187 thsade, atsurü Lamek licho, 26hütsüpü kang 782 alaa licho. 27Abi atsurü apasü licho ko kang 969 thsade abi sücho.
28Lamek kang 182 thsade, atsurü khüdu licho, 29ko yocho, “Abüdongba-nü chokehcholaba alih la nguchiba lanü, hiba azarünü akyahshang hirojünung” hütsünü aneng Noa dsijücho. 30Lamek kang 595 alaa licho. 31Abi atsurü apasü licho ko kang 777 thsade abi sücho.
32Noa kang 500 thsapü khanglang atsurü asang Shem, Ham ko Jafet licho.
Արդեն Ընտրված.
LIPOH 5: SANGBSI
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.