Աստվածաշնչի հայտնի հատվածներ Mateo 28-ից

Կիսվել

Ruma k'u wa', jix kuk' konoje ruk'iyal kiwach taq ri tinamit che ruwachulew, chi'ana k'u e nutijo'n chike y chiya'a ri bautismo chike pa rub'i' ri Qaqaw Dios, Ruk'ajol y ri Santowilaj Ruxlab'ixel. Chik'utu chikiwach rike cha' e kaki'an ronoje janipa ri ixnutaqom ri'in che. Lik chiweta'maj k'ut: Ri'in kink'oji' iwuk' ronoje q'ij k'a che ri k'isb'al re ruwachulew —xcha'. Amén.

Ek'uchiri', xqib' ri Jesús kuk' y xub'i'ij chike: —Ri'in ya'tal lo panuq'ab' ronoje ri taqanik chila' chikaj y che ruwachulew.

Ek'uchiri', xub'i'ij ri ángel chike rixoqib': —Mixi'ij iwib'. Ma ri'in weta'am e kitzukuj ri Jesús, ri xkamisax chwa cruz. Rire na jinta chi wara, ma k'astajinaq chub'i jela' pacha' rub'i'im chi uloq. Cho'liwilape wa luwar pa xya'i' wi ri Qanimajawal.

Ri Jesús xub'i'ij k'u chike: —Mixi'ij iwib'. Jix, ji'b'i'ij chike ri nu hermanos cha' keb'ek chila' Galilea y chiri' kakil wi nuwach —xcha'.

Ek'u ri nimaq e aj chakunel pa Rocho Dios kuk' ri nimaq winaq re ri tinamit, xkich'a'b'ej kib' cha' kaki'an tzij chikiwach. Xkiya k'u uk'iyal puaq chike ri soldados y xekitaq che jewa' kakib'i'ij: «Echiri' okinaq lo qawaram chaq'ab', xek'un rutijo'n ri Jesús y xkelaq'aj b'i rucuerpo. Yey we xreta'maj wa' ri taqanel, ri'oj kaqakoj pujolom cha' na jinta k'o ku'an chiwe» kecha'. Ri soldados xkik'am k'u ri puaq y e xki'ano janipa ri xb'i'x chike. Ek'u raj judi'ab' k'a e ub'i'xikil wa' kaki'an waq'ij ora.