Աստվածաշնչի հայտնի հատվածներ Mateo 27-ից

Կիսվել

Chupa k'u la' la' ora, ri Jesús lik ko xsik'inik, jewa' xub'i'ij pa ri ch'a'tem kach'a't wi Rire: —Elí, Elí, ¿lama sabactani? —xcha'. Wa' ke'elawi: “Lal nu Dios, Lal nu Dios, ¿su'b'e xinoq'otaj kan la?”

Ek'u la' la joq'otaj ri telón k'o chupa ri Rocho Dios xrich'rob' chunik'ajal; xujeq lo puwi' y xo'lk'is k'a chuxe'. Rulew lik xb'arb'atik y ri nimaq taq ab'aj xejaqajob' upa. Y xejaqataj taq ri muqub'al yey uk'iyal tikawex re rutinamit ri Dios ekaminaq chik, xek'astaj loq

Tek'uchiri', ri Jesús lik ko xsik'in tanchik y xuq'atisaj k'u ri ranima' puq'ab' ri Dios, asu xkamik.

Ek'u ri capitán y ri soldados echajiyom re ri Jesús, echiri' xkil ri kab'raqan y ronoje taq ri xu'ano, lik xkixi'ij kib' y jewa' xkib'i'ij: —¡Paqatzij wi, wa' wa'chi e Uk'ajol ri Dios! —xecha'.

Echiri' xtik'oj ri q'ij, xok q'equ'm che ruwachulew y wa' xu'k'isa k'a che ri urox ora b'enaq q'ij.

Tek'uchiri', xutz'onoj ri Pilato chike: —¿Yey sa' k'u ri' kan'an che ri Jesús, ri kab'i'x che “e ri Cristo”, Rucha'o'n lo ri Dios? —xcha'. Konoje xkik'ul uwach: —¡Kamisax chwa cruz! —xecha'. Ek'u ri' ri Pilato xub'i'ij chike: —¿Sa' k'u rumak u'anom? —xcha'. Pero ri winaq más ko xesik'inik: —¡Kamisax chwa cruz! —xecha'.