Աստվածաշնչի հայտնի հատվածներ यूहन्‍ना 17-ից

Կիսվել

सत्‍यते बात ङेन च्‍युत्‍ला दिबे सेम खुदुक जोला खुई दिबाला खोल्‍ला मन परे खित्‍च्‍येते कामताङ बातकामा खित छ्युत। सत्‍यते बातचेन खुई बातराङ ईन।

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

दिबे लाईदुकामा मेन, दिबेकी लापाते बात ङेन्‍ला ङाला विश्‍वास खित्‍कान्‍ते मिओन लाईदुङ ङा प्रार्थना खिओ। थेबे लाईदु ङा च्‍यिला प्रार्थना खिते सासीन दिबा गाङे सेमज्‍यीकराङ खाला डिक्‍ला देत्‍स्‍यीत। थेमे आबा खोत्ताङ ङा दोक्‍पोईराङ ईन्‍देकी दिबाबरीङ ङुरूङताङ जीउज्‍यीकराङ ओङस्‍यीत। थोक ओङनामेकी ङाला आबा खुईराङ ताङाते दुका सिन दि सा लुङबे मिओनगी पत्ते खिओ।

ङे दिबाबरीला दुरूकी तेन्‍ला खेरा फाप्‍क्‍यो सिन साबाते मेन। बरू मिला मेलेबा खित्‍कान्‍ते शैतान लाःक्‍तुकी दिबाला जोए खाला स्‍योक सिन ङा बिन्‍ती खिओ।

आबा खोत्ताङ ङा दोक्‍पोईराङ ईन्‍दा च्‍योकराङ खाला दिबाङ सेमज्‍यीकराङ खाला डिक्‍ला देत्‍स्‍यीत सिन आबा खुई ङाला छ्येज्‍यीक मान बिन्‍दा च्‍योकराङ खाईन ङेङ दिबाला मान बिन्‍दा ओत। ङा दिबे सेमगी नाङ देत्‍च्‍येते ईन्‍देकी थेमे खोत्ताङ ङा दोक्‍पोईराङ ईन्‍देकी दिबा गाङेराङ जहिलेङ सेमज्‍यीकराङ खाला डिक्‍ला देत्‍स्‍यीत। दोक ओङनामेई ङाला खुईराङ ताङाते ईन थेमे खुई ङाला ङिङज्‍ये खाबा च्‍योकराङ खाईन दिबालाङ ङिङज्‍ये खित्‍च्‍याक्‍वा सिन दि सा लुङबे मिओनगी छ्या स्‍येक्‍यो।